अथ तुभ्यं प्रपन्नानां धर्मान्वक्ष्यामि नारद । यानास्थाय गमिष्यन्ति हरिधाम नराः कलौ
इत्थं गुरोर्लब्धमन्त्रो गुरुभक्तिपरायणः । सेवमानो गुरुं नित्यं तत्कृपां भावयेत्सुधीः
सतां धर्मास्ततः शिक्षेत्प्रपन्नानां विशेषतः । स्वेष्टदेवधिया नित्यं वैष्णवान्परितोषयेत्
ताडनं भर्त्सनं कामी भोग्यत्वेन यथा स्त्रियः । गृह्णाति वैष्णवानां च तत्तदग्राह्यं तथा बुधैः
ऐहिक्यामुष्मिकी चिन्ता नैव कार्या कदाचन । ऐहिकं तु सदा भाव्यं पूर्वाचरितकर्मणा
आमुष्मिकं तथा कृष्णः स्वयमेव करिष्यति । अतो हि तत्कृते त्याज्यः प्रयत्नः सर्वथा नरैः
सर्वोपायपरित्यागः कृष्णीयात्मतयार्चनम् । सुचिरं प्रोषिते कान्ते यथा पतिपरायणा
प्रियानुरागिणी दीना तस्य सङ्गैककाङ्क्षिणी । तद्गुणान्भावयेन्नित्यं गायत्यपि शृणोति च
श्रीकृष्णगुणलीलादि स्मरणादि तथा चरेत् । न पुनः साधनत्वेन कार्यं तत्तु कदाचन
चिरं प्रोष्यागतं कान्तं प्राप्य कान्तधिया यथा । चुम्बन्तीवाश्लिष्यन्तीव नेत्रान्तेन पिबन्त्यपि
ब्रह्मानन्दगता वाशु सेवते परया मुदा । श्रीमदर्चावतारेण तथा परिचरेद्धरिम्
अनन्यशरणो नित्यं तथैवानन्यसाधनः । अनन्यसाधनार्थत्वात्स्यादनन्यप्रयोजनः
atha tubhyaṃ prapannānāṃ dharmānvakṣyāmi nārada | yānāsthāya gamiṣyanti haridhāma narāḥ kalau
itthaṃ gurorlabdhamantro gurubhaktiparāyaṇaḥ | sevamāno guruṃ nityaṃ tatkṛpāṃ bhāvayetsudhīḥ
satāṃ dharmāstataḥ śikṣetprapannānāṃ viśeṣataḥ | sveṣṭadevadhiyā nityaṃ vaiṣṇavānparitoṣayet
tāḍanaṃ bhartsanaṃ kāmī bhogyatvena yathā striyaḥ | gṛhṇāti vaiṣṇavānāṃ ca tattadagrāhyaṃ tathā budhaiḥ
aihikyāmuṣmikī cintā naiva kāryā kadācana | aihikaṃ tu sadā bhāvyaṃ pūrvācaritakarmaṇā
āmuṣmikaṃ tathā kṛṣṇaḥ svayameva kariṣyati | ato hi tatkṛte tyājyaḥ prayatnaḥ sarvathā naraiḥ
sarvopāyaparityāgaḥ kṛṣṇīyātmatayārcanam | suciraṃ proṣite kānte yathā patiparāyaṇā
priyānurāgiṇī dīnā tasya saṅgaikakāṅkṣiṇī | tadguṇānbhāvayennityaṃ gāyatyapi śṛṇoti ca
śrīkṛṣṇaguṇalīlādi smaraṇādi tathā caret | na punaḥ sādhanatvena kāryaṃ tattu kadācana
ciraṃ proṣyāgataṃ kāntaṃ prāpya kāntadhiyā yathā | cumbantīvāśliṣyantīva netrāntena pibantyapi
brahmānandagatā vāśu sevate parayā mudā | śrīmadarcāvatāreṇa tathā paricareddharim
ananyaśaraṇo nityaṃ tathaivānanyasādhanaḥ | ananyasādhanārthatvātsyādananyaprayojanaḥ
«Теперь тебе поведаю дхармы предавшихся, Нарада, утвердившись в коих люди в Кали пойдут в обитель Хари. Так получивший мантру от учителя, всецело преданный учителю, служа ему постоянно, да помышляет о его милости, мудрый. Затем да изучит дхармы праведных, особенно предавшихся, и с мыслью о своём божестве всегда да радует вайшнавов. Побои и брань похотливый принимает от женщин ради наслаждения — у вайшнавов же то и то неприемлемо для мудрых. Забота о здешнем и о потустороннем никогда не должна твориться: здешнее всегда определяется прежде совершённым деянием, потустороннее же Кришна сам совершит; посему людям вовсе следует оставить усилие ради того. Оставление всех средств, почитание с чувством „я Кришнин“ — как верная мужу, когда любимый надолго в отлучке: влюблённая в милого, бедная, жаждущая одной лишь встречи с ним, о его достоинствах помышляет всегда, и поёт, и слушает; так да творит он памятование о достоинствах и играх Шри-Кришны — но не как средство: этого не должно делать никогда. И как, обретя надолго уехавшего и вернувшегося милого, с мыслью о любимом она как бы целует, как бы обнимает и краем глаза испивает, или, тотчас достигшая блаженства Брахмана, служит с высшей радостью, — так да служит он Хари чрез достославное нисхождение в образ. Всегда без иного прибежища, так же и без иного средства; от того, что средство не иное, да будет он и без иной цели.»
dccaf1a2412f · 发布于 2026年9月3日 04:13:49 UTC
可用语言RU用方向键翻颂
Оговорка «но не как средство» разворачивает всё сказанное: памятование и пение перечислены не как способы чего-то достичь, а как то, что делает разлучённая жена, потому что иначе не может. Забота о будущем прямо запрещена — не как грех, а как лишняя работа.