ततः शांतनवो भीष्मः सैन्यं दृष्ट्वाभिविद्रुतम् ॥
महता रथवंशेन सौभद्रं पर्यवारयत् ॥
कोष्ठकीकृत्य तं वीरं धार्तराष्ट्रा महारथाः ॥
एकं सुबहवो युद्धे ततक्षुः सायकैर् दृढम् ॥
स तेषां रथिनां वीरः पितुस् तुल्यपराक्रमः ॥
सदृशो वासुदेवस्य विक्रमेण बलेन च ॥
उभयोः सदृशं कर्म स पितुर् मातुलस्य च ॥
रणे बहुविधं चक्रे सर्वशस्त्रभृतां वरः ॥
ततो धनंजयो राजन् विनिघ्नंस् तव सैनिकान् ॥
आससाद रणे भीष्मं पुत्रप्रेप्सुर् अमर्षणः ॥
तथैव समरे राजन् पिता देवव्रतस् तव ॥
आससाद रणे पार्थं स्वर्भानुर् इव भास्करम् ॥
ततः सरथनागाश्वाः पुत्रास् तव विशां पते ॥
परिवव्रू रणे भीष्मं जुगुपुश् च समन्ततः ॥
तथैव पाण्डवा राजन् परिवार्य धनंजयम् ॥
रणाय महते युक्ता दंशिता भरतर्षभ ॥
tataḥ śāṃtanavo bhīṣmaḥ sainyaṃ dṛṣṭvābhividrutam ||
mahatā rathavaṃśena saubhadraṃ paryavārayat ||
koṣṭhakīkṛtya taṃ vīraṃ dhārtarāṣṭrā mahārathāḥ ||
ekaṃ subahavo yuddhe tatakṣuḥ sāyakair dṛḍham ||
sa teṣāṃ rathināṃ vīraḥ pitus tulyaparākramaḥ ||
sadṛśo vāsudevasya vikrameṇa balena ca ||
ubhayoḥ sadṛśaṃ karma sa pitur mātulasya ca ||
raṇe bahuvidhaṃ cakre sarvaśastrabhṛtāṃ varaḥ ||
tato dhanaṃjayo rājan vinighnaṃs tava sainikān ||
āsasāda raṇe bhīṣmaṃ putraprepsur amarṣaṇaḥ ||
tathaiva samare rājan pitā devavratas tava ||
āsasāda raṇe pārthaṃ svarbhānur iva bhāskaram ||
tataḥ sarathanāgāśvāḥ putrās tava viśāṃ pate ||
parivavrū raṇe bhīṣmaṃ jugupuś ca samantataḥ ||
tathaiva pāṇḍavā rājan parivārya dhanaṃjayam ||
raṇāya mahate yuktā daṃśitā bharatarṣabha ||
Then Bhishma, son of Shantanu, seeing his army in flight, surrounded Saubhadra with a great array of chariots. The mighty chariot-warriors of Dhritarashtra, hemming in that hero, many against one, harshly cut at him with their arrows. But this hero among charioteers, equal in prowess to his father and matching Vasudeva in courage and strength, the finest of all who bear weapons, performed in battle deeds of many kinds, resembling the feats of his father and his maternal uncle. Then Dhananjaya, O king, cutting down your soldiers and unable to bear it in his eagerness to reach his son, drew near to Bhishma in battle. In the same way, O king, your father Devavrata drew near to Partha in the fight, as Svarbhanu draws near the sun. Then your sons, with their chariots, elephants, and horses, surrounded Bhishma in battle and guarded him on every side. So too the Pandavas, surrounding Dhananjaya, stood clad in armor, ready for the great battle, O bull of the Bharatas."
672a325cf960 · 发布于 2026年7月17日 21:47:12 UTC
可用语言RUEN用方向键翻颂
After Alambusa's flight, the Kauravas must now hold back Abhimanyu himself, and then Arjuna appears. The verse binds together son, father, and Krishna: Abhimanyu's strength becomes the very reason Arjuna moves toward the center of the battle.