तथा ब्रुवति वैदेहे जनके रघुनन्दनः । राजा दशरथो हृष्टः प्रत्युवाच महीपतिम् ॥
युवाम् असंख्येय गुणौ भ्रातरौ मिथिलेश्वरौ । ऋषयो राजसंघाश् च भवद्भ्याम् अभिपूजिताः ॥
स्वस्ति प्राप्नुहि भद्रं ते गमिष्यामि स्वम् आलयम् । श्राद्धकर्माणि सर्वाणि विधास्य इति चाब्रवीत् ॥
तम् आपृष्ट्वा नरपतिं राजा दशरथस् तदा । मुनीन्द्रौ तौ पुरस्कृत्य जगामाशु महायशाः ॥
स गत्वा निलयं राजा श्राद्धं कृत्वा विधानतः । प्रभाते काल्यम् उत्थाय चक्रे गोदानम् उत्तमम् ॥
गवां शतसहस्राणि ब्राह्मणेभ्यो नराधिपः । एकैकशो ददौ राजा पुत्रान् उद्धिश्य धर्मतः ॥
सुवर्णशृङ्गाः संपन्नाः सवत्साः कांस्यदोहनाः । गवां शतसहस्राणि चत्वारि पुरुषर्षभः ॥
वित्तम् अन्यच् च सुबहु द्विजेभ्यो रघुनन्दनः । ददौ गोदानम् उद्दिश्य पुत्राणां पुत्रवत्सलः ॥
स सुतैः कृतगोदानैर् वृतश् च नृपतिस् तदा । लोकपालैर् इवाभाति वृतः सौम्यः प्रजापतिः ॥
tathā bruvati vaidehe janake raghunandanaḥ | rājā daśaratho hṛṣṭaḥ pratyuvāca mahīpatim ||
yuvām asaṃkhyeya guṇau bhrātarau mithileśvarau | ṛṣayo rājasaṃghāś ca bhavadbhyām abhipūjitāḥ ||
svasti prāpnuhi bhadraṃ te gamiṣyāmi svam ālayam | śrāddhakarmāṇi sarvāṇi vidhāsya iti cābravīt ||
tam āpṛṣṭvā narapatiṃ rājā daśarathas tadā | munīndrau tau puraskṛtya jagāmāśu mahāyaśāḥ ||
sa gatvā nilayaṃ rājā śrāddhaṃ kṛtvā vidhānataḥ | prabhāte kālyam utthāya cakre godānam uttamam ||
gavāṃ śatasahasrāṇi brāhmaṇebhyo narādhipaḥ | ekaikaśo dadau rājā putrān uddhiśya dharmataḥ ||
suvarṇaśṛṅgāḥ saṃpannāḥ savatsāḥ kāṃsyadohanāḥ | gavāṃ śatasahasrāṇi catvāri puruṣarṣabhaḥ ||
vittam anyac ca subahu dvijebhyo raghunandanaḥ | dadau godānam uddiśya putrāṇāṃ putravatsalaḥ ||
sa sutaiḥ kṛtagodānair vṛtaś ca nṛpatis tadā | lokapālair ivābhāti vṛtaḥ saumyaḥ prajāpatiḥ ||
Когда Вайдеха Джанака говорил так, царь Дашаратха, радость Рагху, обрадованный, ответил владыке земли: «Вы двое, братья и владыки Митхилы, обладаете неисчислимыми достоинствами. Мудрецы и собрания царей почтены вами. Обрети благополучие, благо тебе. Я отправлюсь в свою обитель и совершу все обряды шраддхи». Сказав это, славный царь Дашаратха попрощался с владыкой людей и быстро ушёл, поставив впереди двух лучших мудрецов. Придя в своё жилище, царь по правилу совершил шраддху, а на рассвете рано встал и совершил превосходное дарение коров. Владыка людей, ради сыновей и по дхарме, каждому брахману дал по сто тысяч коров. Бык среди людей даровал четыре сотни тысяч коров с золотыми рогами, с телятами и бронзовыми подойниками. Любящий сыновей Дашаратха, радость Рагху, ради обряда дарения коров дал дваждырождённым и множество другого богатства. Тогда царь, окружённый сыновьями, совершившими дарение коров, сиял словно благой Праджапати, окружённый хранителями мира.
2c7f473dfccc · 发布于 2026年6月22日 00:00:00 UTC
可用语言RU用方向键翻颂
Перед свадьбой Дашаратха обращается к предкам и брахманам. Радость семьи проходит через щедрость и благодарность: сыновья сияют рядом с отцом только после того, как долг перед родом и священным порядком исполнен.