रामशोकाभिभूतो ऽहं शोकार्तानां भवान् गतिः । वयस्य इति कृत्वा हि त्वय्य् अहं परिदेवये ॥
त्वं हि पाणिप्रदानेन वयस्यो सो ऽग्निसाक्षिकः । कृतः प्राणैर् बहुमतः सत्येनापि शपाम्य् अहम् ॥
वयस्य इति कृत्वा च विस्रब्धं प्रवदाम्य् अहम् । दुःखम् अन्तर्गतं यन् मे मनो दहति नित्यशः ॥
एतावद् उक्त्वा वचनं बाष्पदूषितलोचनः । बाष्पोपहतया वाचा नोच्चैः शक्नोति भाषितुम् ॥
बाष्पवेगं तु सहसा नदीवेगम् इवागतम् । धारयाम् आस धैर्येण सुग्रीवो रामसंनिधौ ॥
संनिगृह्य तु तं बाष्पं प्रमृज्य नयने शुभे । विनिःश्वस्य च तेजस्वी राघवं पुनर् अब्रवीत् ॥
पुराहं वलिना राम राज्यात् स्वाद् अवरोपितः । परुषाणि च संश्राव्य निर्धूतो ऽस्मि बलीयसा ॥
हृता भार्या च मे तेन प्राणेभ्यो ऽपि गरीयसी । सुहृदश् च मदीया ये संयता बन्धनेषु ते ॥
यत्नवांश् च सुदुष्टात्मा मद् विनाशाय राघव । बहुशस् तत् प्रयुक्ताश् च वानरा निहता मया ॥
शङ्कया त्व् एतया चाहं दृष्ट्वा त्वाम् अपि राघव । नोपसर्पाम्य् अहं भीतो भये सर्वे हि बिभ्यति ॥
केवलं हि सहाया मे हनुमत् प्रमुखास् त्व् इमे । अतो ऽहं धारयाम्य् अद्य प्राणान् कृच्छ्र गतो ऽपि सन् ॥
एते हि कपयः स्निग्धा मां रक्षन्ति समन्ततः । सह गच्छन्ति गन्तव्ये नित्यं तिष्ठन्ति च स्थिते ॥
संक्षेपस् त्व् एष मे राम किम् उक्त्वा विस्तरं हि ते । स मे ज्येष्ठो रिपुर् भ्राता वाली विश्रुतपौरुषः ॥
तद्विनाशाद् धि मे दुःखं प्रनष्टं स्याद् अनन्तरम् । सुखं मे जीवितं चैव तद्विनाशनिबन्धनम् ॥
एष मे राम शोकान्तः शोकार्तेन निवेदितः । दुःखितो ऽदुःखितो वापि सख्युर् नित्यं सखा गतिः ॥
rāmaśokābhibhūto 'haṃ śokārtānāṃ bhavān gatiḥ | vayasya iti kṛtvā hi tvayy ahaṃ paridevaye ||
tvaṃ hi pāṇipradānena vayasyo so 'gnisākṣikaḥ | kṛtaḥ prāṇair bahumataḥ satyenāpi śapāmy aham ||
vayasya iti kṛtvā ca visrabdhaṃ pravadāmy aham | duḥkham antargataṃ yan me mano dahati nityaśaḥ ||
etāvad uktvā vacanaṃ bāṣpadūṣitalocanaḥ | bāṣpopahatayā vācā noccaiḥ śaknoti bhāṣitum ||
bāṣpavegaṃ tu sahasā nadīvegam ivāgatam | dhārayām āsa dhairyeṇa sugrīvo rāmasaṃnidhau ||
saṃnigṛhya tu taṃ bāṣpaṃ pramṛjya nayane śubhe | viniḥśvasya ca tejasvī rāghavaṃ punar abravīt ||
purāhaṃ valinā rāma rājyāt svād avaropitaḥ | paruṣāṇi ca saṃśrāvya nirdhūto 'smi balīyasā ||
hṛtā bhāryā ca me tena prāṇebhyo 'pi garīyasī | suhṛdaś ca madīyā ye saṃyatā bandhaneṣu te ||
yatnavāṃś ca suduṣṭātmā mad vināśāya rāghava | bahuśas tat prayuktāś ca vānarā nihatā mayā ||
śaṅkayā tv etayā cāhaṃ dṛṣṭvā tvām api rāghava | nopasarpāmy ahaṃ bhīto bhaye sarve hi bibhyati ||
kevalaṃ hi sahāyā me hanumat pramukhās tv ime | ato 'haṃ dhārayāmy adya prāṇān kṛcchra gato 'pi san ||
ete hi kapayaḥ snigdhā māṃ rakṣanti samantataḥ | saha gacchanti gantavye nityaṃ tiṣṭhanti ca sthite ||
saṃkṣepas tv eṣa me rāma kim uktvā vistaraṃ hi te | sa me jyeṣṭho ripur bhrātā vālī viśrutapauruṣaḥ ||
tadvināśād dhi me duḥkhaṃ pranaṣṭaṃ syād anantaram | sukhaṃ me jīvitaṃ caiva tadvināśanibandhanam ||
eṣa me rāma śokāntaḥ śokārtena niveditaḥ | duḥkhito 'duḥkhito vāpi sakhyur nityaṃ sakhā gatiḥ ||
Сугрива сказал: «Рама, я побеждён скорбью, а ты — прибежище для скорбящих. Считая тебя другом, я жалуюсь тебе. Ты поданием руки стал моим другом перед огнём-свидетелем; клянусь истиной, ты дорог мне больше жизни. Сделав тебя другом, я доверительно говорю о боли, которая вошла внутрь и постоянно сжигает мой ум». Сказав это, Сугрива, глаза которого омрачили слёзы, уже не мог говорить громко: голос его был разбит слезами. Но поток слёз, внезапно пришедший, словно поток реки, он удержал стойкостью в присутствии Рамы. Сдержав слёзы, вытерев прекрасные глаза и вздохнув, блистательный Сугрива снова сказал Рагхаве: «Прежде, Рама, Вали низверг меня с моего царства, заставил услышать грубые слова и, будучи сильнее, изгнал меня. Он отнял мою жену, которая дороже мне самой жизни, а моих друзей заковал в оковы. Этот крайне злодушный прилагает усилия, чтобы погубить меня, Рагхава; много раз он посылал ванаров, и я убивал их. Именно из-за такого подозрения я, увидев даже тебя, Рагхава, не приблизился, потому что в страхе все боятся. Мои единственные помощники — эти обезьяны во главе с Хануманом; благодаря им я сегодня ещё удерживаю жизнь, хотя и попал в беду. Эти любящие обезьяны защищают меня со всех сторон: когда надо идти, они идут со мной, а когда я стою, они всегда стоят рядом. Коротко говоря, Рама, зачем мне рассказывать тебе подробно? Мой старший брат Вали, прославленный силой, стал моим врагом. С его гибелью моя скорбь сразу исчезла бы; моё счастье и сама жизнь зависят от его уничтожения. Вот конец моей скорби, Рама, о котором я, страдающий, сообщил тебе. Страдает друг или нет, друг всегда остаётся прибежищем для друга».
31ec98a9b80a · 发布于 2026年6月22日 00:00:00 UTC
可用语言RU用方向键翻颂
Теперь Сугрива раскрывает то, что стоит за его страхом: потеря царства, жены, друзей и постоянная угроза смерти. Его просьба к Раме — не жажда мести сама по себе, а просьба вернуть возможность жить без страха.