कौसल्येनैवम् उक्तस् तु राजपुत्रेण धीमता ॥
मुनिः कालकवृक्षीयः प्रत्युवाच महाद्युतिः ॥
पुरस्ताद् एव ते बुद्धिर् इयं कार्या विजानतः ॥
अनित्यं सर्वम् एवेदम् अहं च मम चास्ति यत् ॥
यत् किं चिन् मन्यसे ऽस्तीति सर्वं नास्तीति विद्धि तत् ॥
एवं न व्यथते प्राज्ञः कृच्छ्राम् अप्य् आपदं गतः ॥
यद् धि भूतं भविष्यच् च ध्रुवं तन् न भविष्यति ॥
एवं विदितवेद्यस् त्वम् अधर्मेभ्यः प्रमोक्ष्यसे ॥
यच् च पूर्वे समाहारे यच् च पूर्वतरे परे ॥
सर्वं तन् नास्ति तच् चैव तज् ज्ञात्वा को ऽनुसंज्वरेत् ॥
भूत्वा च न भवत्य् एतद् अभूत्वा च भवत्य् अपि ॥
शोके न ह्य् अस्ति सामर्थ्यं शोकं कुर्यात् कथं नरः ॥
क्व नु ते ऽद्य पिता राजन् क्व नु ते ऽद्य पितामहः ॥
न त्वं पश्यसि तान् अद्य न त्वा पश्यन्ति ते ऽपि च ॥
आत्मनो ऽध्रुवतां पश्यंस् तांस् त्वं किम् अनुशोचसि ॥
बुद्ध्या चैवानुबुध्यस्व ध्रुवं हि न भविष्यसि ॥
अहं च त्वं च नृपते शत्रवः सुहृदश् च ते ॥
अवश्यं न भविष्यामः सर्वं च न भविष्यति ॥
ये तु विंशतिवर्षा वै त्रिंशद्वर्षाश् च मानवाः ॥
अर्वाग् एव हि ते सर्वे मरिष्यन्ति शरच्छतात् ॥
अपि चेन् महतो वित्ताद् विप्रमुच्येत पूरुषः ॥
नैतन् ममेति तन् मत्वा कुर्वीत प्रियम् आत्मनः ॥
अनागतं यन् न ममेति विद्याद्; अतिक्रान्तं यन् न ममेति विद्यात् ॥
दिष्टं बलीय इति मन्यमानास्; ते पण्डितास् तत् सतां स्थानम् आहुः ॥
अनाढ्याश् चापि जीवन्ति राज्यं चाप्य् अनुशासते ॥
बुद्धिपौरुषसंपन्नास् त्वया तुल्याधिका जनाः ॥
न च त्वम् इव शोचन्ति तस्मात् त्वम् अपि मा शुचः ॥
किं नु त्वं तैर् न वै श्रेयांस् तुल्यो वा बुद्धिपौरुषैः ॥
kausalyenaivam uktas tu rājaputreṇa dhīmatā ||
muniḥ kālakavṛkṣīyaḥ pratyuvāca mahādyutiḥ ||
purastād eva te buddhir iyaṃ kāryā vijānataḥ ||
anityaṃ sarvam evedam ahaṃ ca mama cāsti yat ||
yat kiṃ cin manyase 'stīti sarvaṃ nāstīti viddhi tat ||
evaṃ na vyathate prājñaḥ kṛcchrām apy āpadaṃ gataḥ ||
yad dhi bhūtaṃ bhaviṣyac ca dhruvaṃ tan na bhaviṣyati ||
evaṃ viditavedyas tvam adharmebhyaḥ pramokṣyase ||
yac ca pūrve samāhāre yac ca pūrvatare pare ||
sarvaṃ tan nāsti tac caiva taj jñātvā ko 'nusaṃjvaret ||
bhūtvā ca na bhavaty etad abhūtvā ca bhavaty api ||
śoke na hy asti sāmarthyaṃ śokaṃ kuryāt kathaṃ naraḥ ||
kva nu te 'dya pitā rājan kva nu te 'dya pitāmahaḥ ||
na tvaṃ paśyasi tān adya na tvā paśyanti te 'pi ca ||
ātmano 'dhruvatāṃ paśyaṃs tāṃs tvaṃ kim anuśocasi ||
buddhyā caivānubudhyasva dhruvaṃ hi na bhaviṣyasi ||
ahaṃ ca tvaṃ ca nṛpate śatravaḥ suhṛdaś ca te ||
avaśyaṃ na bhaviṣyāmaḥ sarvaṃ ca na bhaviṣyati ||
ye tu viṃśativarṣā vai triṃśadvarṣāś ca mānavāḥ ||
arvāg eva hi te sarve mariṣyanti śaracchatāt ||
api cen mahato vittād vipramucyeta pūruṣaḥ ||
naitan mameti tan matvā kurvīta priyam ātmanaḥ ||
anāgataṃ yan na mameti vidyād; atikrāntaṃ yan na mameti vidyāt ||
diṣṭaṃ balīya iti manyamānās; te paṇḍitās tat satāṃ sthānam āhuḥ ||
anāḍhyāś cāpi jīvanti rājyaṃ cāpy anuśāsate ||
buddhipauruṣasaṃpannās tvayā tulyādhikā janāḥ ||
na ca tvam iva śocanti tasmāt tvam api mā śucaḥ ||
kiṃ nu tvaṃ tair na vai śreyāṃs tulyo vā buddhipauruṣaiḥ ||
Великосияющий муни Калакаврикшия ответил мудрому царевичу Косалы: «У знающего с самого начала должна быть такая мысль: всё это непостоянно — и “я”, и всё, что считается “моим”. Что бы ты ни считал существующим, знай: всё это не имеет прочного бытия. Так мудрый не тревожится, даже попав в тяжкую беду. То, что было и будет, несомненно, перестанет быть; познав это, ты освободишься от неправедных путей. Всё прежнее, ещё более прежнее и позднейшее — всё это исчезает; зная это, кто станет сгорать от скорби? То, что было, перестаёт быть; то, чего не было, возникает. В скорби нет силы: зачем же человеку скорбеть? Где теперь твой отец, о царь, и где твой дед? Ты не видишь их, и они не видят тебя. Видя непостоянство самого себя, зачем ты скорбишь о них? Осознай разумом: несомненно, и тебя не будет. Я, ты, твои враги и друзья — все мы неизбежно исчезнем, и всё исчезнет. Даже люди двадцати и тридцати лет умрут раньше ста осеней. Если человек лишился великого богатства, пусть думает: “Это не моё”, и делает благо для себя. Будущее он должен знать как “не моё”, и прошедшее как “не моё”. Те, кто понимают, что судьба сильнее, мудры; это называют положением добрых. Небогатые тоже живут и даже управляют царствами; люди, равные тебе или превосходящие тебя разумом и мужеством, не скорбят так, как ты. Поэтому и ты не скорби: разве ты не лучше их или не равен им разумом и мужеством?»
18ca798475da · 发布于 2026年6月20日 20:30:33 UTC
可用语言RU用方向键翻颂
Муни лечит потерю не обещанием новой власти, а разрушением ложного присвоения. Прошлое и будущее не принадлежат человеку; потому разум должен искать не утраченное, а неразрушимое основание.