अथ निश्चित्य मनसा शल्मलिर् वातकारितम् ॥
पश्यमानस् तदात्मानम् असमं मातरिश्वनः ॥
नारदे यन् मया प्रोक्तं पवनं प्रति तन् मृषा ॥
असमर्थो ह्य् अहं वायोर् बलेन बलवान् हि सः ॥
मारुतो बलवान् नित्यं यथैनं नारदो ऽब्रवीत् ॥
अहं हि दुर्बलो ऽन्येभ्यो वृक्षेभ्यो नात्र संशयः ॥
किं तु बुद्ध्या समो नास्ति मम कश् चिद् वनस्पतिः ॥
तद् अहं बुद्धिम् आस्थाय भयं मोक्ष्ये समीरणात् ॥
यदि तां बुद्धिम् आस्थाय चरेयुः पर्णिनो वने ॥
अरिष्टाः स्युः सदा क्रुद्धात् पवनान् नात्र संशयः ॥
ते ऽत्र बाला न जानन्ति यथा नैनान् समीरणः ॥
समीरयेत संक्रुद्धो यथा जानाम्य् अहं तथा ॥
ततो निश्चित्य मनसा शल्मलिः क्षुभितस् तदा ॥
शाखाः स्कन्धान् प्रशाखाश् च स्वयम् एव व्यशातयत् ॥
स परित्यज्य शाखाश् च पत्राणि कुसुमानि च ॥
प्रभाते वायुम् आयान्तं प्रत्यैक्षत वनस्पतिः ॥
atha niścitya manasā śalmalir vātakāritam ||
paśyamānas tadātmānam asamaṃ mātariśvanaḥ ||
nārade yan mayā proktaṃ pavanaṃ prati tan mṛṣā ||
asamartho hy ahaṃ vāyor balena balavān hi saḥ ||
māruto balavān nityaṃ yathainaṃ nārado 'bravīt ||
ahaṃ hi durbalo 'nyebhyo vṛkṣebhyo nātra saṃśayaḥ ||
kiṃ tu buddhyā samo nāsti mama kaś cid vanaspatiḥ ||
tad ahaṃ buddhim āsthāya bhayaṃ mokṣye samīraṇāt ||
yadi tāṃ buddhim āsthāya careyuḥ parṇino vane ||
ariṣṭāḥ syuḥ sadā kruddhāt pavanān nātra saṃśayaḥ ||
te 'tra bālā na jānanti yathā nainān samīraṇaḥ ||
samīrayeta saṃkruddho yathā jānāmy ahaṃ tathā ||
tato niścitya manasā śalmaliḥ kṣubhitas tadā ||
śākhāḥ skandhān praśākhāś ca svayam eva vyaśātayat ||
sa parityajya śākhāś ca patrāṇi kusumāni ca ||
prabhāte vāyum āyāntaṃ pratyaikṣata vanaspatiḥ ||
Затем Шалмали, подумав ночью, увидел, что не равен Матаришвану: «То, что я сказал Нараде о ветре, было ложью. Я не способен противостоять силе Ваю, ведь он могуч. Ветер всегда силён, как сказал о нём Нарада; я же слабее других деревьев, в этом нет сомнения. Но разумом нет мне равного среди деревьев. Поэтому я, опираясь на разум, освобожусь от страха перед ветром. Если бы лиственные деревья в лесу поступали, опираясь на такой разум, они всегда оставались бы невредимы от разгневанного ветра. Эти глупые деревья не знают так, как знаю я, как разгневанный ветер не смог бы их поколебать». Решив так, встревоженный Шалмали сам обломал свои ветви, стволовые отростки и сучья, сбросил листья и цветы и на рассвете стал ждать приходящего Ваю.
9eed4b5e4e20 · 发布于 2026年6月21日 02:17:14 UTC
可用语言RU用方向键翻颂
Разум Шалмали не становится мудростью: он превращается в хитрость самоповреждения. Так страх, прикрытый гордой речью, доводит до того, что человек сам делает с собой то, чего боялся от врага.