अभीता युध्यमानास् ते घ्नन्तः शत्रुगणान् बहून् ॥
वीरकर्माणि कुर्वाणाः पुत्रास् ते निधनं गताः ॥
ध्रुवं संप्राप्य लोकांस् ते निर्मलाञ् शस्त्रनिर्जितान् ॥
भास्वरं देहम् आस्थाय विहरन्त्य् अमरा इव ॥
न हि कश् चिद् धि शूराणां युध्यमानः पराङ्मुखः ॥
शस्त्रेण निधनं प्राप्तो न च कश् चित् कृताञ्जलिः ॥
एतां तां क्षत्रियस्याहुः पुराणां परमां गतिम् ॥
शस्त्रेण निधनं संख्ये तान् न शोचितुम् अर्हसि ॥
न चापि शत्रवस् तेषाम् ऋध्यन्ते राज्ञि पाण्डवाः ॥
शृणु यत् कृतम् अस्माभिर् अश्वत्थामपुरोगमैः ॥
अधर्मेण हतं श्रुत्वा भीमसेनेन ते सुतम् ॥
सुप्तं शिबिरम् आविश्य पाण्डूनां कदनं कृतम् ॥
पाञ्चाला निहताः सर्वे धृष्टद्युम्नपुरोगमाः ॥
द्रुपदस्यात्मजाश् चैव द्रौपदेयाश् च पातिताः ॥
तथा विशसनं कृत्वा पुत्रशत्रुगणस्य ते ॥
प्राद्रवाम रणे स्थातुं न हि शक्यामहे त्रयः ॥
ते हि शूरा महेष्वासाः क्षिप्रम् एष्यन्ति पाण्डवाः ॥
अमर्षवशम् आपन्ना वैरं प्रतिजिहीर्षवः ॥
निहतान् आत्मजाञ् श्रुत्वा प्रमत्तान् पुरुषर्षभाः ॥
निनीषन्तः पदं शूराः क्षिप्रम् एव यशस्विनि ॥
पाण्डूनां किल्बिषं कृत्वा संस्थातुं नोत्सहामहे ॥
अनुजानीहि नो राज्ञि मा च शोके मनः कृथाः ॥
राजंस् त्वम् अनुजानीहि धैर्यम् आतिष्ठ चोत्तमम् ॥
निष्ठान्तं पश्य चापि त्वं क्षत्रधर्मं च केवलम् ॥
abhītā yudhyamānās te ghnantaḥ śatrugaṇān bahūn ||
vīrakarmāṇi kurvāṇāḥ putrās te nidhanaṃ gatāḥ ||
dhruvaṃ saṃprāpya lokāṃs te nirmalāñ śastranirjitān ||
bhāsvaraṃ deham āsthāya viharanty amarā iva ||
na hi kaś cid dhi śūrāṇāṃ yudhyamānaḥ parāṅmukhaḥ ||
śastreṇa nidhanaṃ prāpto na ca kaś cit kṛtāñjaliḥ ||
etāṃ tāṃ kṣatriyasyāhuḥ purāṇāṃ paramāṃ gatim ||
śastreṇa nidhanaṃ saṃkhye tān na śocitum arhasi ||
na cāpi śatravas teṣām ṛdhyante rājñi pāṇḍavāḥ ||
śṛṇu yat kṛtam asmābhir aśvatthāmapurogamaiḥ ||
adharmeṇa hataṃ śrutvā bhīmasenena te sutam ||
suptaṃ śibiram āviśya pāṇḍūnāṃ kadanaṃ kṛtam ||
pāñcālā nihatāḥ sarve dhṛṣṭadyumnapurogamāḥ ||
drupadasyātmajāś caiva draupadeyāś ca pātitāḥ ||
tathā viśasanaṃ kṛtvā putraśatrugaṇasya te ||
prādravāma raṇe sthātuṃ na hi śakyāmahe trayaḥ ||
te hi śūrā maheṣvāsāḥ kṣipram eṣyanti pāṇḍavāḥ ||
amarṣavaśam āpannā vairaṃ pratijihīrṣavaḥ ||
nihatān ātmajāñ śrutvā pramattān puruṣarṣabhāḥ ||
ninīṣantaḥ padaṃ śūrāḥ kṣipram eva yaśasvini ||
pāṇḍūnāṃ kilbiṣaṃ kṛtvā saṃsthātuṃ notsahāmahe ||
anujānīhi no rājñi mā ca śoke manaḥ kṛthāḥ ||
rājaṃs tvam anujānīhi dhairyam ātiṣṭha cottamam ||
niṣṭhāntaṃ paśya cāpi tvaṃ kṣatradharmaṃ ca kevalam ||
Крипа сказал: «Твои сыновья пали, сражаясь бесстрашно, убивая многие толпы врагов и совершая геройские дела. Они несомненно достигли чистых миров, завоёванных оружием, и, приняв сияющие тела, наслаждаются словно бессмертные. Среди героев не было никого, кто, сражаясь, был бы убит оружием, обратившись спиной, и никто не пал со сложенными ладонями, моля о пощаде. Древние называют высшей участью кшатрия смерть от оружия в битве; тебе не следует их оплакивать. И враги их, царица, Пандавы, тоже не процветают. Услышь, что сделано нами во главе с Ашваттхаманом. Услышав, что твой сын был неправедно убит Бхимасеной, мы вошли в спящий лагерь Пандавов и устроили истребление. Все Панчалы во главе с Дхриштадьюмной убиты; сыновья Друпады и сыновья Драупади повержены. Совершив такое истребление толпы врагов твоего сына, мы бежали: втроём мы не можем стоять в бою. Пандавы, эти герои и великие лучники, быстро придут, охваченные яростью и желая возмездия. Узнав об убитых сыновьях, беспечных и спавших, эти быки среди людей скоро начнут искать наш след, о славная. Совершив грех против Пандавов, мы не решаемся оставаться. Отпусти нас, царица, и не предавай ум скорби. И ты, царь, отпусти нас, прими высшую стойкость и смотри на это как на завершение чистой кшатрийской дхармы».
b732c049d29a · 发布于 2026年6月20日 13:47:06 UTC
可用语言RU用方向键翻颂
Крипа пытается говорить языком кшатрийской чести, но сам признаёт слово `kilbiṣa` — грех. Ночная резня уже не героический бой, а действие, после которого уцелевшие бегут.