अथ सुव्याहृतं तस्य श्रुत्वा शत्रुर् विचक्षणः ॥
हेतुमद् ग्रहणीयार्थं मार्जारो वाक्यम् अब्रवीत् ॥
बुद्धिमान् वाक्यसंपन्नस् तद् वाक्यम् अनुवर्णयन् ॥
ताम् अवस्थाम् अवेक्ष्यान्त्यां साम्नैव प्रत्यपूजयत् ॥
ततस् तीक्ष्णाग्रदशनो वैडूर्यमणिलोचनः ॥
मूषकं मन्दम् उद्वीक्ष्य मार्जारो लोमशो ऽब्रवीत् ॥
नन्दामि सौम्य भद्रं ते यो मां जीवन्तम् इच्छसि ॥
श्रेयश् च यदि जानीषे क्रियतां मा विचारय ॥
अहं हि दृढम् आपन्नस् त्वम् आपन्नतरो मया ॥
द्वयोर् आपन्नयोः संधिः क्रियतां मा विचारय ॥
विधत्स्व प्राप्तकालं यत् कार्यं सिध्यतु चावयोः ॥
मयि कृच्छ्राद् विनिर्मुक्ते न विनङ्क्ष्यति ते कृतम् ॥
न्यस्तमानो ऽस्मि भक्तो ऽस्मि शिष्यस् त्वद्धितकृत् तथा ॥
निदेशवशवर्ती च भवन्तं शरणं गतः ॥
इत्य् एवम् उक्तः पलितो मार्जारं वशम् आगतम् ॥
वाक्यं हितम् उवाचेदम् अभिनीतार्थम् अर्थवत् ॥
उदारं यद् भवान् आह नैतच् चित्रं भवद्विधे ॥
विदितो यस् तु मार्गो मे हितार्थं शृणु तं मम ॥
अहं त्वानुप्रवेक्ष्यामि नकुलान् मे महद् भयम् ॥
त्रायस्व मां मा वधीश् च शक्तो ऽस्मि तव मोक्षणे ॥
उलूकाच् चैव मां रक्ष क्षुद्रः प्रार्थयते हि माम् ॥
अहं छेत्स्यामि ते पाशान् सखे सत्येन ते शपे ॥
तद् वचः संगतं श्रुत्वा लोमशो युक्तम् अर्थवत् ॥
हर्षाद् उद्वीक्ष्य पलितं स्वागतेनाभ्यपूजयत् ॥
स तं संपूज्य पलितं मार्जारः सौहृदे स्थितः ॥
सुविचिन्त्याब्रवीद् धीरः प्रीतस् त्वरित एव हि ॥
क्षिप्रम् आगच्छ भद्रं ते त्वं मे प्राणसमः सखा ॥
तव प्राज्ञ प्रसादाद् धि क्षिप्रं प्राप्स्यामि जीवितम् ॥
यद् यद् एवंगतेनाद्य शक्यं कर्तुं मया तव ॥
तद् आज्ञापय कर्ताहं संधिर् एवास्तु नौ सखे ॥
अस्मात् ते संशयान् मुक्तः समित्रगणबान्धवः ॥
सर्वकार्याणि कर्ताहं प्रियाणि च हितानि च ॥
मुक्तश् च व्यसनाद् अस्मात् सौम्याहम् अपि नाम ते ॥
प्रीतिम् उत्पादयेयं च प्रतिकर्तुं च शक्नुयाम् ॥
ग्राहयित्वा तु तं स्वार्थं मार्जारं मूषकस् तदा ॥
प्रविवेश सुविस्रब्धः सम्यग् अर्थांश् चचार ह ॥
एवम् आश्वासितो विद्वान् मार्जारेण स मूषकः ॥
मार्जारोरसि विस्रब्धः सुष्वाप पितृमातृवत् ॥
लीनं तु तस्य गात्रेषु मार्जारस्याथ मूषकम् ॥
तौ दृष्ट्वा नकुलोलूकौ निराशौ जग्मतुर् गृहान् ॥
atha suvyāhṛtaṃ tasya śrutvā śatrur vicakṣaṇaḥ ||
hetumad grahaṇīyārthaṃ mārjāro vākyam abravīt ||
buddhimān vākyasaṃpannas tad vākyam anuvarṇayan ||
tām avasthām avekṣyāntyāṃ sāmnaiva pratyapūjayat ||
tatas tīkṣṇāgradaśano vaiḍūryamaṇilocanaḥ ||
mūṣakaṃ mandam udvīkṣya mārjāro lomaśo 'bravīt ||
nandāmi saumya bhadraṃ te yo māṃ jīvantam icchasi ||
śreyaś ca yadi jānīṣe kriyatāṃ mā vicāraya ||
ahaṃ hi dṛḍham āpannas tvam āpannataro mayā ||
dvayor āpannayoḥ saṃdhiḥ kriyatāṃ mā vicāraya ||
vidhatsva prāptakālaṃ yat kāryaṃ sidhyatu cāvayoḥ ||
mayi kṛcchrād vinirmukte na vinaṅkṣyati te kṛtam ||
nyastamāno 'smi bhakto 'smi śiṣyas tvaddhitakṛt tathā ||
nideśavaśavartī ca bhavantaṃ śaraṇaṃ gataḥ ||
ity evam uktaḥ palito mārjāraṃ vaśam āgatam ||
vākyaṃ hitam uvācedam abhinītārtham arthavat ||
