त्वद्वार्तां प्रीतितो ब्रवीमि यदहं साऽस्तु स्तुतिस्ते प्रभो यद्भुञ्जे तव तन्निवेदनमथो यद्यामि सा प्रेष्यता । यच्छान्तः स्वपिमि त्वदङ्घ्रियुगले दण्डप्रणामोऽस्तु नः स्वामिन्यच्च करोमि तेन स भवान्विश्वेश्वरः प्रीयताम्
तावद्भ्रमन्ति भुवने मनुजा भवोत्थदारिद्र्यरोगमरणव्यसनाभिभूताः । यावज्जलं तव महानदि नीलनीलं पश्यन्ति नो दधति मूर्धसु सूर्यपुत्रि
यत्संस्मृतिः सपदि कृन्तति दुष्कृतौघं पापावलीं जयति योजनलक्षतोऽपि । यन्नाम नाम जगदुच्चरितं पुनाति दिष्ट्या हि सा पथि दृशो भविताद्य गङ्गा
आलोकोत्कण्ठितेन प्रमुदितमनसा वर्त्म यस्याः प्रयातं सत्यस्मिन्कृत्यमेतामथ प्रथमकृतीर्जज्ञिवान्स्वर्गसिन्धुम् । स्नानं सन्ध्या निवापः सुरयजनमपि श्राद्धविप्राशनाद्यं सर्वं सम्पूर्णमेतद्भवति भगवतः प्रीतिदं नातिचित्रम्
देवि त्वं तु परब्रह्मपरमानन्ददायिनि । अर्घ्यं गृहाण मे गङ्गे पापं हर नमोऽस्तु ते
साक्षाद्धर्मद्रवौघं मुररिपुचरणाम्भोजपीयूषसारं दुःखस्याब्धेस्तरित्रं सुरमनुजनुतं स्वर्गसोपानमार्गम् । सर्वाघौघापहारि वारि प्रवरगुणगणं भासि या संवहन्ती तस्यै भागीरथि श्रीमति मुदितमना देवि कुर्वे नमस्ते
स्वःसिन्धो दुरिताब्धिमग्नजनतासन्तारणि प्रोल्लसत्कल्लोलामलकान्तिनाशिततमःस्तोमे जगत्पावनि । गङ्गे देवि पुनीहि दुष्कृतभयक्रान्तं कृपाभाजनं मातर्मां शरणागतं शरणदे रक्षाथ भो भीषितम्
हंहो मानस किं कम्पसे किमु सखे त्रस्तं भयान्नारकात्किं ते भीतिरिति श्रुतिर्दुरितकृत्सञ्जायते नारकी । मा भैषीः शृणु मे गिरं यदि मया पापाचलस्फालिनी प्राप्ता ते निरयः कथं किमपरं किं मे न धर्मो धनम्
सर्वेशादिप्रशंसामुदमनुभवितुं मज्जनं यत्र चोक्तं स्वर्नार्यो वीक्ष्य हृष्टा विबुधसुरपतिप्राप्तिसम्भावनेन । नीरे श्रीजह्नुकन्ये यमनियमरताः स्नान्ति ये तावकीने देवत्वं ते लभन्ते स्फुटमशुभकृतोऽप्यत्र वेदाः प्रमाणम्
बुद्धे सद्बुद्धिरेवं भवतु तव सखे मानस स्वस्ति तेऽस्तु आस्तां पादौ पदस्थौ सततमिह युवां साधुदृष्टी च दृष्टी । वाणि प्राणप्रिये प्रकटगुणवपुः प्राप्नुहि प्राणपुष्टिं यस्मात्सर्वैर्भवद्भिः सुखमतुलमहं प्राप्नुयां तीर्थपुण्यम्
श्रीजाह्नवीरविसुतापरमेष्ठिपुत्रीसिन्धुत्रयाभरणतीर्थवर प्रयाग । सर्वेश मामनुगृहाण नयस्व चोर्ध्वमन्तस्तमो दशविधं दलयस्व धाम्ना
tvadvārtāṃ prītito bravīmi yadahaṃ sā'stu stutiste prabho yadbhuñje tava tannivedanamatho yadyāmi sā preṣyatā | yacchāntaḥ svapimi tvadaṅghriyugale daṇḍapraṇāmo'stu naḥ svāminyacca karomi tena sa bhavānviśveśvaraḥ prīyatām
tāvadbhramanti bhuvane manujā bhavotthadāridryarogamaraṇavyasanābhibhūtāḥ | yāvajjalaṃ tava mahānadi nīlanīlaṃ paśyanti no dadhati mūrdhasu sūryaputri
yatsaṃsmṛtiḥ sapadi kṛntati duṣkṛtaughaṃ pāpāvalīṃ jayati yojanalakṣato'pi | yannāma nāma jagaduccaritaṃ punāti diṣṭyā hi sā pathi dṛśo bhavitādya gaṅgā
ālokotkaṇṭhitena pramuditamanasā vartma yasyāḥ prayātaṃ satyasminkṛtyametāmatha prathamakṛtīrjajñivānsvargasindhum | snānaṃ sandhyā nivāpaḥ surayajanamapi śrāddhaviprāśanādyaṃ sarvaṃ sampūrṇametadbhavati bhagavataḥ prītidaṃ nāticitram
devi tvaṃ tu parabrahmaparamānandadāyini | arghyaṃ gṛhāṇa me gaṅge pāpaṃ hara namo'stu te
sākṣāddharmadravaughaṃ muraripucaraṇāmbhojapīyūṣasāraṃ duḥkhasyābdhestaritraṃ suramanujanutaṃ svargasopānamārgam | sarvāghaughāpahāri vāri pravaraguṇagaṇaṃ bhāsi yā saṃvahantī tasyai bhāgīrathi śrīmati muditamanā devi kurve namaste
svaḥsindho duritābdhimagnajanatāsantāraṇi prollasatkallolāmalakāntināśitatamaḥstome jagatpāvani | gaṅge devi punīhi duṣkṛtabhayakrāntaṃ kṛpābhājanaṃ mātarmāṃ śaraṇāgataṃ śaraṇade rakṣātha bho bhīṣitam
