संजय उवाच
अर्जुनस् तु रणे शल्यं यतमानं महारथम् ॥
छादयाम् आस समरे शरैः संनतपर्वभिः ॥
सुशर्माणं कृपं चैव त्रिभिस् त्रिभिर् अविध्यत ॥
प्राग्ज्योतिषं च समरे सैन्धवं च जयद्रथम् ॥
चित्रसेनं विकर्णं च कृतवर्माणम् एव च ॥
दुर्मर्षणं च राजेन्द्र आवन्त्यौ च महारथौ ॥
एकैकं त्रिभिर् आनर्छत् कङ्कबर्हिणवाजितैः ॥
शरैर् अतिरथो युद्धे पीडयन् वाहिनीं तव ॥
जयद्रथो रणे पार्थं भित्त्वा भारत सायकैः ॥
भीमं विव्याध तरसा चित्रसेनरथे स्थितः ॥
शल्यश् च समरे जिष्णुं कृपश् च रथिनां वरः ॥
विव्यधाते महाबाहुं बहुधा मर्मभेदिभिः ॥
चित्रसेनादयश् चैव पुत्रास् तव विशां पते ॥
पञ्चभिः पञ्चभिस् तूर्णं संयुगे निशितैः शरैः ॥
आजघ्नुर् अर्जुनं संख्ये भीमसेनं च मारिष ॥
तौ तत्र रथिनां श्रेष्ठौ कौन्तेयौ भरतर्षभौ ॥
अपीडयेतां समरे त्रिगर्तानां महद् बलम् ॥
सुशर्मापि रणे पार्थं विद्ध्वा बहुभिर् आयसैः ॥
ननाद बलवन् नादं नादयन् वै नभस्तलम् ॥
अन्ये च रथिनः शूरा भीमसेनधनंजयौ ॥
विव्यधुर् निशितैर् बाणै रुक्मपुङ्खैर् अजिह्मगैः ॥
तेषां तु रथिनां मध्ये कौन्तेयौ रथिनां वरौ ॥
क्रीडमानौ रथोदारौ चित्ररूपौ व्यरोचताम् ॥
आमिषेप्सू गवां मध्ये सिंहाव् इव बलोत्कटौ ॥
saṃjaya uvāca
arjunas tu raṇe śalyaṃ yatamānaṃ mahāratham ||
chādayām āsa samare śaraiḥ saṃnataparvabhiḥ ||
suśarmāṇaṃ kṛpaṃ caiva tribhis tribhir avidhyata ||
prāgjyotiṣaṃ ca samare saindhavaṃ ca jayadratham ||
citrasenaṃ vikarṇaṃ ca kṛtavarmāṇam eva ca ||
durmarṣaṇaṃ ca rājendra āvantyau ca mahārathau ||
ekaikaṃ tribhir ānarchat kaṅkabarhiṇavājitaiḥ ||
śarair atiratho yuddhe pīḍayan vāhinīṃ tava ||
jayadratho raṇe pārthaṃ bhittvā bhārata sāyakaiḥ ||
bhīmaṃ vivyādha tarasā citrasenarathe sthitaḥ ||
śalyaś ca samare jiṣṇuṃ kṛpaś ca rathināṃ varaḥ ||
vivyadhāte mahābāhuṃ bahudhā marmabhedibhiḥ ||
citrasenādayaś caiva putrās tava viśāṃ pate ||
pañcabhiḥ pañcabhis tūrṇaṃ saṃyuge niśitaiḥ śaraiḥ ||
ājaghnur arjunaṃ saṃkhye bhīmasenaṃ ca māriṣa ||
tau tatra rathināṃ śreṣṭhau kaunteyau bharatarṣabhau ||
apīḍayetāṃ samare trigartānāṃ mahad balam ||
suśarmāpi raṇe pārthaṃ viddhvā bahubhir āyasaiḥ ||
nanāda balavan nādaṃ nādayan vai nabhastalam ||
anye ca rathinaḥ śūrā bhīmasenadhanaṃjayau ||
vivyadhur niśitair bāṇai rukmapuṅkhair ajihmagaiḥ ||
teṣāṃ tu rathināṃ madhye kaunteyau rathināṃ varau ||
krīḍamānau rathodārau citrarūpau vyarocatām ||
āmiṣepsū gavāṃ madhye siṃhāv iva balotkaṭau ||
Sanjaya said: 'In the fight, Arjuna showered the striving maharatha Shalya with curved arrows. He pierced Susharman and Kripa, each with three arrows; likewise in the battle he struck the lord of Pragjyotisha, Bhagadatta, Saindhava Jayadratha, Chitrasena, Vikarna, Kritavarman, Durmarshana, O king of kings, and the two maharathas of Avanti. This atiratha, pressing hard upon your army, struck each of them in battle with three arrows fledged with heron and peacock feathers. Jayadratha, standing on Chitrasena's chariot, first pierced Partha with arrows, O Bharata, and then swiftly struck Bhima. Shalya in the fight, and Kripa, foremost among chariot-warriors, pierced the mighty-armed Jishnu with many deadly arrows. Chitrasena and your other sons, O lord of peoples, quickly struck Arjuna and Bhimasena in battle, each with five sharp arrows. But there the two Kaunteyas, bulls among the Bharatas, best among chariot-warriors, began to press hard upon the great force of the Trigartas in the fight. Susharman, having wounded Partha with a mass of iron arrows, let out a mighty roar, filling the heavens with sound. And other valiant chariot-warriors pierced Bhimasena and Dhananjaya with straight, gold-feathered arrows. Yet among these chariot-warriors the two Kaunteyas, the finest of warriors, shone with wondrous splendor, as if sporting upon their noble chariots, like two fierce and mighty lions amid a herd.'
7a1f23e935c7 · 发布于 2026年7月17日 21:55:42 UTC
可用语言RUEN用方向键翻颂
Arjuna and Bhima find themselves surrounded, yet the text immediately shifts perspective: amid the great mass of chariot-warriors they appear as predators among a herd. Their combined action becomes the center of the chapter.