संछाद्यमानः सहसा कर्णचापच्युतैः शरैः ॥
चिच्छेद स शरांस् तूर्णं शरैर् एव महारथः ॥
ततो बाणमयं जालं विततं व्योम्न्य् अदृश्यत ॥
खद्योतानां गणैर् एव संपतद्भिर् यथा नभः ॥
तैर् विमुक्तैः शरशतैश् छादितं गगनं तदा ॥
शलभानां यथा व्रातैस् तद्वद् आसीत् समाकुलम् ॥
ते शरा हेमविकृताः संपतन्तो मुहुर् मुहुः ॥
श्रेणीकृता अभासन्त हंसाः श्रेणीगता इव ॥
बाणजालावृते व्योम्नि छादिते च दिवाकरे ॥
समसर्पत् ततो भूतं किं चिद् एव विशां पते ॥
निरुद्धे तत्र मार्गे तु शरसंघैः समन्ततः ॥
व्यरोचतां महाभागौ बालसूर्याव् इवोदितौ ॥
कर्णचापच्युतैर् बाणैर् वध्यमानास् तु सोमकाः ॥
अवालीयन्त राजेन्द्र वेदनार्ताः शरार्दिताः ॥
नकुलस्य तथा बाणैर् वध्यमाना चमूस् तव ॥
व्यशीर्यत दिशो राजन् वातनुन्ना इवाम्बुदाः ॥
ते सेने वध्यमाने तु ताभ्यां दिव्यैर् महाशरैः ॥
शरपातम् अपक्रम्य ततः प्रेक्षकवत् स्थिते ॥
प्रोत्सारिते जने तस्मिन् कर्णपाण्डवयोः शरैः ॥
विव्याधाते महात्मानाव् अन्योन्यं शरवृष्टिभिः ॥
निदर्शयन्तौ त्व् अस्त्राणि दिव्यानि रणमूर्धनि ॥
छादयन्तौ च सहसा परस्परवधैषिणौ ॥
नकुलेन शरा मुक्ताः कङ्कबर्हिणवाससः ॥
ते तु कर्णम् अवच्छाद्य व्यतिष्ठन्त यथा परे ॥
शरवेश्मप्रविष्टौ तौ ददृशाते न कैश् चन ॥
चन्द्रसूर्यौ यथा राजंश् छाद्यमानौ जलागमे ॥
ततः क्रुद्धो रणे कर्णः कृत्वा घोरतरं वपुः ॥
पाण्डवं छादयाम् आस समन्ताच् छरवृष्टिभिः ॥
स च्छाद्यमानः समरे सूतपुत्रेण पाण्डवः ॥
न चकार व्यथां राजन् भास्करो जलदैर् यथा ॥
ततः प्रहस्याधिरथिः शरजालानि मारिष ॥
प्रेषयाम् आस समरे शतशो ऽथ सहस्रशः ॥
एकच्छायम् अभूत् सर्वं तस्य बाणैर् महात्मनः ॥
अभ्रच्छायेव संजज्ञे संपतद्भिः शरोत्तमैः ॥
ततः कर्णो महाराज धनुश् छित्त्वा महात्मनः ॥
सारथिं पातयाम् आस रथनीडाद् धसन्न् इव ॥
तथाश्वांश् चतुरश् चास्य चतुर्भिर् निशितैः शरैः ॥
यमस्य सदनं तूर्णं प्रेषयाम् आस भारत ॥
अथास्य तं रथं तूर्णं तिलशो व्यधमच् छरैः ॥
पताकां चक्ररक्षौ च ध्वजं खड्गं च मारिष ॥
शतचन्द्रं ततश् चर्म सर्वोपकरणानि च ॥
हताश्वो विरथश् चैव विवर्मा च विशां पते ॥
अवतीर्य रथात् तूर्णं परिघं गृह्य विष्ठितः ॥
तम् उद्यतं महाघोरं परिघं तस्य सूतजः ॥
व्यहनत् सायकै राजञ् शतशो ऽथ सहस्रशः ॥
व्यायुधं चैनम् आलक्ष्य शरैः संनतपर्वभिः ॥
आर्दयद् बहुशः कर्णो न चैनं समपीडयत् ॥
स वध्यमानः समरे कृतास्त्रेण बलीयसा ॥
प्राद्रवत् सहसा राजन् नकुलो व्याकुलेन्द्रियः ॥
तम् अभिद्रुत्य राधेयः प्रहसन् वै पुनः पुनः ॥
सज्यम् अस्य धनुः कण्ठे सो ऽवासृजत भारत ॥
ततः स शुशुभे राजन् कण्ठासक्तमहाधनुः ॥
परिवेषम् अनुप्राप्तो यथा स्याद् व्योम्नि चन्द्रमाः ॥
यथैव च सितो मेघः शक्रचापेन शोभितः ॥
तम् अब्रवीत् तदा कर्णो व्यर्थं व्याहृतवान् असि ॥
