हतं हन्ति हतो ह्य् एव यो नरो हन्ति कं चन ॥
उभौ तौ न विजानीतो यश् च हन्ति हतश् च यः ॥
हत्वा जित्वा च मघवन् यः कश् चित् पुरुषायते ॥
अकर्ता ह्य् एव भवति कर्ता त्व् एव करोति तत् ॥
को हि लोकस्य कुरुते विनाशप्रभवाव् उभौ ॥
कृतं हि तत् कृतेनैव कर्ता तस्यापि चापरः ॥
पृथिवी वायुर् आकाशम् आपो ज्योतिश् च पञ्चमम् ॥
एतद्योनीनि भूतानि तत्र का परिदेवना ॥
महाविद्यो ऽल्पविद्यश् च बलवान् दुर्बलश् च यः ॥
दर्शनीयो विरूपश् च सुभगो दुर्भगश् च यः ॥
सर्वं कालः समादत्ते गम्भीरः स्वेन तेजसा ॥
तस्मिन् कालवशं प्राप्ते का व्यथा मे विजानतः ॥
दग्धम् एवानुदहति हतम् एवानुहन्ति च ॥
नश्यते नष्टम् एवाग्रे लब्धव्यं लभते नरः ॥
नास्य द्वीपः कुतः पारं नावारः संप्रदृश्यते ॥
नान्तम् अस्य प्रपश्यामि विधेर् दिव्यस्य चिन्तयन् ॥
यदि मे पश्यतः कालो भूतानि न विनाशयेत् ॥
स्यान् मे हर्षश् च दर्पश् च क्रोधश् चैव शचीपते ॥
तुषभक्षं तु मां ज्ञात्वा प्रविविक्तजने गृहे ॥
बिभ्रतं गार्दभं रूपम् आदिश्य परिगर्हसे ॥
hataṃ hanti hato hy eva yo naro hanti kaṃ cana ||
ubhau tau na vijānīto yaś ca hanti hataś ca yaḥ ||
hatvā jitvā ca maghavan yaḥ kaś cit puruṣāyate ||
akartā hy eva bhavati kartā tv eva karoti tat ||
ko hi lokasya kurute vināśaprabhavāv ubhau ||
kṛtaṃ hi tat kṛtenaiva kartā tasyāpi cāparaḥ ||
pṛthivī vāyur ākāśam āpo jyotiś ca pañcamam ||
etadyonīni bhūtāni tatra kā paridevanā ||
mahāvidyo 'lpavidyaś ca balavān durbalaś ca yaḥ ||
darśanīyo virūpaś ca subhago durbhagaś ca yaḥ ||
sarvaṃ kālaḥ samādatte gambhīraḥ svena tejasā ||
tasmin kālavaśaṃ prāpte kā vyathā me vijānataḥ ||
dagdham evānudahati hatam evānuhanti ca ||
naśyate naṣṭam evāgre labdhavyaṃ labhate naraḥ ||
nāsya dvīpaḥ kutaḥ pāraṃ nāvāraḥ saṃpradṛśyate ||
nāntam asya prapaśyāmi vidher divyasya cintayan ||
yadi me paśyataḥ kālo bhūtāni na vināśayet ||
syān me harṣaś ca darpaś ca krodhaś caiva śacīpate ||
tuṣabhakṣaṃ tu māṃ jñātvā praviviktajane gṛhe ||
bibhrataṃ gārdabhaṃ rūpam ādiśya parigarhase ||
«Тот, кто убивает кого-либо, сам уже поражён; и убивающий, и убитый не знают истины. О Магхаван, кто, убив и победив, мнит себя настоящим героем, тот в действительности не является делателем; действует тот делатель, который стоит за действием. Кто совершает возникновение и уничтожение мира? Сделанное происходит через сделанное, и у этого также есть иной делатель. Земля, ветер, пространство, воды и свет — лона существ; о чём тут плакать? Многоучёный и малоучёный, сильный и слабый, красивый и безобразный, удачливый и неудачливый — всё это глубокое время забирает своей силой. Когда всё попало под власть времени, какая боль у знающего? Сожжённое дожигается, убитое добивается, прежде погибшее гибнет, а человек получает то, что должно быть получено. У этого божественного порядка, как я размышляю, не видно ни острова, ни дальнего берега, ни ближнего берега, ни конца. Если бы время на моих глазах не разрушало существ, тогда у меня были бы радость, гордость и гнев, о супруг Шачи. Но ты, зная, что я ем мякину в пустом доме и ношу ослиный облик, указываешь на это и насмехаешься».
fa6157c96ce9 · 发布于 2026年6月21日 01:35:30 UTC
可用语言RU用方向键翻颂
Учение Бали о неделании не снимает ответственности, а разрушает самодовольное “я победил”. Победа и поражение принадлежат порядку времени, элементов и более глубокого делателя.