राज्ञा सप्तैव रक्ष्याणि तानि चापि निबोध मे ॥
आत्मामात्यश् च कोशश् च दण्डो मित्राणि चैव हि ॥
तथा जनपदश् चैव पुरं च कुरुनन्दन ॥
एतत् सप्तात्मकं राज्यं परिपाल्यं प्रयत्नतः ॥
षाड्गुण्यं च त्रिवर्गं च त्रिवर्गम् अपरं तथा ॥
यो वेत्ति पुरुषव्याघ्र स भुनक्ति महीम् इमाम् ॥
षाड्गुण्यम् इति यत् प्रोक्तं तन् निबोध युधिष्ठिर ॥
संधायासनम् इत्य् एव यात्रासंधानम् एव च ॥
विगृह्यासनम् इत्य् एव यात्रां संपरिगृह्य च ॥
द्वैधीभावस् तथान्येषां संश्रयो ऽथ परस्य च ॥
त्रिवर्गश् चापि यः प्रोक्तस् तम् इहैकमनाः शृणु ॥
क्षयः स्थानं च वृद्धिश् च त्रिवर्गम् अपरं तथा ॥
धर्मश् चार्थश् च कामश् च सेवितव्यो ऽथ कालतः ॥
धर्मेण हि महीपालश् चिरं पालयते महीम् ॥
अस्मिन्न् अर्थे च यौ श्लोकौ गीताव् अङ्गिरसा स्वयम् ॥
यादवीपुत्र भद्रं ते श्रोतुम् अर्हसि ताव् अपि ॥
कृत्वा सर्वाणि कार्याणि सम्यक् संपाल्य मेदिनीम् ॥
पालयित्वा तथा पौरान् परत्र सुखम् एधते ॥
किं तस्य तपसा राज्ञः किं च तस्याध्वरैर् अपि ॥
अपालिताः प्रजा यस्य सर्वा धर्मविनाकृताः ॥
rājñā saptaiva rakṣyāṇi tāni cāpi nibodha me ||
ātmāmātyaś ca kośaś ca daṇḍo mitrāṇi caiva hi ||
tathā janapadaś caiva puraṃ ca kurunandana ||
etat saptātmakaṃ rājyaṃ paripālyaṃ prayatnataḥ ||
ṣāḍguṇyaṃ ca trivargaṃ ca trivargam aparaṃ tathā ||
yo vetti puruṣavyāghra sa bhunakti mahīm imām ||
ṣāḍguṇyam iti yat proktaṃ tan nibodha yudhiṣṭhira ||
saṃdhāyāsanam ity eva yātrāsaṃdhānam eva ca ||
vigṛhyāsanam ity eva yātrāṃ saṃparigṛhya ca ||
dvaidhībhāvas tathānyeṣāṃ saṃśrayo 'tha parasya ca ||
trivargaś cāpi yaḥ proktas tam ihaikamanāḥ śṛṇu ||
kṣayaḥ sthānaṃ ca vṛddhiś ca trivargam aparaṃ tathā ||
dharmaś cārthaś ca kāmaś ca sevitavyo 'tha kālataḥ ||
dharmeṇa hi mahīpālaś ciraṃ pālayate mahīm ||
asminn arthe ca yau ślokau gītāv aṅgirasā svayam ||
yādavīputra bhadraṃ te śrotum arhasi tāv api ||
kṛtvā sarvāṇi kāryāṇi samyak saṃpālya medinīm ||
pālayitvā tathā paurān paratra sukham edhate ||
kiṃ tasya tapasā rājñaḥ kiṃ ca tasyādhvarair api ||
apālitāḥ prajā yasya sarvā dharmavinākṛtāḥ ||
Царь должен охранять именно семь вещей; выслушай их от меня: себя, министра, казну, войско, друзей, страну и город, радость Куру. Это семичастное царство нужно старательно защищать. Кто знает шесть мер политики, одну триаду и другую триаду, тигр среди людей, тот владеет этой землёй. Узнай, Юдхиштхира, что называют шестью мерами: выжидание после заключения мира, поход и заключение мира, выжидание при вражде, поход, двойственная политика в отношении других и прибежище у другого. Теперь внимательно выслушай названную здесь триаду: упадок, стояние и рост; а другая триада — дхарма, польза и желание, которые следует применять своевременно. Дхармой хранитель земли долго защищает землю. По этому поводу есть два стиха, изречённые самим Ангирасом; сын Ядави, благо тебе, ты должен услышать и их: “Сделав все дела, правильно защитив землю и защитив горожан, царь возрастает счастьем в ином мире. Что царю от аскезы и что ему даже от жертв, если его подданные не защищены и все лишены дхармы?”»
d335491a8ae4 · 发布于 2026年6月20日 18:28:39 UTC
可用语言RU用方向键翻颂
Заключение сводит практическую политику к семи элементам царства и к своевременному применению средств. Но последний стих ставит критерий выше техники: аскеза и жертвы царя не имеют силы, если подданные оставлены без защиты и дхармы.