गान्धार्य् उवाच
एष शल्यो हतः शेते साक्षान् नकुलमातुलः ॥
धर्मज्ञेन सता तात धर्मराजेन संयुगे ॥
यस् त्वया स्पर्धते नित्यं सर्वत्र पुरुषर्षभ ॥
स एष निहतः शेते मद्रराजो महारथः ॥
येन संगृह्णता तात रथम् आधिरथेर् युधि ॥
जयार्थं पाण्डुपुत्राणां तथा तेजोवधः कृतः ॥
अहो धिक् पश्य शल्यस्य पूर्णचन्द्रसुदर्शनम् ॥
मुखं पद्मपलाशाक्षं वडैर् आदष्टम् अव्रणम् ॥
एषा चामीकराभस्य तप्तकाञ्चनसप्रभा ॥
आस्याद् विनिःसृता जिह्वा भक्ष्यते कृष्ण पक्षिभिः ॥
युधिष्ठिरेण निहतं शल्यं समितिशोभनम् ॥
रुदन्त्यः पर्युपासन्ते मद्रराजकुलस्त्रियः ॥
एताः सुसूक्ष्मवसना मद्रराजं नरर्षभम् ॥
क्रोशन्त्य् अभिसमासाद्य क्षत्रियाः क्षत्रियर्षभम् ॥
शल्यं निपतितं नार्यः परिवार्याभितः स्थिताः ॥
वाशिता गृष्टयः पङ्के परिमग्नम् इवर्षभम् ॥
शल्यं शरणदं शूरं पश्यैनं रथसत्तमम् ॥
शयानं वीरशयने शरैर् विशकलीकृतम् ॥
gāndhāry uvāca
eṣa śalyo hataḥ śete sākṣān nakulamātulaḥ ||
dharmajñena satā tāta dharmarājena saṃyuge ||
yas tvayā spardhate nityaṃ sarvatra puruṣarṣabha ||
sa eṣa nihataḥ śete madrarājo mahārathaḥ ||
yena saṃgṛhṇatā tāta ratham ādhirather yudhi ||
jayārthaṃ pāṇḍuputrāṇāṃ tathā tejovadhaḥ kṛtaḥ ||
aho dhik paśya śalyasya pūrṇacandrasudarśanam ||
mukhaṃ padmapalāśākṣaṃ vaḍair ādaṣṭam avraṇam ||
eṣā cāmīkarābhasya taptakāñcanasaprabhā ||
āsyād viniḥsṛtā jihvā bhakṣyate kṛṣṇa pakṣibhiḥ ||
yudhiṣṭhireṇa nihataṃ śalyaṃ samitiśobhanam ||
rudantyaḥ paryupāsante madrarājakulastriyaḥ ||
etāḥ susūkṣmavasanā madrarājaṃ nararṣabham ||
krośanty abhisamāsādya kṣatriyāḥ kṣatriyarṣabham ||
śalyaṃ nipatitaṃ nāryaḥ parivāryābhitaḥ sthitāḥ ||
vāśitā gṛṣṭayaḥ paṅke parimagnam ivarṣabham ||
śalyaṃ śaraṇadaṃ śūraṃ paśyainaṃ rathasattamam ||
śayānaṃ vīraśayane śarair viśakalīkṛtam ||
Гандхари сказала: «Вот лежит убитый Шалья, родной дядя Накулы по матери, сражённый в бою праведным Дхармараджей, знающим дхарму. Тот царь мадров, махаратха, кто всегда соперничал с тобой во всём, о лучший из людей, теперь лежит убитым. Когда он правил колесницей Карны, сына Адхиратхи, в бою, он ради победы сыновей Панду сломил дух Карны. Увы, посмотри на лицо Шальи, прекрасное как полная луна, с глазами как лепестки лотоса: птицы клюют его, хотя оно не изранено. Его язык, сияющий как расплавленное золото, выпал из уст, и птицы пожирают его, Кришна. Женщины рода царя мадров, плача, окружают Шалью, украшение битвы, убитого Юдхиштхирой. Эти кшатрийки в тонких одеждах кричат, подойдя к царю мадров, быку среди кшатриев. Женщины стоят вокруг павшего Шальи, словно мычащие коровы в грязи вокруг увязшего быка. Посмотри на Шалью, героя, дававшего защиту, лучшего колесничего, лежащего на ложе героев и рассечённого стрелами».
0a411d772b80 · 发布于 2026年6月20日 14:19:39 UTC
可用语言RU用方向键翻颂
Шалья показан не только как враг, но и как родственник Пандавов и царь, вокруг которого плачут его женщины. Война ломает даже родственные связи, превращая дядю Накулы в жертву Юдхиштхиры.