एवं तु वचनं श्रुत्वा नारदस्य समीरणः ॥
शल्मलिं तम् उपागम्य क्रुद्धो वचनम् अब्रवीत् ॥
शल्मले नारदे यत् तत् त्वयोक्तं मद्विगर्हणम् ॥
अहं वायुः प्रभावं ते दर्शयाम्य् आत्मनो बलम् ॥
नाहं त्वा नाभिजानामि विदितश् चासि मे द्रुम ॥
पितामहः प्रजासर्गे त्वयि विश्रान्तवान् प्रभुः ॥
तस्य विश्रमणाद् एव प्रसादो यः कृतस् तव ॥
रक्ष्यसे तेन दुर्बुद्धे नात्मवीर्याद् द्रुमाधम ॥
यन् मा त्वम् अवजानीषे यथान्यं प्राकृतं तथा ॥
दर्शयाम्य् एष आत्मानं यथा माम् अवभोत्स्यसे ॥
एवम् उक्तस् ततः प्राह शल्मलिः प्रहसन्न् इव ॥
पवन त्वं वने क्रुद्धो दर्शयात्मानम् आत्मना ॥
मयि वै त्यज्यतां क्रोधः किं मे क्रुद्धः करिष्यसि ॥
न ते बिभेमि पवन यद्य् अपि त्वं स्वयंप्रभुः ॥
इत्य् एवम् उक्तः पवनः श्व इत्य् एवाब्रवीद् वचः ॥
दर्शयिष्यामि ते तेजस् ततो रात्रिर् उपागमत् ॥
evaṃ tu vacanaṃ śrutvā nāradasya samīraṇaḥ ||
śalmaliṃ tam upāgamya kruddho vacanam abravīt ||
śalmale nārade yat tat tvayoktaṃ madvigarhaṇam ||
ahaṃ vāyuḥ prabhāvaṃ te darśayāmy ātmano balam ||
nāhaṃ tvā nābhijānāmi viditaś cāsi me druma ||
pitāmahaḥ prajāsarge tvayi viśrāntavān prabhuḥ ||
tasya viśramaṇād eva prasādo yaḥ kṛtas tava ||
rakṣyase tena durbuddhe nātmavīryād drumādhama ||
yan mā tvam avajānīṣe yathānyaṃ prākṛtaṃ tathā ||
darśayāmy eṣa ātmānaṃ yathā mām avabhotsyase ||
evam uktas tataḥ prāha śalmaliḥ prahasann iva ||
pavana tvaṃ vane kruddho darśayātmānam ātmanā ||
mayi vai tyajyatāṃ krodhaḥ kiṃ me kruddhaḥ kariṣyasi ||
na te bibhemi pavana yady api tvaṃ svayaṃprabhuḥ ||
ity evam uktaḥ pavanaḥ śva ity evābravīd vacaḥ ||
darśayiṣyāmi te tejas tato rātrir upāgamat ||
Услышав слова Нарады, Ваю пришёл к Шалмали и в гневе сказал: «О Шалмали, Нарада передал мне твои слова, порицающие меня. Я Ваю, и я покажу тебе своё могущество и свою силу. Не думай, что я тебя не знаю: ты известен мне, дерево. Когда Праотец создавал существа, он отдыхал на тебе; из-за этого отдыха тебе была дарована милость, и ею ты защищён, дурномысленный, а не собственной силой, низшее дерево. Раз ты презираешь меня, как какого-то обычного, я покажу тебе себя, чтобы ты меня понял». Так сказанному Шалмали ответил, словно смеясь: «О ветер, если ты разгневан, покажи в лесу свою силу. Оставь гнев на мне: что ты сделаешь мне, разгневавшись? Я не боюсь тебя, Ваю, хотя ты сам владыка». Тогда Ваю сказал: «Завтра я покажу тебе мощь», и наступила ночь.
374b8053cf61 · 发布于 2026年6月21日 02:17:14 UTC
可用语言RU用方向键翻颂
Шалмали принимает чужую милость за собственную силу. Это классическая ошибка гордыни: защита есть, но источник защиты забыт.