ततः शरेणाभिहतो रामेण रणकर्कशः । पपात सहसा वाली निकृत्त इव पादपः ॥
स भूमौ न्यस्तसर्वाङ्गस् तप्तकाञ्चनभूषणः । अपतद् देवराजस्य मुक्तरश्मिर् इव ध्वजः ॥
तस्मिन् निपतिते भूमौ हर्यृषाणां गणेश्वरे । नष्टचन्द्रम् इव व्योम न व्यराजत भूतलम् ॥
भूमौ निपतितस्यापि तस्य देहं महात्मनः । न श्रीर् जहाति न प्राणा न तेजो न पराक्रमः ॥
शक्रदत्ता वरा माला काञ्चनी रत्नभूषिता । दधार हरिमुख्यस्य प्राणांस् तेजः श्रियं च सा ॥
स तया मालया वीरो हैमया हरियूथपः । संध्यानुगतपर्यन्तः पयोधर इवाभवत् ॥
तस्य माला च देहश् च मर्मघाती च यः शरः । त्रिधेव रचिता लक्ष्मीः पतितस्यापि शोभते ॥
तद् अस्त्रं तस्य वीरस्य स्वर्गमार्गप्रभावनम् । रामबाणासनक्षिप्तम् आवहत् परमां गतिम् ॥
tataḥ śareṇābhihato rāmeṇa raṇakarkaśaḥ | papāta sahasā vālī nikṛtta iva pādapaḥ ||
sa bhūmau nyastasarvāṅgas taptakāñcanabhūṣaṇaḥ | apatad devarājasya muktaraśmir iva dhvajaḥ ||
tasmin nipatite bhūmau haryṛṣāṇāṃ gaṇeśvare | naṣṭacandram iva vyoma na vyarājata bhūtalam ||
bhūmau nipatitasyāpi tasya dehaṃ mahātmanaḥ | na śrīr jahāti na prāṇā na tejo na parākramaḥ ||
śakradattā varā mālā kāñcanī ratnabhūṣitā | dadhāra harimukhyasya prāṇāṃs tejaḥ śriyaṃ ca sā ||
sa tayā mālayā vīro haimayā hariyūthapaḥ | saṃdhyānugataparyantaḥ payodhara ivābhavat ||
tasya mālā ca dehaś ca marmaghātī ca yaḥ śaraḥ | tridheva racitā lakṣmīḥ patitasyāpi śobhate ||
tad astraṃ tasya vīrasya svargamārgaprabhāvanam | rāmabāṇāsanakṣiptam āvahat paramāṃ gatim ||
Поражённый стрелой Рамы, суровый в битве Вали внезапно упал, как срубленное дерево. Украшенный золотом, похожим на раскалённое, он лёг всеми членами на землю и рухнул, словно флаг царя богов с распущенными лучами. Когда владыка сонмов обезьян пал на землю, сама земля перестала сиять, словно небо без луны. Но даже у упавшего на землю великодушного Вали красота, жизнь, сияние и доблесть не оставляли тела. Лучшая гирлянда, данная Шакрой, золотая и украшенная драгоценностями, поддерживала жизнь, сияние и красоту главного ванары. С этой золотой гирляндой герой, предводитель обезьян, стал подобен облаку, края которого окрашены сумерками. Его гирлянда, тело и стрела, поразившая жизненное место, вместе сияли как трояко составленная красота даже у падшего. То оружие, выпущенное из лука Рамы, открыло герою путь на небо и принесло ему высшую участь.
c8e8be13de84 · 发布于 2026年6月22日 00:00:00 UTC
可用语言RU用方向键翻颂
Падение Вали показано не как унижение слабого, а как конец великой, но сбившейся с дхармы силы. Даже поражённый, он сохраняет царственное сияние; наказание Рамы не стирает достоинство души, но пресекает неправедное могущество.