यज्ञार्थात् कर्मणो ऽन्यत्र लोको ऽयं कर्मबन्धनः ॥
तदर्थं कर्म कौन्तेय मुक्तसङ्गः समाचर ॥
सहयज्ञाः प्रजाः सृष्ट्वा पुरोवाच प्रजापतिः ॥
अनेन प्रसविष्यध्वम् एष वो ऽस्त्व् इष्टकामधुक् ॥
देवान् भावयतानेन ते देवा भावयन्तु वः ॥
परस्परं भावयन्तः श्रेयः परम् अवाप्स्यथ ॥
इष्टान् भोगान् हि वो देवा दास्यन्ते यज्ञभाविताः ॥
तैर् दत्तान् अप्रदायैभ्यो यो भुङ्क्ते स्तेन एव सः ॥
यज्ञशिष्टाशिनः सन्तो मुच्यन्ते सर्वकिल्बिषैः ॥
भुञ्जते ते त्व् अघं पापा ये पचन्त्य् आत्मकारणात् ॥
अन्नाद् भवन्ति भूतानि पर्जन्याद् अन्नसंभवः ॥
यज्ञाद् भवति पर्जन्यो यज्ञः कर्मसमुद्भवः ॥
कर्म ब्रह्मोद्भवं विद्धि ब्रह्माक्षरसमुद्भवम् ॥
तस्मात् सर्वगतं ब्रह्म नित्यं यज्ञे प्रतिष्ठितम् ॥
एवं प्रवर्तितं चक्रं नानुवर्तयतीह यः ॥
अघायुर् इन्द्रियारामो मोघं पार्थ स जीवति ॥
yajñārthāt karmaṇo 'nyatra loko 'yaṃ karmabandhanaḥ ||
tadarthaṃ karma kaunteya muktasaṅgaḥ samācara ||
sahayajñāḥ prajāḥ sṛṣṭvā purovāca prajāpatiḥ ||
anena prasaviṣyadhvam eṣa vo 'stv iṣṭakāmadhuk ||
devān bhāvayatānena te devā bhāvayantu vaḥ ||
parasparaṃ bhāvayantaḥ śreyaḥ param avāpsyatha ||
iṣṭān bhogān hi vo devā dāsyante yajñabhāvitāḥ ||
tair dattān apradāyaibhyo yo bhuṅkte stena eva saḥ ||
yajñaśiṣṭāśinaḥ santo mucyante sarvakilbiṣaiḥ ||
bhuñjate te tv aghaṃ pāpā ye pacanty ātmakāraṇāt ||
annād bhavanti bhūtāni parjanyād annasaṃbhavaḥ ||
yajñād bhavati parjanyo yajñaḥ karmasamudbhavaḥ ||
karma brahmodbhavaṃ viddhi brahmākṣarasamudbhavam ||
tasmāt sarvagataṃ brahma nityaṃ yajñe pratiṣṭhitam ||
evaṃ pravartitaṃ cakraṃ nānuvartayatīha yaḥ ||
aghāyur indriyārāmo moghaṃ pārtha sa jīvati ||
"Except for action performed for the sake of sacrifice, this world is bound by karma. Therefore, O son of Kunti, perform action for its sake, free from attachment. In the beginning, having created beings together with sacrifice, Prajapati said: 'By this, multiply; let it be for you a source of desired blessings. By this sustain the gods, and may the gods sustain you; sustaining one another, you shall attain the highest good. The gods, nourished by sacrifice, will give you the blessings you desire. But whoever partakes of what they have given without offering it back to them is indeed a thief.' The righteous, who eat the remnants of sacrifice, are freed from all sins; but sinners, who cook only for themselves, eat nothing but sin. Living beings are sustained by food, food is born of rain, rain arises from sacrifice, and sacrifice is born of prescribed action. Know that prescribed action arises from Brahman, and Brahman proceeds from the imperishable; therefore the all-pervading Brahman is eternally established in sacrifice. Whoever in this world does not follow this wheel thus set in motion lives in vain, O son of Pritha: his life is sinful, and he delights only in the senses."
0a267bdd56a0 · 发布于 2026年7月17日 20:55:05 UTC
可用语言RUEN用方向键翻颂
Yajna is revealed here as a principle of mutual obligation before the divine order. Action becomes liberating when it ceases to be consumption for oneself and becomes part of service to the whole.