वैशंपायन उवाच
एवम् उक्त्वा युधां श्रेष्ठः सर्वयादवनन्दनः ॥
सर्वायुधवरोपेतम् आरुरोह महारथम् ॥
युक्तं परमकाम्बोजैस् तुरगैर् हेममालिभिः ॥
आदित्योदयवर्णस्य धुरं रथवरस्य तु ॥
दक्षिणाम् अवहत् सैन्यः सुग्रीवः सव्यतो ऽवहत् ॥
पार्ष्णिवाहौ तु तस्यास्तां मेघपुष्पबलाहकौ ॥
विश्वकर्मकृता दिव्या नानारत्नविभूषिता ॥
उच्छ्रितेव रथे माया ध्वजयष्टिर् अदृश्यत ॥
वैनतेयः स्थितस् तस्यां प्रभामण्डलरश्मिवान् ॥
तस्य सत्यवतः केतुर् भुजगारिर् अदृश्यत ॥
अन्वारोहद् धृषीकेशः केतुः सर्वधनुष्मताम् ॥
अर्जुनः सत्यकर्मा च कुरुराजो युधिष्ठिरः ॥
अशोभेतां महात्मानौ दाशार्हम् अभितः स्थितौ ॥
रथस्थं शार्ङ्गधन्वानम् अश्विनाव् इव वासवम् ॥
ताव् उपारोप्य दाशार्हः स्यन्दनं लोकपूजितम् ॥
प्रतोदेन जवोपेतान् परमाश्वान् अचोदयत् ॥
ते हयाः सहसोत्पेतुर् गृहीत्वा स्यन्दनोत्तमम् ॥
आस्थितं पाण्डवेयाभ्यां यदूनाम् ऋषभेण च ॥
वहतां शार्ङ्गधन्वानम् अश्वानां शीघ्रगामिनाम् ॥
प्रादुरासीन् महाञ् शब्दः पक्षिणां पतताम् इव ॥
ते समार्छन् नरव्याघ्राः क्षणेन भरतर्षभ ॥
भीमसेनं महेष्वासं समनुद्रुत्य वेगिताः ॥
vaiśaṃpāyana uvāca
evam uktvā yudhāṃ śreṣṭhaḥ sarvayādavanandanaḥ ||
sarvāyudhavaropetam āruroha mahāratham ||
yuktaṃ paramakāmbojais turagair hemamālibhiḥ ||
ādityodayavarṇasya dhuraṃ rathavarasya tu ||
dakṣiṇām avahat sainyaḥ sugrīvaḥ savyato 'vahat ||
pārṣṇivāhau tu tasyāstāṃ meghapuṣpabalāhakau ||
viśvakarmakṛtā divyā nānāratnavibhūṣitā ||
ucchriteva rathe māyā dhvajayaṣṭir adṛśyata ||
vainateyaḥ sthitas tasyāṃ prabhāmaṇḍalaraśmivān ||
tasya satyavataḥ ketur bhujagārir adṛśyata ||
anvārohad dhṛṣīkeśaḥ ketuḥ sarvadhanuṣmatām ||
arjunaḥ satyakarmā ca kururājo yudhiṣṭhiraḥ ||
aśobhetāṃ mahātmānau dāśārham abhitaḥ sthitau ||
rathasthaṃ śārṅgadhanvānam aśvināv iva vāsavam ||
tāv upāropya dāśārhaḥ syandanaṃ lokapūjitam ||
pratodena javopetān paramāśvān acodayat ||
te hayāḥ sahasotpetur gṛhītvā syandanottamam ||
āsthitaṃ pāṇḍaveyābhyāṃ yadūnām ṛṣabheṇa ca ||
vahatāṃ śārṅgadhanvānam aśvānāṃ śīghragāminām ||
prādurāsīn mahāñ śabdaḥ pakṣiṇāṃ patatām iva ||
te samārchan naravyāghrāḥ kṣaṇena bharatarṣabha ||
bhīmasenaṃ maheṣvāsaṃ samanudrutya vegitāḥ ||
Вайшампаяна сказал: «Сказав это, лучший воинов, радость всех Ядавов, взошёл на большую колесницу, снабжённую всем лучшим оружием и запряжённую превосходными камбоджийскими конями с золотыми гирляндами. Правую сторону дышла лучшей колесницы, сияющей как восходящее солнце, нёс Сайнья, левую — Сугрива, а пристяжными были Мегхапушпа и Балахака. Божественное древко знамени, сделанное Вишвакарманом и украшенное разными драгоценностями, поднималось на колеснице словно чудо. На нём виднелся Вайнатея, враг змей, с лучами сияющего круга: таков был стяг истинного Хришикеши. На колесницу вслед за Хришикешей взошли Арджуна, знамя всех лучников и истинный в делах, и царь Куру Юдхиштхира. Два великодушных, стоя по сторонам Дашархи, сияли рядом с Шарнгадханваном на колеснице, как Ашвины рядом с Васавой. Посадив их на почитаемую миром колесницу, Дашарха кнутом погнал быстрых лучших коней. Кони внезапно рванулись, увлекая лучшую колесницу, где стояли два Пандавея и бык Яду. От быстроходных коней, несущих Шарнгадханвана, поднялся великий звук, словно от летящих птиц. Эти тигры среди людей, стремительно помчавшись, в мгновение настигли великого лучника Бхимасену, о бык Бхаратов».
52950801717e · 发布于 2026年6月20日 12:41:08 UTC
可用语言RU用方向键翻颂
Кришна не медлит: когда Бхима идёт к опасности, Он сам становится возничим спасения. Описание колесницы подчёркивает, что сейчас движется не просто семья Пандавов, а защищающая воля Господа.