धृतराष्ट्र उवाच
प्राप्तान् आहुः संजय पाण्डुपुत्रान्; उपप्लव्ये तान् विजानीहि गत्वा ॥
अजातशत्रुं च सभाजयेथा; दिष्ट्यानघ ग्रामम् उपस्थितस् त्वम् ॥
सर्वान् वदेः संजय स्वस्तिमन्तः; कृच्छ्रं वासम् अतदर्हा निरुष्य ॥
तेषां शान्तिर् विद्यते ऽस्मासु शीघ्रं; मिथ्योपेतानाम् उपकारिणां सताम् ॥
नाहं क्व चित् संजय पाण्डवानां; मिथ्यावृत्तिं कां चन जात्व् अपश्यम् ॥
सर्वां श्रियं ह्य् आत्मवीर्येण लब्ध्वा; पर्याकार्षुः पाण्डवा मह्यम् एव ॥
दोषं ह्य् एषां नाधिगच्छे परिक्षन्; नित्यं कं चिद् येन गर्हेय पार्थान् ॥
धर्मार्थाभ्यां कर्म कुर्वन्ति नित्यं; सुखप्रिया नानुरुध्यन्ति कामान् ॥
घर्मं शीतं क्षुत्पिपासे तथैव; निद्रां तन्द्रीं क्रोधहर्षौ प्रमादम् ॥
धृत्या चैव प्रज्ञया चाभिभूय; धर्मार्थयोगान् प्रयतन्ति पार्थाः ॥
dhṛtarāṣṭra uvāca
prāptān āhuḥ saṃjaya pāṇḍuputrān; upaplavye tān vijānīhi gatvā ||
ajātaśatruṃ ca sabhājayethā; diṣṭyānagha grāmam upasthitas tvam ||
sarvān vadeḥ saṃjaya svastimantaḥ; kṛcchraṃ vāsam atadarhā niruṣya ||
teṣāṃ śāntir vidyate 'smāsu śīghraṃ; mithyopetānām upakāriṇāṃ satām ||
nāhaṃ kva cit saṃjaya pāṇḍavānāṃ; mithyāvṛttiṃ kāṃ cana jātv apaśyam ||
sarvāṃ śriyaṃ hy ātmavīryeṇa labdhvā; paryākārṣuḥ pāṇḍavā mahyam eva ||
doṣaṃ hy eṣāṃ nādhigacche parikṣan; nityaṃ kaṃ cid yena garheya pārthān ||
dharmārthābhyāṃ karma kurvanti nityaṃ; sukhapriyā nānurudhyanti kāmān ||
gharmaṃ śītaṃ kṣutpipāse tathaiva; nidrāṃ tandrīṃ krodhaharṣau pramādam ||
dhṛtyā caiva prajñayā cābhibhūya; dharmārthayogān prayatanti pārthāḥ ||
Dhritarashtra said: 'They say, O Sanjaya, that the Pandavas have arrived at Upaplavya. Go and learn about them. You must greet Ajatashatru with these words: "By good fortune you have reached this town, having come out of the forest." And to all of them you must speak these words, O Sanjaya: "Are you well, having endured such a wearisome sojourn — you who deserved no such persecution?" At no time will they be at peace toward us, for though they were treated treacherously by their enemies, they remain righteous and good. Never, O Sanjaya, have I ever detected any falsehood in the Pandavas. It was by their own valor that they won all their prosperity, and yet they have always remained obedient to me. Though I have carefully examined their conduct, I have never been able to find in them a single fault for which we might reproach them. They always act mindful of virtue and wealth; they never yield to fondness for sensual pleasure, nor to cold, hunger, or thirst; they master sleep, sloth, anger, elation, and negligence. The sons of Pritha, ever mindful of both virtue and wealth, are always pleasing to all.'
a25d15f52b4a · 发布于 2026年7月17日 03:43:07 UTC
可用语言RUEN用方向键翻颂
This passage develops the central theme of the Udyoga-parva: the effort toward peace unfolds already against the backdrop of an inevitable war. Key themes: the Pandavas, Dhritarashtra, Sanjaya. Dharma here reveals itself through speech, through the choice of an embassy, through fidelity to one's word, and through a king's responsibility for the consequences of his decisions.