त्रेताद्वापरयोः संधौ पुरा दैवविधिक्रमात् ॥
अनावृष्टिर् अभूद् घोरा राजन् द्वादशवार्षिकी ॥
प्रजानाम् अभिवृद्धानां युगान्ते पर्युपस्थिते ॥
त्रेतानिर्मोक्षसमये द्वापरप्रतिपादने ॥
न ववर्ष सहस्राक्षः प्रतिलोमो ऽभवद् गुरुः ॥
जगाम दक्षिणं मार्गं सोमो व्यावृत्तलक्षणः ॥
नावश्यायो ऽपि रात्र्यन्ते कुत एवाभ्रराजयः ॥
नद्यः संक्षिप्ततोयौघाः क्व चिद् अन्तर्गताभवन् ॥
सरांसि सरितश् चैव कूपाः प्रस्रवणानि च ॥
हतत्विट्कान्य् अलक्ष्यन्त निसर्गाद् दैवकारितात् ॥
उपशुष्कजलस्थाया विनिवृत्तसभाप्रपा ॥
निवृत्तयज्ञस्वाध्याया निर्वषट्कारमङ्गला ॥
उत्सन्नकृषिगोरक्ष्या निवृत्तविपणापणा ॥
निवृत्तपूगसमया संप्रनष्टमहोत्सवा ॥
अस्थिकङ्कालसंकीर्णा हाहाभूतजनाकुला ॥
शून्यभूयिष्ठनगरा दग्धग्रामनिवेशना ॥
क्व चिच् चोरैः क्व चिच् छस्त्रैः क्व चिद् राजभिर् आतुरैः ॥
परस्परभयाच् चैव शून्यभूयिष्ठनिर्जना ॥
गतदैवतसंकल्पा वृद्धबालविनाकृता ॥
गोजाविमहिषैर् हीना परस्परहराहरा ॥
हतविप्रा हतारक्षा प्रनष्टौषधिसंचया ॥
श्यावभूतनरप्राया बभूव वसुधा तदा ॥
तस्मिन् प्रतिभये काले क्षीणे धर्मे युधिष्ठिर ॥
बभ्रमुः क्षुधिता मर्त्याः खादन्तः स्म परस्परम् ॥
ऋषयो नियमांस् त्यक्त्वा परित्यक्ताग्निदैवताः ॥
आश्रमान् संपरित्यज्य पर्यधावन्न् इतस् ततः ॥
विश्वामित्रो ऽथ भगवान् महर्षिर् अनिकेतनः ॥
क्षुधा परिगतो धीमान् समन्तात् पर्यधावत ॥
tretādvāparayoḥ saṃdhau purā daivavidhikramāt ||
anāvṛṣṭir abhūd ghorā rājan dvādaśavārṣikī ||
prajānām abhivṛddhānāṃ yugānte paryupasthite ||
tretānirmokṣasamaye dvāparapratipādane ||
na vavarṣa sahasrākṣaḥ pratilomo 'bhavad guruḥ ||
jagāma dakṣiṇaṃ mārgaṃ somo vyāvṛttalakṣaṇaḥ ||
nāvaśyāyo 'pi rātryante kuta evābhrarājayaḥ ||
nadyaḥ saṃkṣiptatoyaughāḥ kva cid antargatābhavan ||
sarāṃsi saritaś caiva kūpāḥ prasravaṇāni ca ||
hatatviṭkāny alakṣyanta nisargād daivakāritāt ||
upaśuṣkajalasthāyā vinivṛttasabhāprapā ||
nivṛttayajñasvādhyāyā nirvaṣaṭkāramaṅgalā ||
utsannakṛṣigorakṣyā nivṛttavipaṇāpaṇā ||
nivṛttapūgasamayā saṃpranaṣṭamahotsavā ||
asthikaṅkālasaṃkīrṇā hāhābhūtajanākulā ||
śūnyabhūyiṣṭhanagarā dagdhagrāmaniveśanā ||
kva cic coraiḥ kva cic chastraiḥ kva cid rājabhir āturaiḥ ||
parasparabhayāc caiva śūnyabhūyiṣṭhanirjanā ||
gatadaivatasaṃkalpā vṛddhabālavinākṛtā ||
gojāvimahiṣair hīnā parasparaharāharā ||
hataviprā hatārakṣā pranaṣṭauṣadhisaṃcayā ||
śyāvabhūtanaraprāyā babhūva vasudhā tadā ||
tasmin pratibhaye kāle kṣīṇe dharme yudhiṣṭhira ||
babhramuḥ kṣudhitā martyāḥ khādantaḥ sma parasparam ||
ṛṣayo niyamāṃs tyaktvā parityaktāgnidaivatāḥ ||
āśramān saṃparityajya paryadhāvann itas tataḥ ||
viśvāmitro 'tha bhagavān maharṣir aniketanaḥ ||
kṣudhā parigato dhīmān samantāt paryadhāvata ||
«На стыке Треты и Двапары, по ходу божественного закона, случилась страшная двенадцатилетняя засуха. Люди размножились, конец юги приблизился, Трета уходила и начиналась Двапара. Тысячеглазый Индра не проливал дождя; Юпитер стал неблагоприятным, Луна пошла южным путём и утратила свои признаки. Не было даже росы на рассвете, что уж говорить о грядах облаков. Реки обмелели и местами ушли под землю; озёра, реки, колодцы и источники потускнели по воле судьбы. Земля стояла с почти высохшей водой, без собраний и водопоев, без жертв, свадхьяи, возгласов vaṣaṭ и благословений. Земледелие и защита коров погибли, торговля прекратилась, объединения и договоры распались, великие праздники исчезли. Земля была усеяна костями и скелетами, наполнена воплями людей, с почти пустыми городами и сожжёнными деревнями. Где-то её мучили воры, где-то оружие, где-то страдающие цари; от взаимного страха она стала почти безлюдной. Богослужение ушло, стариков и детей не стало, коровы, козы, овцы и буйволы исчезли, люди грабили друг друга. Брахманы были убиты, защиты не было, запасы растений погибли, и люди по большей части стали тёмными от истощения. В это страшное время, когда дхарма истощилась, голодные смертные бродили, поедая друг друга. Риши оставили обеты, огни, богов и ашрамы и метались повсюду. Тогда Бхагаван Вишвамитра, великий риши, бездомный и охваченный голодом, тоже скитался повсюду».
39b904b4e9dc · 发布于 2026年6月21日 09:24:41 UTC
可用语言RU用方向键翻颂
Картина бедствия намеренно предельна: рушатся не только экономика и погода, но и обряды, доверие, ашрамы и сама социальная ткань. Только на таком фоне можно понять, почему далее обсуждается исключение из обычного правила.