वदेदानीं पुनर् हृष्टो वध्यं मां त्वं पुनः पुनः ॥
मा योत्सीर् गुरुभिः सार्धं बलवद्भिश् च पाण्डव ॥
सदृशैस् तात युध्यस्व व्रीडां मा कुरु पाण्डव ॥
गृहं वा गच्छ माद्रेय यत्र वा कृष्णफल्गुनौ ॥
एवम् उक्त्वा महाराज व्यसर्जयत तं ततः ॥
वधप्राप्तं तु तं राजन् नावधीत् सूतनन्दनः ॥
स्मृत्वा कुन्त्या वचो राजंस् तत एनं व्यसर्जयत् ॥
विसृष्टः पाण्डवो राजन् सूतपुत्रेण धन्विना ॥
व्रीडन्न् इव जगामाथ युधिष्ठिररथं प्रति ॥
आरुरोह रथं चापि सूतपुत्रप्रतापितः ॥
निःश्वसन् दुःखसंतप्तः कुम्भे क्षिप्त इवोरगः ॥
saṃchādyamānaḥ sahasā karṇacāpacyutaiḥ śaraiḥ ||
ciccheda sa śarāṃs tūrṇaṃ śarair eva mahārathaḥ ||
tato bāṇamayaṃ jālaṃ vitataṃ vyomny adṛśyata ||
khadyotānāṃ gaṇair eva saṃpatadbhir yathā nabhaḥ ||
tair vimuktaiḥ śaraśataiś chāditaṃ gaganaṃ tadā ||
śalabhānāṃ yathā vrātais tadvad āsīt samākulam ||
te śarā hemavikṛtāḥ saṃpatanto muhur muhuḥ ||
śreṇīkṛtā abhāsanta haṃsāḥ śreṇīgatā iva ||
bāṇajālāvṛte vyomni chādite ca divākare ||
samasarpat tato bhūtaṃ kiṃ cid eva viśāṃ pate ||
niruddhe tatra mārge tu śarasaṃghaiḥ samantataḥ ||
vyarocatāṃ mahābhāgau bālasūryāv ivoditau ||
karṇacāpacyutair bāṇair vadhyamānās tu somakāḥ ||
avālīyanta rājendra vedanārtāḥ śarārditāḥ ||
nakulasya tathā bāṇair vadhyamānā camūs tava ||
vyaśīryata diśo rājan vātanunnā ivāmbudāḥ ||
te sene vadhyamāne tu tābhyāṃ divyair mahāśaraiḥ ||
śarapātam apakramya tataḥ prekṣakavat sthite ||
protsārite jane tasmin karṇapāṇḍavayoḥ śaraiḥ ||
vivyādhāte mahātmānāv anyonyaṃ śaravṛṣṭibhiḥ ||
nidarśayantau tv astrāṇi divyāni raṇamūrdhani ||
chādayantau ca sahasā parasparavadhaiṣiṇau ||
nakulena śarā muktāḥ kaṅkabarhiṇavāsasaḥ ||
te tu karṇam avacchādya vyatiṣṭhanta yathā pare ||
śaraveśmapraviṣṭau tau dadṛśāte na kaiś cana ||
candrasūryau yathā rājaṃś chādyamānau jalāgame ||
tataḥ kruddho raṇe karṇaḥ kṛtvā ghorataraṃ vapuḥ ||
pāṇḍavaṃ chādayām āsa samantāc charavṛṣṭibhiḥ ||
sa cchādyamānaḥ samare sūtaputreṇa pāṇḍavaḥ ||
na cakāra vyathāṃ rājan bhāskaro jaladair yathā ||
tataḥ prahasyādhirathiḥ śarajālāni māriṣa ||
preṣayām āsa samare śataśo 'tha sahasraśaḥ ||
ekacchāyam abhūt sarvaṃ tasya bāṇair mahātmanaḥ ||
abhracchāyeva saṃjajñe saṃpatadbhiḥ śarottamaiḥ ||
tataḥ karṇo mahārāja dhanuś chittvā mahātmanaḥ ||
sārathiṃ pātayām āsa rathanīḍād dhasann iva ||
tathāśvāṃś caturaś cāsya caturbhir niśitaiḥ śaraiḥ ||
