निहतं दूषणं दृष्ट्वा रणे त्रिशिरसा सह । खरस्याप्य् अभवत् त्रासो दृष्ट्वा रामस्य विक्रमम् ॥
स दृष्ट्वा राक्षसं सैन्यम् अविषह्यं महाबलम् । हतम् एकेन रामेण दूषणस् त्रिशिरा अपि ॥
तद् बलं हतभूयिष्ठं विमनाः प्रेक्ष्य राक्षसः । आससाद खरो रामं नमुचिर् वासवं यथा ॥
विकृष्य बलवच् चापं नाराचान् रक्तभोजनान् । खरश् चिक्षेप रामाय क्रुद्धान् आशीविषान् इव ॥
ज्यां विधुन्वन् सुबहुशः शिक्षयास्त्राणि दर्शयन् । चचार समरे मार्गाञ् शरै रथगतः खरः ॥
स सर्वाश् च दिशो बाणैः प्रदिशश् च महारथः । पूरयाम् आस तं दृष्ट्वा रामो ऽपि सुमहद् धनुः ॥
स सायकैर् दुर्विषहैः सस्फुलिङ्गैर् इवाग्निभिः । नभश् चकाराविवरं पर्जन्य इव वृष्टिभिः ॥
तद् बभूव शितैर् बाणैः खररामविसर्जितैः । पर्याकाशम् अनाकाशं सर्वतः शरसंकुलम् ॥
शरजालावृतः सूर्यो न तदा स्म प्रकाशते । अन्योन्यवधसंरम्भाद् उभयोः संप्रयुध्यतोः ॥
ततो नालीकनाराचैस् तीक्ष्णाग्रैश् च विकर्णिभिः । आजघान रणे रामं तोत्रैर् इव महाद्विपम् ॥
तं रथस्थं धनुष्पाणिं राक्षसं पर्यवस्थितम् । ददृशुः सर्वभूतानि पाशहस्तम् इवान्तकम् ॥
तं सिंहम् इव विक्रान्तं सिंहविक्रान्तगामिनम् । दृष्ट्वा नोद्विजते रामः सिंहः क्षुद्रमृगं यथा ॥
ततः सूर्यनिकाशेन रथेन महता खरः । आससाद रणे रामं पतङ्ग इव पावकम् ॥
nihataṃ dūṣaṇaṃ dṛṣṭvā raṇe triśirasā saha | kharasyāpy abhavat trāso dṛṣṭvā rāmasya vikramam ||
sa dṛṣṭvā rākṣasaṃ sainyam aviṣahyaṃ mahābalam | hatam ekena rāmeṇa dūṣaṇas triśirā api ||
tad balaṃ hatabhūyiṣṭhaṃ vimanāḥ prekṣya rākṣasaḥ | āsasāda kharo rāmaṃ namucir vāsavaṃ yathā ||
vikṛṣya balavac cāpaṃ nārācān raktabhojanān | kharaś cikṣepa rāmāya kruddhān āśīviṣān iva ||
jyāṃ vidhunvan subahuśaḥ śikṣayāstrāṇi darśayan | cacāra samare mārgāñ śarai rathagataḥ kharaḥ ||
sa sarvāś ca diśo bāṇaiḥ pradiśaś ca mahārathaḥ | pūrayām āsa taṃ dṛṣṭvā rāmo 'pi sumahad dhanuḥ ||
sa sāyakair durviṣahaiḥ sasphuliṅgair ivāgnibhiḥ | nabhaś cakārāvivaraṃ parjanya iva vṛṣṭibhiḥ ||
tad babhūva śitair bāṇaiḥ khararāmavisarjitaiḥ | paryākāśam anākāśaṃ sarvataḥ śarasaṃkulam ||
śarajālāvṛtaḥ sūryo na tadā sma prakāśate | anyonyavadhasaṃrambhād ubhayoḥ saṃprayudhyatoḥ ||
tato nālīkanārācais tīkṣṇāgraiś ca vikarṇibhiḥ | ājaghāna raṇe rāmaṃ totrair iva mahādvipam ||
taṃ rathasthaṃ dhanuṣpāṇiṃ rākṣasaṃ paryavasthitam | dadṛśuḥ sarvabhūtāni pāśahastam ivāntakam ||
taṃ siṃham iva vikrāntaṃ siṃhavikrāntagāminam | dṛṣṭvā nodvijate rāmaḥ siṃhaḥ kṣudramṛgaṃ yathā ||
tataḥ sūryanikāśena rathena mahatā kharaḥ | āsasāda raṇe rāmaṃ pataṅga iva pāvakam ||
Увидев Душану убитым в бою вместе с Триширой и увидев доблесть Рамы, даже Кхара почувствовал страх. Он увидел, что непереносимое великосильное войско ракшасов, а также Душана и Тришира, убиты одним Рамой. Глядя на почти уничтоженную силу, Кхара, удручённый, приблизился к Раме, как Намучи к Васаве. Сильно натянув лук, Кхара метнул в Раму нарачи, питающиеся кровью, словно разгневанных ядовитых змей. Он, стоя на колеснице, часто потрясал тетиву, показывал искусство владения оружием и двигался в бою по разным путям, осыпая всё стрелами. Великий колесничий наполнил стрелами все стороны и промежуточные стороны, и Рама, увидев его, тоже поднял огромный лук. Кхара невыносимыми стрелами, подобными огням с искрами, сделал небо без просвета, как туча дождём. Небо вокруг стало словно уже не небом: всё было наполнено острыми стрелами, выпущенными Кхарой и Рамой. Солнце, покрытое сетью стрел, тогда не сияло из-за взаимного порыва двух сражающихся убить друг друга. Затем Кхара поражал Раму наликами, нарачами, остроконечными стрелами и викарни, как стрекалами великого слона. Все существа видели этого ракшаса, стоявшего на колеснице с луком в руке, словно Антаку с петлёй. Но Рама не дрогнул, глядя на него, доблестного как лев и идущего львиной походкой, как лев не дрожит перед малым зверем. Тогда Кхара на большой колеснице, сияющей как солнце, приблизился к Раме в бою, как мотылёк к огню.
7054780b0960 · 发布于 2026年6月22日 00:00:00 UTC
可用语言RU用方向键翻颂
Кхара впервые испытывает страх, но вместо остановки выбирает нападение. Сравнение с мотыльком у огня раскрывает скрытый смысл поединка: Кхара движется к тому, что сам считает целью победы, но фактически приближается к собственной гибели.