चित्रसेनो महाराज चेकितानं समभ्ययात् ॥
भीष्मप्रेप्सुं रणे यान्तं वृषं व्याघ्रशिशुर् यथा ॥
धृष्टद्युम्नं महाराज भीष्मान्तिकम् उपागतम् ॥
त्वरमाणो रणे यत्तं कृतवर्मा न्यवारयत् ॥
भीमसेनं सुसंक्रुद्धं गाङ्गेयस्य वधैषिणम् ॥
त्वरमाणो महाराज सौमदत्तिर् न्यवारयत् ॥
तथैव नकुलं वीरं किरन्तं सायकान् बहून् ॥
विकर्णो वारयाम् आस इच्छन् भीष्मस्य जीवितम् ॥
सहदेवं तथा यान्तं यत्तं भीष्मरथं प्रति ॥
वारयाम् आस संक्रुद्धः कृपः शारद्वतो युधि ॥
राक्षसं क्रूरकर्माणं भैमसेनिं महाबलम् ॥
भीष्मस्य निधनं प्रेप्सुं दुर्मुखो ऽभ्यद्रवद् बली ॥
सात्यकिं समरे क्रुद्धम् आर्श्यशृङ्गिर् अवारयत् ॥
अभिमन्युं महाराज यान्तं भीष्मरथं प्रति ॥
सुदक्षिणो महाराज काम्बोजः प्रत्यवारयत् ॥
विराटद्रुपदौ वृद्धौ समेताव् अरिमर्दनौ ॥
अश्वत्थामा ततः क्रुद्धो वारयाम् आस भारत ॥
तथा पाण्डुसुतं ज्येष्ठं भीष्मस्य वधकाङ्क्षिणम् ॥
भारद्वाजो रणे यत्तो धर्मपुत्रम् अवारयत् ॥
अर्जुनं रभसं युद्धे पुरस्कृत्य शिखण्डिनम् ॥
भीष्मप्रेप्सुं महाराज तापयन्तं दिशो दश ॥
दुःशासनो महेष्वासो वारयाम् आस संयुगे ॥
अन्ये च तावका योधाः पाण्डवानां महारथान् ॥
भीष्मायाभिमुखं यातान् वारयाम् आसुर् आहवे ॥
citraseno mahārāja cekitānaṃ samabhyayāt ||
bhīṣmaprepsuṃ raṇe yāntaṃ vṛṣaṃ vyāghraśiśur yathā ||
dhṛṣṭadyumnaṃ mahārāja bhīṣmāntikam upāgatam ||
tvaramāṇo raṇe yattaṃ kṛtavarmā nyavārayat ||
bhīmasenaṃ susaṃkruddhaṃ gāṅgeyasya vadhaiṣiṇam ||
tvaramāṇo mahārāja saumadattir nyavārayat ||
tathaiva nakulaṃ vīraṃ kirantaṃ sāyakān bahūn ||
vikarṇo vārayām āsa icchan bhīṣmasya jīvitam ||
sahadevaṃ tathā yāntaṃ yattaṃ bhīṣmarathaṃ prati ||
vārayām āsa saṃkruddhaḥ kṛpaḥ śāradvato yudhi ||
rākṣasaṃ krūrakarmāṇaṃ bhaimaseniṃ mahābalam ||
bhīṣmasya nidhanaṃ prepsuṃ durmukho 'bhyadravad balī ||
sātyakiṃ samare kruddham ārśyaśṛṅgir avārayat ||
abhimanyuṃ mahārāja yāntaṃ bhīṣmarathaṃ prati ||
sudakṣiṇo mahārāja kāmbojaḥ pratyavārayat ||
virāṭadrupadau vṛddhau sametāv arimardanau ||
aśvatthāmā tataḥ kruddho vārayām āsa bhārata ||
tathā pāṇḍusutaṃ jyeṣṭhaṃ bhīṣmasya vadhakāṅkṣiṇam ||
bhāradvājo raṇe yatto dharmaputram avārayat ||
arjunaṃ rabhasaṃ yuddhe puraskṛtya śikhaṇḍinam ||
bhīṣmaprepsuṃ mahārāja tāpayantaṃ diśo daśa ||
duḥśāsano maheṣvāso vārayām āsa saṃyuge ||
anye ca tāvakā yodhāḥ pāṇḍavānāṃ mahārathān ||
bhīṣmāyābhimukhaṃ yātān vārayām āsur āhave ||
Chitrasena, great king, advanced against Chekitana, who was going in battle toward Bhishma like a young tiger upon a bull. Kritavarman held back Dhrishtadyumna, who, hastening and alert in battle, had drawn close to Bhishma. Saumadatti, great king, held back the greatly enraged Bhimasena, who sought the death of Gangeya. Likewise Vikarna, wishing to preserve Bhishma's life, held back the hero Nakula, who was scattering many arrows. The enraged Kripa, son of Sharadvat, held back Sahadeva in battle, who was going, intent, toward Bhishma's chariot. The mighty Durmukha rushed at the mighty son of Bhimasena, the rakshasa of cruel deeds, who sought Bhishma's death. Arshyashringi held back the enraged Satyaki in battle. Sudakshina, king of Kamboja, held back Abhimanyu, who was going toward Bhishma's chariot. Then the enraged Ashvatthaman held back the elders Virata and Drupada, the two crushers of foes. Drona, son of Bharadvaja, alert in battle, held back the eldest son of Pandu, the son of Dharma, who sought to slay Bhishma. The great archer Duhshasana held back in battle the impetuous Arjuna, who had placed Shikhandin before him, was striving toward Bhishma, and scorched all ten directions. And your other warriors in the battle held back the great chariot-warriors of the Pandavas, who advanced straight toward Bhishma."
9cd33d35c668 · 发布于 2026年7月17日 21:55:41 UTC
可用语言RUEN用方向键翻颂
The Kauravas build a living wall around Bhishma: each Pandava hero is met by a defender. It matters that it is Duhshasana himself who takes on the task of holding back Arjuna.