वैशंपायन उवाच
याज्ञसेन्या वचः श्रुत्वा पुनर् एवार्जुनो ऽब्रवीत् ॥
अनुमान्य महाबाहुं ज्येष्ठं भ्रातरम् ईश्वरम् ॥
दण्डः शास्ति प्रजाः सर्वा दण्ड एवाभिरक्षति ॥
दण्डः सुप्तेषु जागर्ति दण्डं धर्मं विदुर् बुधाः ॥
धर्मं संरक्षते दण्डस् तथैवार्थं नराधिप ॥
कामं संरक्षते दण्डस् त्रिवर्गो दण्ड उच्यते ॥
दण्डेन रक्ष्यते धान्यं धनं दण्डेन रक्ष्यते ॥
एतद् विद्वन्न् उपादत्स्व स्वभावं पश्य लौकिकम् ॥
राजदण्डभयाद् एके पापाः पापं न कुर्वते ॥
यमदण्डभयाद् एके परलोकभयाद् अपि ॥
परस्परभयाद् एके पापाः पापं न कुर्वते ॥
एवं सांसिद्धिके लोके सर्वं दण्डे प्रतिष्ठितम् ॥
दण्डस्यैव भयाद् एके न खादन्ति परस्परम् ॥
अन्धे तमसि मज्जेयुर् यदि दण्डो न पालयेत् ॥
यस्माद् अदान्तान् दमयत्य् अशिष्टान् दण्डयत्य् अपि ॥
दमनाद् दण्डनाच् चैव तस्माद् दण्डं विदुर् बुधाः ॥
वाचि दण्डो ब्राह्मणानां क्षत्रियाणां भुजार्पणम् ॥
दानदण्डः स्मृतो वैश्यो निर्दण्डः शूद्र उच्यते ॥
असंमोहाय मर्त्यानाम् अर्थसंरक्षणाय च ॥
मर्यादा स्थापिता लोके दण्डसंज्ञा विशां पते ॥
vaiśaṃpāyana uvāca
yājñasenyā vacaḥ śrutvā punar evārjuno 'bravīt ||
anumānya mahābāhuṃ jyeṣṭhaṃ bhrātaram īśvaram ||
daṇḍaḥ śāsti prajāḥ sarvā daṇḍa evābhirakṣati ||
daṇḍaḥ supteṣu jāgarti daṇḍaṃ dharmaṃ vidur budhāḥ ||
dharmaṃ saṃrakṣate daṇḍas tathaivārthaṃ narādhipa ||
kāmaṃ saṃrakṣate daṇḍas trivargo daṇḍa ucyate ||
daṇḍena rakṣyate dhānyaṃ dhanaṃ daṇḍena rakṣyate ||
etad vidvann upādatsva svabhāvaṃ paśya laukikam ||
rājadaṇḍabhayād eke pāpāḥ pāpaṃ na kurvate ||
yamadaṇḍabhayād eke paralokabhayād api ||
parasparabhayād eke pāpāḥ pāpaṃ na kurvate ||
evaṃ sāṃsiddhike loke sarvaṃ daṇḍe pratiṣṭhitam ||
daṇḍasyaiva bhayād eke na khādanti parasparam ||
andhe tamasi majjeyur yadi daṇḍo na pālayet ||
yasmād adāntān damayaty aśiṣṭān daṇḍayaty api ||
damanād daṇḍanāc caiva tasmād daṇḍaṃ vidur budhāḥ ||
vāci daṇḍo brāhmaṇānāṃ kṣatriyāṇāṃ bhujārpaṇam ||
dānadaṇḍaḥ smṛto vaiśyo nirdaṇḍaḥ śūdra ucyate ||
asaṃmohāya martyānām arthasaṃrakṣaṇāya ca ||
maryādā sthāpitā loke daṇḍasaṃjñā viśāṃ pate ||
Вайшампаяна сказал: «Услышав речь Яджнясени, Арджуна снова заговорил, почтив сильнорукого старшего брата, владыку». Арджуна сказал: «Жезл наказания правит всеми существами, и жезл же их защищает. Жезл бодрствует среди спящих; мудрые знают жезл как дхарму. Жезл охраняет дхарму, так же артху, о владыка людей, и жезл охраняет каму: жезл называется триваргой. Жезлом защищается зерно, жезлом защищается богатство. Прими это к сведению, знаток, и посмотри на мирской порядок. Одни злые не совершают зла из страха царского наказания; другие — из страха жезла Ямы и иного мира; третьи — из взаимного страха. Так в устроенном мире всё держится на жезле. Из страха перед жезлом одни не пожирают друг друга; если бы жезл не защищал, существа погрузились бы в слепую тьму. Поскольку он обуздывает необузданных и наказывает невоспитанных, из-за обуздания и наказания мудрые знают его как жезл. Для брахманов жезл — в речи, для кшатриев — в применении рук, для вайшьи жезлом считается имущественное взыскание, а шудра называется без жезла. Для того чтобы смертные не впадали в заблуждение и чтобы богатство было защищено, в мире установлена граница, именуемая жезлом, о владыка народов».
522813fcd6ec · 发布于 2026年6月20日 15:27:45 UTC
可用语言RU用方向键翻颂
Арджуна развивает мысль Драупади: `daṇḍa` не жестокость ради жестокости, а принцип порядка. Без силы, способной удерживать зло, не сохраняются ни дхарма, ни богатство, ни обычная жизнь.