संजय उवाच
पुत्रं तु निहतं श्रुत्वा इरावन्तं धनंजयः ॥
दुःखेन महताविष्टो निःश्वसन् पन्नगो यथा ॥
अब्रवीत् समरे राजन् वासुदेवम् इदं वचः ॥
इदं नूनं महाप्राज्ञो विदुरो दृष्टवान् पुरा ॥
कुरूणां पाण्डवानां च क्षयं घोरं महामतिः ॥
ततो निवारयितवान् धृतराष्ट्रं जनेश्वरम् ॥
अवध्या बहवो वीराः संग्रामे मधुसूदन ॥
निहताः कौरवैः संख्ये तथास्माभिश् च ते हताः ॥
अर्थहेतोर् नरश्रेष्ठ क्रियते कर्म कुत्सितम् ॥
धिग् अर्थान् यत्कृते ह्य् एवं क्रियते ज्ञातिसंक्षयः ॥
अधनस्य मृतं श्रेयो न च ज्ञातिवधाद् धनम् ॥
किं नु प्राप्स्यामहे कृष्ण हत्वा ज्ञातीन् समागतान् ॥
दुर्योधनापराधेन शकुनेः सौबलस्य च ॥
क्षत्रिया निधनं यान्ति कर्णदुर्मन्त्रितेन च ॥
इदानीं च विजानामि सुकृतं मधुसूदन ॥
कृतं राज्ञा महाबाहो याचता स्म सुयोधनम् ॥
राज्यार्धं पञ्च वा ग्रामान् नाकार्षीत् स च दुर्मतिः ॥
दृष्ट्वा हि क्षत्रियाञ् शूराञ् शयानान् धरणीतले ॥
निन्दामि भृशम् आत्मानं धिग् अस्तु क्षत्रजीविकाम् ॥
अशक्तम् इति माम् एते ज्ञास्यन्ति क्षत्रिया रणे ॥
युद्धं ममैभिरुचितं ज्ञातिभिर् मधुसूदन ॥
संचोदय हयान् क्षिप्रं धार्तराष्ट्रचमूं प्रति ॥
प्रतरिष्ये महापारं भुजाभ्यां समरोदधिम् ॥
नायं क्लीबयितुं कालो विद्यते माधव क्व चित् ॥
एवम् उक्तस् तु पार्थेन केशवः परवीरहा ॥
चोदयाम् आस तान् अश्वान् पाण्डुरान् वातरंहसः ॥
अथ शब्दो महान् आसीत् तव सैन्यस्य भारत ॥
मारुतोद्धूतवेगस्य सागरस्येव पर्वणि ॥
saṃjaya uvāca
putraṃ tu nihataṃ śrutvā irāvantaṃ dhanaṃjayaḥ ||
duḥkhena mahatāviṣṭo niḥśvasan pannago yathā ||
abravīt samare rājan vāsudevam idaṃ vacaḥ ||
idaṃ nūnaṃ mahāprājño viduro dṛṣṭavān purā ||
kurūṇāṃ pāṇḍavānāṃ ca kṣayaṃ ghoraṃ mahāmatiḥ ||
tato nivārayitavān dhṛtarāṣṭraṃ janeśvaram ||
avadhyā bahavo vīrāḥ saṃgrāme madhusūdana ||
nihatāḥ kauravaiḥ saṃkhye tathāsmābhiś ca te hatāḥ ||
arthahetor naraśreṣṭha kriyate karma kutsitam ||
dhig arthān yatkṛte hy evaṃ kriyate jñātisaṃkṣayaḥ ||
adhanasya mṛtaṃ śreyo na ca jñātivadhād dhanam ||
kiṃ nu prāpsyāmahe kṛṣṇa hatvā jñātīn samāgatān ||
duryodhanāparādhena śakuneḥ saubalasya ca ||
kṣatriyā nidhanaṃ yānti karṇadurmantritena ca ||
idānīṃ ca vijānāmi sukṛtaṃ madhusūdana ||
kṛtaṃ rājñā mahābāho yācatā sma suyodhanam ||
rājyārdhaṃ pañca vā grāmān nākārṣīt sa ca durmatiḥ ||
dṛṣṭvā hi kṣatriyāñ śūrāñ śayānān dharaṇītale ||
nindāmi bhṛśam ātmānaṃ dhig astu kṣatrajīvikām ||
aśaktam iti mām ete jñāsyanti kṣatriyā raṇe ||
yuddhaṃ mamaibhirucitaṃ jñātibhir madhusūdana ||
saṃcodaya hayān kṣipraṃ dhārtarāṣṭracamūṃ prati ||
pratariṣye mahāpāraṃ bhujābhyāṃ samarodadhim ||
nāyaṃ klībayituṃ kālo vidyate mādhava kva cit ||
evam uktas tu pārthena keśavaḥ paravīrahā ||
codayām āsa tān aśvān pāṇḍurān vātaraṃhasaḥ ||
atha śabdo mahān āsīt tava sainyasya bhārata ||
mārutoddhūtavegasya sāgarasyeva parvaṇi ||
Sanjaya said: "Having heard that his son Iravan was slain, Dhananjaya, overcome with great sorrow and sighing like a serpent, said these words to Vasudeva in the battle: 'This, surely, the supremely wise Vidura foresaw long ago — this terrible destruction of the Kurus and Pandavas. Therefore, being great in understanding, he tried to restrain the lord of men, Dhritarashtra. Many heroes who did not deserve to be slain have been struck down by the Kauravas in battle, Madhusudana, and by us as well. For the sake of wealth, best of men, a despicable deed is being done. Shame on riches for whose sake such destruction of kinsmen is wrought! Better death without wealth than wealth gained by the slaying of kinsmen. What indeed shall we gain, Krishna, by killing the assembled kinsmen? Through the offense of Duryodhana, of Shakuni son of Subala, and through Karna's evil counsel, the kshatriyas are going to their death. Only now do I understand, Madhusudana, how rightly the king, mighty-armed, acted when he begged Suyodhana for half the kingdom, or even five villages; but that evil-minded one refused. Seeing brave kshatriyas lying on the ground, I bitterly reproach myself. Shame on the kshatriya way of life! These kshatriyas in battle will think me weak, but now war with my kinsmen is what I desire, Madhusudana. Quickly drive the horses toward the army of Dhritarashtra's son. With my two arms I shall cross this vast ocean of battle. Now, Madhava, is no time anywhere for faint-heartedness.' Thus addressed by Partha, Keshava, slayer of enemy heroes, urged on those white horses, swift as the wind. Then, O Bharata, a great roar arose from your army, like the roar of the ocean whipped up by the wind at the time of the tide."
e5fa934a3538 · 发布于 2026年7月17日 21:47:11 UTC
可用语言RUEN用方向键翻颂
Iravan's death reveals in Arjuna not only anger but moral anguish: he sees that for the sake of land, kin is being driven to annihilation. Yet this grief does not turn into a refusal to act; it hardens into a stern resolve to cross the ocean of battle without self-deception.