haṃho mānasa kiṃ kampase kimu sakhe trastaṃ bhayānnārakātkiṃ te bhītiriti śrutirduritakṛtsañjāyate nārakī | mā bhaiṣīḥ śṛṇu me giraṃ yadi mayā pāpācalasphālinī prāptā te nirayaḥ kathaṃ kimaparaṃ kiṃ me na dharmo dhanam
sarveśādipraśaṃsāmudamanubhavituṃ majjanaṃ yatra coktaṃ svarnāryo vīkṣya hṛṣṭā vibudhasurapatiprāptisambhāvanena | nīre śrījahnukanye yamaniyamaratāḥ snānti ye tāvakīne devatvaṃ te labhante sphuṭamaśubhakṛto'pyatra vedāḥ pramāṇam
buddhe sadbuddhirevaṃ bhavatu tava sakhe mānasa svasti te'stu āstāṃ pādau padasthau satatamiha yuvāṃ sādhudṛṣṭī ca dṛṣṭī | vāṇi prāṇapriye prakaṭaguṇavapuḥ prāpnuhi prāṇapuṣṭiṃ yasmātsarvairbhavadbhiḥ sukhamatulamahaṃ prāpnuyāṃ tīrthapuṇyam
śrījāhnavīravisutāparameṣṭhiputrīsindhutrayābharaṇatīrthavara prayāga | sarveśa māmanugṛhāṇa nayasva cordhvamantastamo daśavidhaṃ dalayasva dhāmnā
«Что беседу о тебе я веду с любовью — да будет она хвалою тебе, о владыка; что вкушаю — то поднесение тебе; и что иду — то служба; что сплю умиротворённый — то наш поклон, как палка, у пары твоих стоп; и что делаю я, о владыка, — тем да будет доволен Ты, Владыка вселенной. Дотоле блуждают в мире люди, одолеваемые нищетой, недугом, смертью и бедами круговорота, покуда не увидят они иссиня-синюю воду твою, о великая река, и не возложат её на головы, о дочь Солнца. Памятование о ком тотчас рассекает поток дурных дел и побеждает вереницу грехов даже за сотню тысяч йоджан; чьё имя, произнесённое, очищает мир, — по счастью, ныне будет она на пути очей моих, Ганга. Кем изнывающим по свиданию, с возрадованным сердцем пройден путь её, и кто, познав первые обряды, узрел небесную реку, — омовение, сандхья, возлияние предкам, почитание богов, шраддха, кормление брахманов и прочее — всё это бывает полным и дающим радость Господу, и не диво. О богиня, дающая высшее блаженство Высшего Брахмана, прими моё почётное подношение, о Ганга; унеси грех — поклон тебе. Ту, что сияешь, неся воочию поток текучей дхармы, суть амриты лотосов стоп Врага Муры, переправу через океан горя, восхваляемую богами и людьми лестницу-дорогу на небо, воду, уносящую весь поток греха, с сонмом высших достоинств, — тебе, о Бхагиратхи, о преславная, с радостным сердцем творю я поклон. О небесная река, переправляющая народ, погружённый в океан зла; чьё скопище тьмы уничтожено чистым сиянием играющих волн; очистительница мира! О Ганга, о богиня, очисти охваченного страхом дурных дел, сосуд милости; о мать, сохрани меня, пришедшего под защиту, устрашённого, о дающая прибежище. Эй, сердце, что дрожишь? Что испугано ты, о друг, от страха пред адом? Отчего у тебя страх — оттого ли, что Веда говорит: творящий зло становится адским? Не страшись, слушай моё слово: если мною обретена Сокрушающая горы греха, — откуда быть тебе аду? И что иное? Разве не дхарма моё богатство?»
9eefa07a19de · 发布于 2026年9月3日 04:13:53 UTC
可用语言RU用方向键翻颂
Гимн начинается с того, что отменяет разницу между обрядом и жизнью: беседа — хвала, еда — поднесение, ходьба — служба, сон — поклон. И кончается разговором с собственным сердцем: что дрожишь? Веда сказала — творящий зло идёт в ад, но у меня есть река. Спор с собственным страхом ведётся не отрицанием греха, а указанием на то, что сильнее.