yamasya sadanaṃ tūrṇaṃ preṣayām āsa bhārata ||
athāsya taṃ rathaṃ tūrṇaṃ tilaśo vyadhamac charaiḥ ||
patākāṃ cakrarakṣau ca dhvajaṃ khaḍgaṃ ca māriṣa ||
śatacandraṃ tataś carma sarvopakaraṇāni ca ||
hatāśvo virathaś caiva vivarmā ca viśāṃ pate ||
avatīrya rathāt tūrṇaṃ parighaṃ gṛhya viṣṭhitaḥ ||
tam udyataṃ mahāghoraṃ parighaṃ tasya sūtajaḥ ||
vyahanat sāyakai rājañ śataśo 'tha sahasraśaḥ ||
vyāyudhaṃ cainam ālakṣya śaraiḥ saṃnataparvabhiḥ ||
ārdayad bahuśaḥ karṇo na cainaṃ samapīḍayat ||
sa vadhyamānaḥ samare kṛtāstreṇa balīyasā ||
prādravat sahasā rājan nakulo vyākulendriyaḥ ||
tam abhidrutya rādheyaḥ prahasan vai punaḥ punaḥ ||
sajyam asya dhanuḥ kaṇṭhe so 'vāsṛjata bhārata ||
tataḥ sa śuśubhe rājan kaṇṭhāsaktamahādhanuḥ ||
pariveṣam anuprāpto yathā syād vyomni candramāḥ ||
yathaiva ca sito meghaḥ śakracāpena śobhitaḥ ||
tam abravīt tadā karṇo vyarthaṃ vyāhṛtavān asi ||
vadedānīṃ punar hṛṣṭo vadhyaṃ māṃ tvaṃ punaḥ punaḥ ||
mā yotsīr gurubhiḥ sārdhaṃ balavadbhiś ca pāṇḍava ||
sadṛśais tāta yudhyasva vrīḍāṃ mā kuru pāṇḍava ||
gṛhaṃ vā gaccha mādreya yatra vā kṛṣṇaphalgunau ||
evam uktvā mahārāja vyasarjayata taṃ tataḥ ||
vadhaprāptaṃ tu taṃ rājan nāvadhīt sūtanandanaḥ ||
smṛtvā kuntyā vaco rājaṃs tata enaṃ vyasarjayat ||
visṛṣṭaḥ pāṇḍavo rājan sūtaputreṇa dhanvinā ||
vrīḍann iva jagāmātha yudhiṣṭhirarathaṃ prati ||
āruroha rathaṃ cāpi sūtaputrapratāpitaḥ ||
niḥśvasan duḥkhasaṃtaptaḥ kumbhe kṣipta ivoragaḥ ||
Когда Накулу внезапно покрыли стрелы, сорвавшиеся с лука Карны, этот махаратха быстро рассекал стрелы стрелами. Затем в небе раскинулась стрелная сеть, похожая на рой слетающихся светляков; сотни выпущенных стрел покрыли пространство, словно тучи саранчи, и небо стало смятённым. Золотые стрелы, снова и снова слетаясь, сияли рядами, как вереницы гусей. Когда небо было покрыто стрелной сетью и солнце закрыто, живые существа, о владыка людей, едва могли двигаться. При пути, закрытом со всех сторон скоплениями стрел, оба великодушных героя сияли, как два восходящих молодых солнца. Сомаки, поражаемые стрелами Карны, мучимые болью, отступали; твоё войско, поражаемое стрелами Накулы, рассыпалось по сторонам, как тучи, гонимые ветром. Обе армии, поражаемые божественными великими стрелами этих двоих, отошли от дождя стрел и стали стоять словно зрители. Когда люди были