वासुदेव उवाच
यशसः श्रेयसश् चैव मूलं मां विद्धि कौरव ॥
मत्तः सर्वे ऽभिनिर्वृत्ता भावाः सदसदात्मकाः ॥
शीतांशुश् चन्द्र इत्य् उक्ते को लोके विस्मयिष्यति ॥
तथैव यशसा पूर्णे मयि को विस्मयिष्यति ॥
आधेयं तु मया भूयो यशस् तव महाद्युते ॥
ततो मे विपुला बुद्धिस् त्वयि भीष्म समाहिता ॥
यावद् धि पृथिवीपाल पृथिवी स्थास्यते ध्रुवा ॥
तावत् तवाक्षया कीर्तिर् लोकान् अनु चरिष्यति ॥
यच् च त्वं वक्ष्यसे भीष्म पाण्डवायानुपृच्छते ॥
वेदप्रवादा इव ते स्थास्यन्ति वसुधातले ॥
यश् चैतेन प्रमाणेन योक्ष्यत्य् आत्मानम् आत्मना ॥
स फलं सर्वपुण्यानां प्रेत्य चानुभविष्यति ॥
एतस्मात् कारणाद् भीष्म मतिर् दिव्या मया हि ते ॥
दत्ता यशो विप्रथेत कथं भूयस् तवेति ह ॥
यावद् धि प्रथते लोके पुरुषस्य यशो भुवि ॥
तावत् तस्याक्षयं स्थानं भवतीति विनिश्चितम् ॥
vāsudeva uvāca
yaśasaḥ śreyasaś caiva mūlaṃ māṃ viddhi kaurava ||
mattaḥ sarve 'bhinirvṛttā bhāvāḥ sadasadātmakāḥ ||
śītāṃśuś candra ity ukte ko loke vismayiṣyati ||
tathaiva yaśasā pūrṇe mayi ko vismayiṣyati ||
ādheyaṃ tu mayā bhūyo yaśas tava mahādyute ||
tato me vipulā buddhis tvayi bhīṣma samāhitā ||
yāvad dhi pṛthivīpāla pṛthivī sthāsyate dhruvā ||
tāvat tavākṣayā kīrtir lokān anu cariṣyati ||
yac ca tvaṃ vakṣyase bhīṣma pāṇḍavāyānupṛcchate ||
vedapravādā iva te sthāsyanti vasudhātale ||
yaś caitena pramāṇena yokṣyaty ātmānam ātmanā ||
sa phalaṃ sarvapuṇyānāṃ pretya cānubhaviṣyati ||
etasmāt kāraṇād bhīṣma matir divyā mayā hi te ||
dattā yaśo vipratheta kathaṃ bhūyas taveti ha ||
yāvad dhi prathate loke puruṣasya yaśo bhuvi ||
tāvat tasyākṣayaṃ sthānaṃ bhavatīti viniścitam ||
Васудева сказал: «Каурава, знай Меня корнем славы и высшего блага. Из Меня возникли все состояния, имеющие природу сущего и несущего. Если кто-то скажет: “холоднолучевой — это луна”, кто в мире удивится? Так же кто удивится Моей славе, когда Я и так полон славы? Но Мне следует ещё возложить славу на тебя, великосияющий; поэтому Мой широкий замысел сосредоточен на тебе, Бхишма. Пока устойчивая земля будет стоять, о хранитель земли, твоя неистощимая слава будет ходить по мирам. И то, что ты скажешь Пандаву, когда он будет спрашивать, останется на земле словно ведийские изречения. Кто таким авторитетом соединит себя с собой, тот после смерти испытает плод всех заслуг. По этой причине, Бхишма, Я дал тебе божественный разум: чтобы твоя слава распространилась ещё больше. Ведь пока слава человека распространяется в мире на земле, столько же пребывает его нетленное место: это установлено».
13b3760a40ea · 发布于 2026年6月20日 17:41:38 UTC
可用语言RU用方向键翻颂
Кришна объясняет, что Его собственная слава не нуждается в подтверждении. Он возвышает Бхишму, чтобы наставление стало живым наследием: слова праведника, произнесённые по милости Господа, будут служить людям как мерило дхармы.