एष पाण्डुसुतस् तात श्वेताश्वः कृष्णसारथिः ॥
दहते मामकान् सर्वान् कृष्णवर्त्मेव काननम् ॥
पश्य सैन्यानि गाङ्गेय द्रवमाणानि सर्वशः ॥
पाण्डवेन युधां श्रेष्ठ काल्यमानानि संयुगे ॥
यथा पशुगणान् पालः संकालयति कानने ॥
तथेदं मामकं सैन्यं काल्यते शत्रुतापन ॥
धनंजयशरैर् भग्नं द्रवमाणम् इतस् ततः ॥
भीमो ह्य् एष दुराधर्षो विद्रावयति मे बलम् ॥
सात्यकिश् चेकितानश् च माद्रीपुत्रौ च पाण्डवौ ॥
अभिमन्युश् च विक्रान्तो वाहिनीं दहते मम ॥
धृष्टद्युम्नस् तथा शूरो राक्षसश् च घटोत्कचः ॥
व्यद्रावयेतां सहसा सैन्यं मम महाबलौ ॥
वध्यमानस्य सैन्यस्य सर्वैर् एतैर् महाबलैः ॥
नान्यां गतिं प्रपश्यामि स्थाने युद्धे च भारत ॥
ऋते त्वां पुरुषव्याघ्र देवतुल्यपराक्रम ॥
पर्याप्तश् च भवान् क्षिप्रं पीडितानां गतिर् भव ॥
eṣa pāṇḍusutas tāta śvetāśvaḥ kṛṣṇasārathiḥ ||
dahate māmakān sarvān kṛṣṇavartmeva kānanam ||
paśya sainyāni gāṅgeya dravamāṇāni sarvaśaḥ ||
pāṇḍavena yudhāṃ śreṣṭha kālyamānāni saṃyuge ||
yathā paśugaṇān pālaḥ saṃkālayati kānane ||
tathedaṃ māmakaṃ sainyaṃ kālyate śatrutāpana ||
dhanaṃjayaśarair bhagnaṃ dravamāṇam itas tataḥ ||
bhīmo hy eṣa durādharṣo vidrāvayati me balam ||
sātyakiś cekitānaś ca mādrīputrau ca pāṇḍavau ||
abhimanyuś ca vikrānto vāhinīṃ dahate mama ||
dhṛṣṭadyumnas tathā śūro rākṣasaś ca ghaṭotkacaḥ ||
vyadrāvayetāṃ sahasā sainyaṃ mama mahābalau ||
vadhyamānasya sainyasya sarvair etair mahābalaiḥ ||
nānyāṃ gatiṃ prapaśyāmi sthāne yuddhe ca bhārata ||
ṛte tvāṃ puruṣavyāghra devatulyaparākrama ||
paryāptaś ca bhavān kṣipraṃ pīḍitānāṃ gatir bhava ||
"Father, here is the son of Pandu with white horses, whose charioteer is Krishna, burning all my men as fire burns a forest. Look, Gangeya, how the hosts flee on every side, driven in the fray by the Pandava, foremost of warriors. As a herdsman drives his herds of animals through the forest, so my army is being driven, O scorcher of foes. Broken by Dhananjaya's arrows, it flees this way and that. This unassailable Bhima scatters my forces. Satyaki, Chekitana, the two Pandavas born of Madri, and the valiant Abhimanyu burn my army. Heroic Dhrishtadyumna and the mighty rakshasa Ghatotkacha have suddenly routed my host. With my army being slaughtered by all these mighty warriors, O Bharata, I see no other course, neither in holding my ground nor in battle, but for you, tiger among men, whose valor equals that of the gods. You alone can suffice — swiftly become a refuge for the afflicted."
c9fc26532520 · 发布于 2026年7月17日 21:55:41 UTC
可用语言RUEN用方向键翻颂
In Duryodhana's words one hears again his dependence on Bhishma's strength. He names the Pandava heroes not to praise them but as an admission that his own army, without the grandfather, is collapsing.