नर्मदा च शुभस्रोतास्तथा वेत्रवती नदी । गोमती गोकुलाकीर्णा तथा पूर्वा सरस्वती
महाकालमहीचैव तमसापुष्पवाहिनी । जंबूद्वीपं रत्नवच्च सर्वरत्नोपशोभितम्
सुवर्णपुटकं चैव सुवर्णाकरमंडितम् । महानदश्च लौहित्यश्शैलः कांचनशोभितः
पत्तनं कोशकाराणां काशिं च रजताकरम् । मगधाश्च महाग्रामाः पुंड्रा उग्रास्तथैव च
खुध्ना मल्ला विदेहाश्च मालवाः काशिकोसलाः । भवनं वैनतेयस्य दैत्येंद्रेणाभिकंपितम्
कैलासशिखराकारं यत्कृतं विश्वकर्मणा । रत्नतोयो महाभीमो लौहित्यो नाम सागरः
उदयश्च महाशैल उच्छितः शतयोजनम् । सुवर्णवेदिकः श्रीमान्मेघपंक्तिनिषेवितः
भ्राजमानोऽर्कसदृशैर्जातरूपमयैर्द्रुमैः । सालैस्तालैस्तमालैश्च कर्णिकारैश्च पुष्पितैः
अयोमुखश्च विख्यातः सर्वतो धातुमंडितः । तमालवनगंधश्च पर्वतो मलयः शुभः
सुराष्ट्राश्च सबाह्लीकाश्शूद्राभीरास्तथैव च । भोजाः पांड्याश्च वंगाश्च कलिंगास्ताम्रलिप्तकाः
तथैव पौंड्राः शुभ्राश्च वामचूडास्सकेरलाः । क्षोभितास्तेन दैत्येन देवाश्चाप्सरसांगणाः
अगस्त्यभवनं चैव यदगस्त्यकृतं पुरा । सिद्धचारणसंघैश्च विप्रकीर्णं मनोहरम्
विचित्रनानाविहगं सपुष्पितमहाद्रुमम् । जातरूपमयैः शृंगैरप्सरोगणसेवितम्
गिरिः पुष्पितकश्चैव लक्ष्मीवान्प्रियदर्शनः । उत्थितः सागरं भित्वा विश्रामश्चंद्रसूर्ययोः
रराज स महाशृंगैर्गगनं विलिखन्निव । चंद्रसूर्यांशुसंकाशैः सागरांबुसमावृतैः
विद्युत्वान्पर्वतः श्रीमानायतः शतयोजनम् । विद्युतां यत्र संपाता निपात्यंते नगोत्तमे
ऋषभः पर्वतश्चैव श्रीमानृषभसंस्थितः । कुंजरः पर्वतः श्रीमानगस्त्यस्य गृहं शुभम्
विमलाख्या च दुर्धर्षा सर्पाणां मालतीपुरी । तथा भोगवती चापि दैत्येंद्रेणाभिकंपिता
महासेनगिरिश्चैव पारियात्रश्च पर्वतः । चक्रवांश्च गिरिश्रेष्ठो वाराहश्चैव पर्वतः
narmadā ca śubhasrotāstathā vetravatī nadī | gomatī gokulākīrṇā tathā pūrvā sarasvatī
mahākālamahīcaiva tamasāpuṣpavāhinī | jaṃbūdvīpaṃ ratnavacca sarvaratnopaśobhitam
suvarṇapuṭakaṃ caiva suvarṇākaramaṃḍitam | mahānadaśca lauhityaśśailaḥ kāṃcanaśobhitaḥ
pattanaṃ kośakārāṇāṃ kāśiṃ ca rajatākaram | magadhāśca mahāgrāmāḥ puṃḍrā ugrāstathaiva ca
khudhnā mallā videhāśca mālavāḥ kāśikosalāḥ | bhavanaṃ vainateyasya daityeṃdreṇābhikaṃpitam
kailāsaśikharākāraṃ yatkṛtaṃ viśvakarmaṇā | ratnatoyo mahābhīmo lauhityo nāma sāgaraḥ
udayaśca mahāśaila ucchitaḥ śatayojanam | suvarṇavedikaḥ śrīmānmeghapaṃktiniṣevitaḥ
bhrājamāno'rkasadṛśairjātarūpamayairdrumaiḥ | sālaistālaistamālaiśca karṇikāraiśca puṣpitaiḥ
ayomukhaśca vikhyātaḥ sarvato dhātumaṃḍitaḥ | tamālavanagaṃdhaśca parvato malayaḥ śubhaḥ
surāṣṭrāśca sabāhlīkāśśūdrābhīrāstathaiva ca | bhojāḥ pāṃḍyāśca vaṃgāśca kaliṃgāstāmraliptakāḥ
tathaiva pauṃḍrāḥ śubhrāśca vāmacūḍāssakeralāḥ | kṣobhitāstena daityena devāścāpsarasāṃgaṇāḥ
agastyabhavanaṃ caiva yadagastyakṛtaṃ purā | siddhacāraṇasaṃghaiśca viprakīrṇaṃ manoharam
vicitranānāvihagaṃ sapuṣpitamahādrumam | jātarūpamayaiḥ śṛṃgairapsarogaṇasevitam
giriḥ puṣpitakaścaiva lakṣmīvānpriyadarśanaḥ | utthitaḥ sāgaraṃ bhitvā viśrāmaścaṃdrasūryayoḥ
rarāja sa mahāśṛṃgairgaganaṃ vilikhanniva | caṃdrasūryāṃśusaṃkāśaiḥ sāgarāṃbusamāvṛtaiḥ
