एवम् उक्तस् तु गाङ्गेयः कुन्तीपुत्रेण धीमता ॥
ददर्श भारतान् सर्वान् स्थितान् संपरिवार्य तम् ॥
ततश् चलवलिर् भीष्मः प्रगृह्य विपुलं भुजम् ॥
ओघमेघस्वनो वाग्मी काले वचनम् अब्रवीत् ॥
दिष्ट्या प्राप्तो ऽसि कौन्तेय सहामात्यो युधिष्ठिर ॥
परिवृत्तो हि भगवान् सहस्रांशुर् दिवाकरः ॥
अष्टपञ्चाशतं रात्र्यः शयानस्याद्य मे गताः ॥
शरेषु निशिताग्रेषु यथा वर्षशतं तथा ॥
माघो ऽयं समनुप्राप्तो मासः पुण्यो युधिष्ठिर ॥
त्रिभागशेषः पक्षो ऽयं शुक्लो भवितुम् अर्हति ॥
एवम् उक्त्वा तु गाङ्गेयो धर्मपुत्रं युधिष्ठिरम् ॥
धृतराष्ट्रम् अथामन्त्र्य काले वचनम् अब्रवीत् ॥
राजन् विदितधर्मो ऽसि सुनिर्णीतार्थसंशयः ॥
बहुश्रुता हि ते विप्रा बहवः पर्युपासिताः ॥
वेदशास्त्राणि सर्वाणि धर्मांश् च मनुजेश्वर ॥
वेदांश् च चतुरः साङ्गान् निखिलेनावबुध्यसे ॥
न शोचितव्यं कौरव्य भवितव्यं हि तत् तथा ॥
श्रुतं देवरहस्यं ते कृष्णद्वैपायनाद् अपि ॥
यथा पाण्डोः सुता राजंस् तथैव तव धर्मतः ॥
तान् पालय स्थितो धर्मे गुरुशुश्रूषणे रतान् ॥
धर्मराजो हि शुद्धात्मा निदेशे स्थास्यते तव ॥
आनृशंस्यपरं ह्य् एनं जानामि गुरुवत्सलम् ॥
तव पुत्रा दुरात्मानः क्रोधलोभपरायणाः ॥
ईर्ष्याभिभूता दुर्वृत्तास् तान् न शोचितुम् अर्हसि ॥
evam uktas tu gāṅgeyaḥ kuntīputreṇa dhīmatā ||
dadarśa bhāratān sarvān sthitān saṃparivārya tam ||
tataś calavalir bhīṣmaḥ pragṛhya vipulaṃ bhujam ||
oghameghasvano vāgmī kāle vacanam abravīt ||
diṣṭyā prāpto 'si kaunteya sahāmātyo yudhiṣṭhira ||
parivṛtto hi bhagavān sahasrāṃśur divākaraḥ ||
aṣṭapañcāśataṃ rātryaḥ śayānasyādya me gatāḥ ||
śareṣu niśitāgreṣu yathā varṣaśataṃ tathā ||
māgho 'yaṃ samanuprāpto māsaḥ puṇyo yudhiṣṭhira ||
tribhāgaśeṣaḥ pakṣo 'yaṃ śuklo bhavitum arhati ||
evam uktvā tu gāṅgeyo dharmaputraṃ yudhiṣṭhiram ||
dhṛtarāṣṭram athāmantrya kāle vacanam abravīt ||
rājan viditadharmo 'si sunirṇītārthasaṃśayaḥ ||
bahuśrutā hi te viprā bahavaḥ paryupāsitāḥ ||
vedaśāstrāṇi sarvāṇi dharmāṃś ca manujeśvara ||
vedāṃś ca caturaḥ sāṅgān nikhilenāvabudhyase ||
na śocitavyaṃ kauravya bhavitavyaṃ hi tat tathā ||
śrutaṃ devarahasyaṃ te kṛṣṇadvaipāyanād api ||
yathā pāṇḍoḥ sutā rājaṃs tathaiva tava dharmataḥ ||
tān pālaya sthito dharme guruśuśrūṣaṇe ratān ||
dharmarājo hi śuddhātmā nideśe sthāsyate tava ||
ānṛśaṃsyaparaṃ hy enaṃ jānāmi guruvatsalam ||
tava putrā durātmānaḥ krodhalobhaparāyaṇāḥ ||
īrṣyābhibhūtā durvṛttās tān na śocitum arhasi ||
Вайшампаяна сказал: «Так сказанный Кунти-сыном мудрым, Гангея (Бхишма) увидел Бхаратов всех, стоящих, окружив его. Затем, складками дрогнувший, Бхишма, воздев могучую руку, как поток-туча звучный, красноречивый, ко времени слово сказал: „К счастью пришёл ты, Каунтея, с советниками, Юдхиштхира; повернулось ведь, владыка, тысячелучное Солнце. Пятьдесят восемь ночей у возлежащего ныне моих прошло на стрелах остроконечных, как сто лет, так. Магха этот наступил, месяц святой, Юдхиштхира; светлая половина (месяца), от коей треть осталась“. Так сказав Дхармы-сыну Юдхиштхире, Гангея, к Дхритараштре затем обратясь, ко времени слово сказал: „О царь, дхарму знающий ты, с хорошо решёнными сомнениями; многоучёные ведь тобою брахманы многие почтены; Веды-шастры все и дхармы, о владыка людей, и Веды четыре с ангами всецело постигаешь. Не должно скорбеть, о Каурава, — быть должному ведь так; слышана божья тайна тобою от Кришны-Двайпаяны. Как Панду сыны, о царь, так же твои по дхарме; их храни, стоящий в дхарме, в старшим-служении усердных. Дхарма-царь ведь, чистый душою, в повиновении пребудет твоём; состраданию преданным ведь его знаю, к старшим нежным. Твои сыны, злодушные, гневу-жадности преданные, завистью объятые, дурного нрава, — о них не скорбеть изволь“».
126554f37253 · 发布于 2026年6月22日 07:40:00 UTC
可用语言RU用方向键翻颂
Бхишма, узрев сошедшихся Бхаратов, воздевает могучую руку и «гласом, как поток и грозовая туча» говорит: «К счастью ты пришёл, Юдхиштхира; тысячелучное солнце повернуло. Пятьдесят восемь ночей пролежал я на этих острых стрелах, как сто лет; настал святой месяц Магха, светлая половина, от коей треть осталась». Так владыка собственной смерти называет самый час её. И первая забота его — утешение: он обращает Дхритараштру от скорби о злых сыновьях к любви к праведным Пандавам, «ныне твоим по дхарме»: «храни их; чистый душою Дхарма-царь пребудет в повиновении тебе, ибо я знаю его сострадательным и нежным к старшим; о сынах же твоих, обуянных гневом, жадностью и завистью, не скорби». В свете преданности здесь дивно: и умирая, дед врачует — связует уцелевшую семью узами дхармы, обращая горе в любовь и прощение.