वैशंपायन उवाच
श्रुत्वा तु वचनं भीष्मो वासुदेवस्य धीमतः ॥
किं चिद् उन्नाम्य वदनं प्राञ्जलिर् वाक्यम् अब्रवीत् ॥
नमस् ते भगवन् विष्णो लोकानां निधनोद्भव ॥
त्वं हि कर्ता हृषीकेश संहर्ता चापराजितः ॥
विश्वकर्मन् नमस् ते ऽस्तु विश्वात्मन् विश्वसंभव ॥
अपवर्गो ऽसि भूतानां पञ्चानां परतः स्थितः ॥
नमस् ते त्रिषु लोकेषु नमस् ते परतस् त्रिषु ॥
योगेश्वर नमस् ते ऽस्तु त्वं हि सर्वपरायणम् ॥
मत्संश्रितं यद् आत्थ त्वं वचः पुरुषसत्तम ॥
तेन पश्यामि ते दिव्यान् भावान् हि त्रिषु वर्त्मसु ॥
तच् च पश्यामि तत्त्वेन यत् ते रूपं सनातनम् ॥
सप्त मार्गा निरुद्धास् ते वायोर् अमिततेजसः ॥
दिवं ते शिरसा व्याप्तं पद्भ्यां देवी वसुंधरा ॥
दिशो भुजौ रविश् चक्षुर् वीर्ये शक्रः प्रतिष्ठितः ॥
अतसीपुष्पसंकाशं पीतवाससम् अच्युतम् ॥
वपुर् ह्य् अनुमिमीमस् ते मेघस्येव सविद्युतः ॥
त्वत्प्रपन्नाय भक्ताय गतिम् इष्टां जिगीषवे ॥
यच् छ्रेयः पुण्डरीकाक्ष तद् ध्यायस्व सुरोत्तम ॥
vaiśaṃpāyana uvāca
śrutvā tu vacanaṃ bhīṣmo vāsudevasya dhīmataḥ ||
kiṃ cid unnāmya vadanaṃ prāñjalir vākyam abravīt ||
namas te bhagavan viṣṇo lokānāṃ nidhanodbhava ||
tvaṃ hi kartā hṛṣīkeśa saṃhartā cāparājitaḥ ||
viśvakarman namas te 'stu viśvātman viśvasaṃbhava ||
apavargo 'si bhūtānāṃ pañcānāṃ parataḥ sthitaḥ ||
namas te triṣu lokeṣu namas te paratas triṣu ||
yogeśvara namas te 'stu tvaṃ hi sarvaparāyaṇam ||
matsaṃśritaṃ yad āttha tvaṃ vacaḥ puruṣasattama ||
tena paśyāmi te divyān bhāvān hi triṣu vartmasu ||
tac ca paśyāmi tattvena yat te rūpaṃ sanātanam ||
sapta mārgā niruddhās te vāyor amitatejasaḥ ||
divaṃ te śirasā vyāptaṃ padbhyāṃ devī vasuṃdharā ||
diśo bhujau raviś cakṣur vīrye śakraḥ pratiṣṭhitaḥ ||
atasīpuṣpasaṃkāśaṃ pītavāsasam acyutam ||
vapur hy anumimīmas te meghasyeva savidyutaḥ ||
tvatprapannāya bhaktāya gatim iṣṭāṃ jigīṣave ||
yac chreyaḥ puṇḍarīkākṣa tad dhyāyasva surottama ||
Вайшампаяна сказал: услышав слова мудрого Васудевы, Бхишма немного поднял лицо, сложил ладони и произнёс: «Поклон Тебе, благословенный Вишну, источник и конец миров. Ты, Хришикеша, творец и разрушитель, непобедимый. О Вишвакарман, поклон Тебе; о вселенская Душа, источник вселенной, Ты — освобождение существ, пребывающий выше пяти элементов. Поклон Тебе в трёх мирах и поклон Тебе выше трёх миров. О Владыка йоги, поклон Тебе; ведь Ты — высшее прибежище всего. Лучший из людей, через слова, которые Ты сказал обо мне, я вижу Твои божественные проявления в трёх путях. И поистине я вижу Твою вечную форму. Тобой удержаны семь путей безмерно сияющего ветра. Небо охвачено Твоей головой, богиня Земля — Твоими стопами; стороны света — Твои руки, солнце — Твой глаз, в Твоей силе утверждён Шакра. Я созерцаю Твой образ, подобный цветку атаси, Ачьюту в жёлтых одеждах, словно грозовую тучу с молнией. О лотосоокий, лучший из богов, помысли о высшем благе для предавшегося Тебе бхакты, который желает обрести желанную цель».
3edc7399abcf · 发布于 2026年6月20日 17:32:30 UTC
可用语言RU用方向键翻颂
Бхишма видит в Кришне не просто родственника и советника Пандавов, а Вишну, источник, опору и цель миров. Его просьба лична: преданный, стоящий на пороге ухода, ищет не абстрактного знания, а благой путь под взглядом Господа.