तम् आपतन्तं संप्रेक्ष्य कर्णो वैकर्तनो वृषः ॥
आजघानोरसि क्रुद्धो नाराचेन स्तनान्तरे ॥
पुनश् चैनम् अमेयात्मा शरवर्षैर् अवाकिरत् ॥
स विद्धः सूतपुत्रेण छादयाम् आस पत्रिभिः ॥
विव्याध निशितैः कर्ण नवभिर् नतपर्वभिः ॥
तस्य कर्णो धनुर्मध्ये द्विधा चिच्छेद पत्रिणा ॥
अथ तं छिन्नधन्वानम् अभ्यविध्यत् स्तनान्तरे ॥
नाराचेन सुतीक्ष्णेन सर्वावरणभेदिना ॥
सो ऽन्यत् कार्मुकम् आदाय सूतपुत्रं वृकोदरः ॥
राजन् मर्मसु मर्मज्ञो विद्ध्वा सुनिशितैः शरैः ॥
ननाद बलवन् नादं कम्पयन्न् इव रोदसी ॥
तं कर्णः पञ्चविंशत्या नाराचानां समार्दयत् ॥
मदोत्कटं वने दृप्तम् उल्काभिर् इव कुञ्जरम् ॥
ततः सायकभिन्नाङ्गः पाण्डवः क्रोधमूर्च्छितः ॥
संरम्भामर्षताम्राक्षः सूतपुत्रवधेच्छया ॥
स कार्मुके महावेगं भारसाधनम् उत्तमम् ॥
गिरीणाम् अपि भेत्तारं सायकं समयोजयत् ॥
विकृष्य बलवच् चापम् आ कर्णाद् अतिमारुतिः ॥
तं मुमोच महेष्वासः क्रुद्धः कर्णजिघांसया ॥
स विसृष्टो बलवता बाणो वज्राशनिस्वनः ॥
अदारयद् रणे कर्णं वज्रवेग इवाचलम् ॥
स भीमसेनाभिहतो सूतपुत्रः कुरूद्वह ॥
निषसाद रथोपस्थे विसंज्ञः पृतनापतिः ॥
tam āpatantaṃ saṃprekṣya karṇo vaikartano vṛṣaḥ ||
ājaghānorasi kruddho nārācena stanāntare ||
punaś cainam ameyātmā śaravarṣair avākirat ||
sa viddhaḥ sūtaputreṇa chādayām āsa patribhiḥ ||
vivyādha niśitaiḥ karṇa navabhir nataparvabhiḥ ||
tasya karṇo dhanurmadhye dvidhā ciccheda patriṇā ||
atha taṃ chinnadhanvānam abhyavidhyat stanāntare ||
nārācena sutīkṣṇena sarvāvaraṇabhedinā ||
so 'nyat kārmukam ādāya sūtaputraṃ vṛkodaraḥ ||
rājan marmasu marmajño viddhvā suniśitaiḥ śaraiḥ ||
nanāda balavan nādaṃ kampayann iva rodasī ||
taṃ karṇaḥ pañcaviṃśatyā nārācānāṃ samārdayat ||
madotkaṭaṃ vane dṛptam ulkābhir iva kuñjaram ||
tataḥ sāyakabhinnāṅgaḥ pāṇḍavaḥ krodhamūrcchitaḥ ||
saṃrambhāmarṣatāmrākṣaḥ sūtaputravadhecchayā ||
sa kārmuke mahāvegaṃ bhārasādhanam uttamam ||
girīṇām api bhettāraṃ sāyakaṃ samayojayat ||
vikṛṣya balavac cāpam ā karṇād atimārutiḥ ||
taṃ mumoca maheṣvāsaḥ kruddhaḥ karṇajighāṃsayā ||
sa visṛṣṭo balavatā bāṇo vajrāśanisvanaḥ ||
adārayad raṇe karṇaṃ vajravega ivācalam ||
sa bhīmasenābhihato sūtaputraḥ kurūdvaha ||
niṣasāda rathopasthe visaṃjñaḥ pṛtanāpatiḥ ||
Увидев нападающего Бхиму, Карна Вайкартана, могучий бык, разгневанно ударил его нарачей в грудь и снова осыпал дождями стрел. Раненный сыном суты, Бхима покрыл его пернатыми стрелами и пронзил Карну девятью острыми стрелами с загнутыми узлами. Карна пернатой стрелой рассёк его лук надвое, а затем, когда тот остался без лука, пронзил его в грудь очень острой нарачей, пробивающей любую защиту. Врикодара взял другой лук и, зная жизненные точки, пронзил сына суты очень острыми стрелами, а затем издал мощный клич, словно сотрясая небо и землю. Карна поразил его двадцатью пятью нарачами, как слона, пьяного и гордого в лесу, поражают головнями. Тогда Пандава, тело которого было рассечено стрелами, охваченный гневом, с глазами, красными от ярости, желая убить сына суты, наложил на лук могучую стрелу, способную раскалывать даже горы. Великий лучник, разгневанный и желающий убить Карну, сильно натянул лук до уха и выпустил её. Эта стрела, выпущенная могучим Бхимой, с грохотом ваджры и молнии, разорвала Карну в бою, как удар ваджры раскалывает гору. Поражённый Бхимасеной, сын суты, военачальник, потерял сознание и осел на сиденье колесницы».
f36d20d695fe · 发布于 2026年6月20日 05:52:39 UTC
可用语言RU用方向键翻颂
Здесь Бхима делает то, что не удалось Юдхиштхире: его гнев становится точным ударом. Карна на миг теряет сознание, и в этой паузе видно, что даже главный противник Арджуны не неуязвим.