राक्षसं मृगरूपेण चरन्तं कामरूपिणम् । निहत्य रामो मारीचं तूर्णं पथि न्यवर्तत ॥
तस्य संत्वरमाणस्य द्रष्टुकामस्य मैथिलीम् । क्रूरस्वरो ऽथ गोमायुर् विननादास्य पृष्ठतः ॥
स तस्य स्वरम् आज्ञाय दारुणं रोमहर्षणम् । चिन्तयाम् आस गोमायोः स्वरेण परिशङ्कितः ॥
अशुभं बत मन्ये ऽहं गोमायुर् वाश्यते यथा । स्वस्ति स्याद् अपि वैदेह्या राक्षसैर् भक्षणं विना ॥
मारीचेन तु विज्ञाय स्वरम् आलक्ष्य मामकम् । विक्रुष्टं मृगरूपेण लक्ष्मणः शृणुयाद् यदि ॥
स सौमित्रिः स्वरं श्रुत्वा तां च हित्वाथ मैथिलीम् । तयैव प्रहितः क्षिप्रं मत्सकाशम् इहैष्यति ॥
राक्षसैः सहितैर् नूनं सीताया ईप्सितो वधः । काञ्चनश् च मृगो भूत्वा व्यपनीयाश्रमात् तु माम् ॥
दूरं नीत्वा तु मारीचो राक्षसो ऽभूच् छराहतः । हा लक्ष्मण हतो ऽस्मीति यद् वाक्यं व्यजहार ह ॥
अपि स्वस्ति भवेद् द्वाभ्यां रहिताभ्यां मया वने । जनस्थाननिमित्तं हि कृतवैरो ऽस्मि राक्षसैः । निमित्तानि च घोराणि दृश्यन्ते ऽद्य बहूनि च ॥
इत्य् एवं चिन्तयन् रामः श्रुत्वा गोमायुनिःस्वनम् । आत्मनश् चापनयनं मृगरूपेण रक्षसा । आजगाम जनस्थानं राघवः परिशङ्कितः ॥
rākṣasaṃ mṛgarūpeṇa carantaṃ kāmarūpiṇam | nihatya rāmo mārīcaṃ tūrṇaṃ pathi nyavartata ||
tasya saṃtvaramāṇasya draṣṭukāmasya maithilīm | krūrasvaro 'tha gomāyur vinanādāsya pṛṣṭhataḥ ||
sa tasya svaram ājñāya dāruṇaṃ romaharṣaṇam | cintayām āsa gomāyoḥ svareṇa pariśaṅkitaḥ ||
aśubhaṃ bata manye 'haṃ gomāyur vāśyate yathā | svasti syād api vaidehyā rākṣasair bhakṣaṇaṃ vinā ||
mārīcena tu vijñāya svaram ālakṣya māmakam | vikruṣṭaṃ mṛgarūpeṇa lakṣmaṇaḥ śṛṇuyād yadi ||
sa saumitriḥ svaraṃ śrutvā tāṃ ca hitvātha maithilīm | tayaiva prahitaḥ kṣipraṃ matsakāśam ihaiṣyati ||
rākṣasaiḥ sahitair nūnaṃ sītāyā īpsito vadhaḥ | kāñcanaś ca mṛgo bhūtvā vyapanīyāśramāt tu mām ||
dūraṃ nītvā tu mārīco rākṣaso 'bhūc charāhataḥ | hā lakṣmaṇa hato 'smīti yad vākyaṃ vyajahāra ha ||
api svasti bhaved dvābhyāṃ rahitābhyāṃ mayā vane | janasthānanimittaṃ hi kṛtavairo 'smi rākṣasaiḥ | nimittāni ca ghorāṇi dṛśyante 'dya bahūni ca ||
ity evaṃ cintayan rāmaḥ śrutvā gomāyuniḥsvanam | ātmanaś cāpanayanaṃ mṛgarūpeṇa rakṣasā | ājagāma janasthānaṃ rāghavaḥ pariśaṅkitaḥ ||
Убив Маричу, ракшаса, бродившего в облике оленя и способного принимать любой вид, Рама быстро повернул обратно на путь. Он спешил, желая увидеть Майтили, когда за его спиной завыл шакал с жестоким голосом. Услышав этот ужасный голос, от которого волосы вставали дыбом, Рама встревожился и стал думать: «Увы, я считаю это недобрым знаком, раз так воет шакал. Пусть бы с Вайдехи было благополучно, пусть ракшасы не пожрали её. Марича, поняв мой голос и подражая ему, закричал в облике оленя. Если Лакшмана услышит это, то Саумитри, услышав голос, может оставить Майтили и, посланный ею самой, быстро прийти сюда ко мне. Наверное, собравшиеся ракшасы желают гибели Ситы: став золотым оленем, Марича увёл меня из ашрама, а когда увёл далеко и был поражён стрелой, снова стал ракшасом и произнёс: “О Лакшмана, я убит!” Пусть же будет благополучие тем двум, оставленным мною в лесу. Из-за Джанастханы я стал врагом ракшасов, и сегодня видно много страшных знамений». Так размышляя, услышав вой шакала и поняв, что ракшас в облике оленя отвёл его прочь, встревоженный Рагхава пришёл к Джанастхане.
1560caa8e990 · 发布于 2026年6月22日 00:00:00 UTC
可用语言RU用方向键翻颂
Рама быстро распознаёт майю Маричи: ложный голос был рассчитан на любовь Ситы и верность Лакшманы. Его тревога рождается не из страха за себя, а из понимания, что ашрам мог остаться без защиты.