vidyutvānparvataḥ śrīmānāyataḥ śatayojanam | vidyutāṃ yatra saṃpātā nipātyaṃte nagottame
ṛṣabhaḥ parvataścaiva śrīmānṛṣabhasaṃsthitaḥ | kuṃjaraḥ parvataḥ śrīmānagastyasya gṛhaṃ śubham
vimalākhyā ca durdharṣā sarpāṇāṃ mālatīpurī | tathā bhogavatī cāpi daityeṃdreṇābhikaṃpitā
mahāsenagiriścaiva pāriyātraśca parvataḥ | cakravāṃśca giriśreṣṭho vārāhaścaiva parvataḥ
…Нармада с благим течением и река Ветравати, Гомати, полная коровьих стад, и Восточная Сарасвати, Махакала и Махи, Тамаса, несущая цветы; Джамбудвипа, богатая самоцветами, украшенная всеми самоцветами, Суварнапутака, убранный золотыми рудниками; великий поток Лаухитья, гора, украшенная золотом; город шелководов и Каши, серебряный рудник; магадхи, великие селения, пундры и угры, кхудхны, маллы, видехи, малавы, каши и косалы; жилище Вайнатеи, подобное вершине Кайласы, сделанное Вишвакарманом, — потрясены владыкой дайтьев; и океан по имени Лаухитья, весьма страшный, с водою из самоцветов;
и великая гора Удая, вздымающаяся на сто йоджан, с золотым помостом, славная, посещаемая грядами облаков, сияющая золотыми деревьями, подобными солнцу, — салами, талами, тамалами и цветущими карникарами; и прославленный Айомукха, отовсюду убранный рудами, и благая гора Малая с благоуханием тамаловых рощ; сураштры с бахликами, шудры и абхиры, бходжи, пандьи, ванги, калинги, тамралиптаки, и пундры, шубхры, вамачуды с кералами — потрясены тем дайтьей, и боги, и сонмы апсар;
и дом Агастьи, что был некогда сделан Агастьей, усеянный сонмами сиддхов и чаранов, чарующий, с пёстрыми разными птицами, с цветущими большими деревьями, с золотыми вершинами, посещаемый сонмами апсар; и гора Пушпитака, славная, приятная на вид, поднявшаяся, рассекая океан, — отдых луны и солнца; сияла она великими вершинами, как бы расчерчивая небо, — подобными лучам луны и солнца, омываемыми водами океана;
и славная гора Видьютван, простёртая на сто йоджан, куда низвергаются падения молний, лучшая из гор; и гора Ришабха, славная, стоящая как бык; славная гора Кунджара, благой дом Агастьи; и неодолимая, зовущаяся Вималой, Малатипури змей, и Бхогавати — потрясены владыкой дайтьев; и гора Махасена, и гора Париятра, лучшая из гор Чакраван и гора Вараха…
2d954799e220 · 发布于 2026年9月3日 04:13:28 UTC
可用语言RU用方向键翻颂
Перечень рек, стран и гор кажется отступлением, но он и есть мера случившегося. Один разгневанный — и дрожат Ганга, Каши, Керала, дом Агастьи, жилище Гаруды. Гнев измеряется не словами, а списком того, что от него качнулось.
Названы не только святыни, но и обычные вещи: город шелководов, серебряный рудник, коровьи стада у Гомати. Трясётся не мифология, а обжитая земля.
И среди дрожащего названа гора, что служит «отдыхом луны и солнца». Пошатнулось само место, где отдыхают светила.