udāraṃ yad bhavān āha naitac citraṃ bhavadvidhe ||
vidito yas tu mārgo me hitārthaṃ śṛṇu taṃ mama ||
ahaṃ tvānupravekṣyāmi nakulān me mahad bhayam ||
trāyasva māṃ mā vadhīś ca śakto 'smi tava mokṣaṇe ||
ulūkāc caiva māṃ rakṣa kṣudraḥ prārthayate hi mām ||
ahaṃ chetsyāmi te pāśān sakhe satyena te śape ||
tad vacaḥ saṃgataṃ śrutvā lomaśo yuktam arthavat ||
harṣād udvīkṣya palitaṃ svāgatenābhyapūjayat ||
sa taṃ saṃpūjya palitaṃ mārjāraḥ sauhṛde sthitaḥ ||
suvicintyābravīd dhīraḥ prītas tvarita eva hi ||
kṣipram āgaccha bhadraṃ te tvaṃ me prāṇasamaḥ sakhā ||
tava prājña prasādād dhi kṣipraṃ prāpsyāmi jīvitam ||
yad yad evaṃgatenādya śakyaṃ kartuṃ mayā tava ||
tad ājñāpaya kartāhaṃ saṃdhir evāstu nau sakhe ||
asmāt te saṃśayān muktaḥ samitragaṇabāndhavaḥ ||
sarvakāryāṇi kartāhaṃ priyāṇi ca hitāni ca ||
muktaś ca vyasanād asmāt saumyāham api nāma te ||
prītim utpādayeyaṃ ca pratikartuṃ ca śaknuyām ||
grāhayitvā tu taṃ svārthaṃ mārjāraṃ mūṣakas tadā ||
praviveśa suvisrabdhaḥ samyag arthāṃś cacāra ha ||
evam āśvāsito vidvān mārjāreṇa sa mūṣakaḥ ||
mārjārorasi visrabdhaḥ suṣvāpa pitṛmātṛvat ||
līnaṃ tu tasya gātreṣu mārjārasyātha mūṣakam ||
tau dṛṣṭvā nakulolūkau nirāśau jagmatur gṛhān ||
Разумный враг, услышав хорошо сказанную, обоснованную и выгодную речь Палиты, ответил мягко. Ломаша сказал: «Я рад, добрый, что ты хочешь мне жизни. Если знаешь благо, действуй без промедления. Я в тяжкой беде, а ты в ещё большей; между двумя попавшими в беду пусть будет союз. Устрой то, чему пришло время, и пусть наше дело исполнится. Когда я освобожусь, твоя услуга не погибнет. Я оставил гордость, я предан, я твой ученик, буду делать твоё благо и слушаться твоего приказа; я пришёл к тебе за прибежищем». Палита ответил: «То, что ты говоришь, благородно и достойно тебя. Но выслушай путь, который я вижу. Я войду к тебе, потому что боюсь мангуста. Защити меня и не убивай; я способен освободить тебя. Защити меня и от совы, а я перережу твои петли, друг, клянусь истиной». Ломаша радостно принял эту речь, назвал Палиту другом, равным жизни, и обещал выполнить всё, что сможет, если будет освобождён. Тогда мышь, заставив кота принять собственную выгоду, вошла к нему и действовала правильно. Успокоенная котом, она уверенно легла на его груди, словно у родителей. Увидев мышь, скрытую на теле кота, мангуст и сова потеряли надежду и ушли домой».
676d868e2dd8 · 发布于 2026年6月21日 10:43:41 UTC
可用语言RU用方向键翻颂
Ломаша быстро говорит языком преданности, но Палита принимает не слова, а структуру взаимной зависимости. Он входит к коту только после того, как сформулированы условия союза и обе стороны понимают цену нарушения.