आसीनस् त्व् एव भरतः पौरजानपदं जनम् । उवाच सर्वतः प्रेक्ष्य किम् आर्यं नानुशासथ ॥
ते तम् ऊचुर् महात्मानं पौरजानपदा जनाः । काकुत्स्थम् अभिजानीमः सम्यग् वदति राघवः ॥
एषो ऽपि हि महाभागः पितुर् वचसि तिष्ठति । अत एव न शक्ताः स्मो व्यावर्तयितुम् अञ्जसा ॥
तेषाम् आज्ञाय वचनं रामो वचनम् अब्रवीत् । एवं निबोध वचनं सुहृदां धर्मचक्षुषाम् ॥
एतच् चैवोभयं श्रुत्वा सम्यक् संपश्य राघव । उत्तिष्ठ त्वं महाबाहो मां च स्पृश तथोदकम् ॥
अथोत्थाय जलं स्पृष्ट्वा भरतो वाक्यम् अब्रवीत् । शृण्वन्तु मे परिषदो मन्त्रिणः श्रेणयस् तथा ॥
न याचे पितरं राज्यं नानुशासामि मातरम् । आर्यं परमधर्मज्ञम् अभिजानामि राघवम् ॥
यदि त्व् अवश्यं वस्तव्यं कर्तव्यं च पितुर् वचः । अहम् एव निवत्स्यामि चतुर्दश वने समाः ॥
धर्मात्मा तस्य तथ्येन भ्रातुर् वाक्येन विस्मितः । उवाच रामः संप्रेक्ष्य पौरजानपदं जनम् ॥
विक्रीतम् आहितं क्रीतं यत् पित्रा जीवता मम । न तल् लोपयितुं शक्यं मया वा भरतेन वा ॥
उपधिर् न मया कार्यो वनवासे जुगुप्सितः । युक्तम् उक्तं च कैकेय्या पित्रा मे सुकृतं कृतम् ॥
जानामि भरतं क्षान्तं गुरुसत्कारकारिणम् । सर्वम् एवात्र कल्याणं सत्यसंधे महात्मनि ॥
अनेन धर्मशीलेन वनात् प्रत्यागतः पुनः । भ्रात्रा सह भविष्यामि पृथिव्याः पतिर् उत्तमः ॥
वृतो राजा हि कैकेय्या मया तद् वचनं कृतम् । अनृतान् मोचयानेन पितरं तं महीपतिम् ॥
āsīnas tv eva bharataḥ paurajānapadaṃ janam | uvāca sarvataḥ prekṣya kim āryaṃ nānuśāsatha ||
te tam ūcur mahātmānaṃ paurajānapadā janāḥ | kākutstham abhijānīmaḥ samyag vadati rāghavaḥ ||
eṣo 'pi hi mahābhāgaḥ pitur vacasi tiṣṭhati | ata eva na śaktāḥ smo vyāvartayitum añjasā ||
teṣām ājñāya vacanaṃ rāmo vacanam abravīt | evaṃ nibodha vacanaṃ suhṛdāṃ dharmacakṣuṣām ||
etac caivobhayaṃ śrutvā samyak saṃpaśya rāghava | uttiṣṭha tvaṃ mahābāho māṃ ca spṛśa tathodakam ||
athotthāya jalaṃ spṛṣṭvā bharato vākyam abravīt | śṛṇvantu me pariṣado mantriṇaḥ śreṇayas tathā ||
na yāce pitaraṃ rājyaṃ nānuśāsāmi mātaram | āryaṃ paramadharmajñam abhijānāmi rāghavam ||
yadi tv avaśyaṃ vastavyaṃ kartavyaṃ ca pitur vacaḥ | aham eva nivatsyāmi caturdaśa vane samāḥ ||
dharmātmā tasya tathyena bhrātur vākyena vismitaḥ | uvāca rāmaḥ saṃprekṣya paurajānapadaṃ janam ||
vikrītam āhitaṃ krītaṃ yat pitrā jīvatā mama | na tal lopayituṃ śakyaṃ mayā vā bharatena vā ||
upadhir na mayā kāryo vanavāse jugupsitaḥ | yuktam uktaṃ ca kaikeyyā pitrā me sukṛtaṃ kṛtam ||
jānāmi bharataṃ kṣāntaṃ gurusatkārakāriṇam | sarvam evātra kalyāṇaṃ satyasaṃdhe mahātmani ||
anena dharmaśīlena vanāt pratyāgataḥ punaḥ | bhrātrā saha bhaviṣyāmi pṛthivyāḥ patir uttamaḥ ||
vṛto rājā hi kaikeyyā mayā tad vacanaṃ kṛtam | anṛtān mocayānena pitaraṃ taṃ mahīpatim ||
Бхарата, всё ещё сидя, оглядел со всех сторон горожан и жителей страны и сказал: «Почему вы не наставляете моего благородного старшего брата?» Люди города и области ответили этому великодушному: «Мы знаем Какутстху: Рагхава говорит правильно. И этот высокодостойный стоит в слове отца; поэтому мы не способны прямо отвратить его». Поняв их слова, Рама сказал: «Выслушай это слово друзей, видящих дхарму. Услышав обе стороны, рассмотри всё правильно, о Рагхава. Встань, могучерукий, коснись меня и воды». Тогда Бхарата поднялся, коснулся воды и сказал: «Пусть слушают меня собрания, министры и общины. Я не просил отца о царстве и не наставлял мать. Я признаю Рагхаву, старшего брата, высшим знатоком дхармы. Но если непременно нужно жить в лесу и исполнять слово отца, то я сам проживу четырнадцать лет в лесу». Праведный Рама, поражённый истинным словом брата, оглядел горожан и жителей страны и сказал: «То, что отец при жизни продал, заложил или приобрёл для меня, невозможно отменить ни мне, ни Бхарате. Я не должен совершать постыдную подмену в лесном изгнании. Кайкейи сказала уместное, и отец мой сделал правильно. Я знаю Бхарату терпеливым и почитающим старших; всё здесь благо в этой великодушной душе, верной слову. Вернувшись из леса, я вместе с этим братом праведного нрава снова стану лучшим владыкой земли. Царь был испрошен Кайкейи, и мною это слово исполнено. Этим освободи от лжи отца, владыку земли».
e2b04a9bf596 · 发布于 2026年6月22日 00:00:00 UTC
可用语言RU用方向键翻颂
Бхарата ищет последнюю возможность сохранить Раму в Айодхье: если должен быть лес, пусть лес примет он сам. Но Рама отвергает даже благородную замену, потому что обет нельзя исполнить чужими руками.