отогнаны стрелами Карны и Пандавы, два великих героя стали поражать друг друга дождями стрел, являя на вершине боя божественные астры и стремясь убить друг друга. Пёстрооперённые стрелы Накулы покрыли Карну и стояли перед ним словно стена; оба вошли в дом стрел и никем не были видимы, как луна и солнце, закрываемые тучами в сезон дождей. Затем Карна, разгневавшись, сделал облик ещё более страшным и со всех сторон засыпал Пандаву дождями стрел. Но Пандава, покрываемый в бою сыном возничего, не дрогнул, как солнце не дрожит под облаками. Тогда Адхиратхи, засмеявшись, стал посылать в бою сотни и тысячи стрелных сетей, и всё стало одной тенью, словно от облака, созданной летящими лучшими стрелами. Карна рассёк лук великого Накулы, словно смеясь, сбросил возницу с колесницы, четырьмя острыми стрелами отправил его четырёх коней к Яме и быстро раздробил стрелами колесницу, стяг, защитников колёс, знамя, меч, щит со ста лунами и всё снаряжение. С убитыми конями, без колесницы и без брони Накула быстро сошёл с ратхи, взял паригху и стал. Сын возничего сотнями и тысячами стрел разбил эту поднятую страшную паригху. Увидев Накулу безоружным, Карна много раз терзал его стрелами, но не добил. Поражаемый более сильным мастером оружия, Накула, со смятёнными чувствами, внезапно побежал. Радхея догнал его и, снова и снова смеясь, набросил ему на шею свой натянутый лук. Тогда Накула сиял с большим луком на шее, как луна с ореолом в небе или белое облако, украшенное радугой Шакры. Карна сказал ему: «Напрасно ты говорил. Теперь снова радостно скажи, что меня следует убить. Не сражайся, Пандава, со старшими и более сильными; сражайся с равными, сынок, не позорься. Или иди домой, Мадрея, или туда, где Кришна и Фалгуна». Сказав так, Карна отпустил его. Хотя Накула был уже во власти смерти, сын возничего не убил его, вспомнив слова Кунти. Отпущенный Карной-лучником Пандава словно со стыдом пошёл к колеснице Юдхиштхиры и поднялся на неё, опалённый силой сына возничего, вздыхая и страдая, как змея, брошенная в сосуд».
e06e7d74d40d · 发布于 2026年6月20日 04:24:55 UTC
可用语言RU用方向键翻颂
Поражение Накулы не уничтожает его героизма: он выдерживает стрелную бурю и даже теснит Карну. Но Карна показывает превосходство и одновременно связан словом, данным Кунти: он унижает Накулу, но сохраняет ему жизнь.