सौहृदेनाभिभाषे त्वा कच्चिन् मार्जार जीवसि ॥
जीवितं हि तवेच्छामि श्रेयः साधारणं हि नौ ॥
न ते सौम्य विषत्तव्यं जीविष्यसि यथा पुरा ॥
अहं त्वाम् उद्धरिष्यामि प्राणाञ् जह्यां हि ते कृते ॥
अस्ति कश् चिद् उपायो ऽत्र पुष्कलः प्रतिभाति माम् ॥
येन शक्यस् त्वया मोक्षः प्राप्तुं श्रेयो यथा मया ॥
मया ह्य् उपायो दृष्टो ऽयं विचार्य मतिम् आत्मनः ॥
आत्मार्थं च त्वदर्थं च श्रेयः साधारणं हि नौ ॥
इदं हि नकुलोलूकं पापबुद्ध्य् अभितः स्थितम् ॥
न धर्षयति मार्जार तेन मे स्वस्ति सांप्रतम् ॥
कूजंश् चपलनेत्रो ऽयं कौशिको मां निरीक्षते ॥
नगशाखाग्रहस् तिष्ठंस् तस्याहं भृशम् उद्विजे ॥
सतां साप्तपदं सख्यं सवासो मे ऽसि पण्डितः ॥
सांवास्यकं करिष्यामि नास्ति ते मृत्युतो भयम् ॥
न हि शक्नोषि मार्जार पाशं छेत्तुं विना मया ॥
अहं छेत्स्यामि ते पाशं यदि मां त्वं न हिंससि ॥
त्वम् आश्रितो नगस्याग्रं मूलं त्व् अहम् उपाश्रितः ॥
चिरोषिताव् इहावां वै वृक्षे ऽस्मिन् विदितं हि ते ॥
यस्मिन्न् आश्वसते कश् चिद् यश् च नाश्वसते क्व चित् ॥
न तौ धीराः प्रशंसन्ति नित्यम् उद्विग्नचेतसौ ॥
तस्माद् विवर्धतां प्रीतिः सत्या संगतिर् अस्तु नौ ॥
कालातीतम् अपार्थं हि न प्रशंसन्ति पण्डिताः ॥
अर्थयुक्तिम् इमां तावद् यथाभूतां निशामय ॥
तव जीवितम् इच्छामि त्वं ममेच्छसि जीवितम् ॥
कश् चित् तरति काष्ठेन सुगम्भीरां महानदीम् ॥
स तारयति तत् काष्ठं स च काष्ठेन तार्यते ॥
ईदृशो नौ समायोगो भविष्यति सुनिस्तरः ॥
अहं त्वां तारयिष्यामि त्वं च मां तारयिष्यसि ॥
एवम् उक्त्वा तु पलितस् तदर्थम् उभयोर् हितम् ॥
हेतुमद् ग्रहणीयं च कालाकाङ्क्षी व्यपैक्षत ॥
sauhṛdenābhibhāṣe tvā kaccin mārjāra jīvasi ||
jīvitaṃ hi tavecchāmi śreyaḥ sādhāraṇaṃ hi nau ||
na te saumya viṣattavyaṃ jīviṣyasi yathā purā ||
ahaṃ tvām uddhariṣyāmi prāṇāñ jahyāṃ hi te kṛte ||
asti kaś cid upāyo 'tra puṣkalaḥ pratibhāti mām ||
yena śakyas tvayā mokṣaḥ prāptuṃ śreyo yathā mayā ||
mayā hy upāyo dṛṣṭo 'yaṃ vicārya matim ātmanaḥ ||
ātmārthaṃ ca tvadarthaṃ ca śreyaḥ sādhāraṇaṃ hi nau ||
idaṃ hi nakulolūkaṃ pāpabuddhy abhitaḥ sthitam ||
na dharṣayati mārjāra tena me svasti sāṃpratam ||
kūjaṃś capalanetro 'yaṃ kauśiko māṃ nirīkṣate ||
nagaśākhāgrahas tiṣṭhaṃs tasyāhaṃ bhṛśam udvije ||
satāṃ sāptapadaṃ sakhyaṃ savāso me 'si paṇḍitaḥ ||
sāṃvāsyakaṃ kariṣyāmi nāsti te mṛtyuto bhayam ||
na hi śaknoṣi mārjāra pāśaṃ chettuṃ vinā mayā ||
ahaṃ chetsyāmi te pāśaṃ yadi māṃ tvaṃ na hiṃsasi ||
tvam āśrito nagasyāgraṃ mūlaṃ tv aham upāśritaḥ ||
ciroṣitāv ihāvāṃ vai vṛkṣe 'smin viditaṃ hi te ||
yasminn āśvasate kaś cid yaś ca nāśvasate kva cit ||
na tau dhīrāḥ praśaṃsanti nityam udvignacetasau ||
tasmād vivardhatāṃ prītiḥ satyā saṃgatir astu nau ||
kālātītam apārthaṃ hi na praśaṃsanti paṇḍitāḥ ||
arthayuktim imāṃ tāvad yathābhūtāṃ niśāmaya ||
tava jīvitam icchāmi tvaṃ mamecchasi jīvitam ||
kaś cit tarati kāṣṭhena sugambhīrāṃ mahānadīm ||
sa tārayati tat kāṣṭhaṃ sa ca kāṣṭhena tāryate ||
īdṛśo nau samāyogo bhaviṣyati sunistaraḥ ||
ahaṃ tvāṃ tārayiṣyāmi tvaṃ ca māṃ tārayiṣyasi ||
evam uktvā tu palitas tadartham ubhayor hitam ||
hetumad grahaṇīyaṃ ca kālākāṅkṣī vyapaikṣata ||
Палита сказал коту: «Я обращаюсь к тебе дружески. Жив ли ты, кот? Я желаю твоей жизни, потому что у нас общее благо. Не унывай: ты будешь жить как прежде. Я освобожу тебя, даже жизнь отдал бы ради тебя. Здесь есть средство, которое кажется мне достаточным: оно даст освобождение тебе и благо мне. Я нашёл его, обдумав и свою пользу, и твою. Эти зломыслящие мангуст и сова стоят вокруг; пока ты связан, они не осмеливаются напасть, и поэтому я сейчас в безопасности. Но сова смотрит на меня с ветви, и я её боюсь. Добрые становятся друзьями после семи шагов; мы же давно живём на одном дереве, ты на верхушке, я у корня. Ты не можешь перерезать петлю без меня; я перережу её, если ты не причинишь мне вреда. Мудрые не хвалят ни того, кто слишком доверяет, ни того, кто не доверяет нигде. Пусть же у нас возрастёт приязнь и будет истинный союз. Выслушай расчёт выгоды: я желаю твоей жизни, а ты желаешь моей. Как человек переправляется через глубокую реку на бревне и вместе с тем переправляет само бревно, так и наш союз будет спасительным: я спасу тебя, а ты спасёшь меня». Сказав это, Палита стал ждать подходящего времени, предложив разумное и общее благо».
8c10d0170194 · 发布于 2026年6月21日 10:43:41 UTC
可用语言RU用方向键翻颂
Речь Палиты одновременно мягкая и расчётливая. Он говорит языком дружбы, но не скрывает взаимную выгоду: союз устойчив только пока обе стороны нуждаются друг в друге.