अवश्यं तु मया वाच्यं यत् पथ्यं तव पाण्डव ॥
मावमंस्था महाबाहो कर्णम् आहवशोभिनम् ॥
कर्णो हि बलवान् धृष्टः कृतास्त्रश् च महारथः ॥
कृती च चित्रयोधी च देशे काले च कोविदः ॥
तेजसा वह्निसदृशो वायुवेगसमो जवे ॥
अन्तकप्रतिमः क्रोधे सिंहसंहननो बली ॥
अयोरत्निर् महाबाहुर् व्यूढोरस्कः सुदुर्जयः ॥
अतिमानी च शूरश् च प्रवीरः प्रियदर्शनः ॥
सर्वैर् योधगुणैर् युक्तो मित्राणाम् अभयंकरः ॥
सततं पाण्डवद्वेषी धार्तराष्ट्रहिते रतः ॥
सर्वैर् अवध्यो राधेयो देवैर् अपि सवासवैः ॥
ऋते त्वाम् इति मे बुद्धिस् त्वम् अद्य जहि सूतजम् ॥
देवैर् अपि हि संयत्तैर् बिभ्रद्भिर् मांसशोणितम् ॥
अशक्यः समरे जेतुं सर्वैर् अपि युयुत्सुभिः ॥
दुरात्मानं पापमतिं नृशंसं; दुष्टप्रज्ञं पाण्डवेयेषु नित्यम् ॥
हीनस्वार्थं पाण्डवेयैर् विरोधे; हत्वा कर्णं धिष्ठितार्थो भवाद्य ॥
वीरं मन्यत आत्मानं येन पापः सुयोधनः ॥
तम् अद्य मूलं पापानां जय सौतिं धनंजय ॥
avaśyaṃ tu mayā vācyaṃ yat pathyaṃ tava pāṇḍava ||
māvamaṃsthā mahābāho karṇam āhavaśobhinam ||
karṇo hi balavān dhṛṣṭaḥ kṛtāstraś ca mahārathaḥ ||
kṛtī ca citrayodhī ca deśe kāle ca kovidaḥ ||
tejasā vahnisadṛśo vāyuvegasamo jave ||
antakapratimaḥ krodhe siṃhasaṃhanano balī ||
ayoratnir mahābāhur vyūḍhoraskaḥ sudurjayaḥ ||
atimānī ca śūraś ca pravīraḥ priyadarśanaḥ ||
sarvair yodhaguṇair yukto mitrāṇām abhayaṃkaraḥ ||
satataṃ pāṇḍavadveṣī dhārtarāṣṭrahite rataḥ ||
sarvair avadhyo rādheyo devair api savāsavaiḥ ||
ṛte tvām iti me buddhis tvam adya jahi sūtajam ||
devair api hi saṃyattair bibhradbhir māṃsaśoṇitam ||
aśakyaḥ samare jetuṃ sarvair api yuyutsubhiḥ ||
durātmānaṃ pāpamatiṃ nṛśaṃsaṃ; duṣṭaprajñaṃ pāṇḍaveyeṣu nityam ||
hīnasvārthaṃ pāṇḍaveyair virodhe; hatvā karṇaṃ dhiṣṭhitārtho bhavādya ||
vīraṃ manyata ātmānaṃ yena pāpaḥ suyodhanaḥ ||
tam adya mūlaṃ pāpānāṃ jaya sautiṃ dhanaṃjaya ||
«Но я непременно должен сказать тебе полезное, Пандава: не недооценивай Карну, сияющего в битве, могучий. Карна силён и дерзок, обучен астрами, махаратха; он искусен, разнообразен в бою и знает место и время. Сиянием он подобен огню, быстротой равен ветру, в гневе подобен Антаке; он силён, сложен как лев, с железными руками, широкогруд и трудноодолим, горд, храбр, виден как лучший герой. Он наделён всеми качествами воина, даёт друзьям бесстрашие, постоянно ненавидит Пандавов и предан благу Дхритараштридов. По моему разумению, Радхею не могут убить все — даже боги вместе с Васавой, — кроме тебя. Поэтому сегодня срази сына суты. Даже собравшиеся для боя боги, облечённые плотью и кровью, не смогли бы победить его в сражении. Сразив Карну — злодея со злым умом, жестокого, постоянно зломыслящего против Пандавов, погубившего своё благо враждой с Пандавеями, — достигни сегодня цели. Из-за него грешный Суёдхана считает себя героем; сегодня, Дхананджая, победи сына суты, корень всех бед».
e44b10254046 · 发布于 2026年6月20日 07:15:19 UTC
可用语言RU用方向键翻颂
После ободрения Кришна сразу ставит предел самоуверенности: Карна действительно велик и опасен. Зрелая храбрость не преуменьшает врага; она видит силу противника ясно и всё равно идёт исполнить долг.