यत्र तिष्ठति धर्मात्मा तपसा स्वेन भावितः । मेरुसावर्णिर् इत्य् एव ख्यातो वै ब्रह्मणा समः ॥
प्रष्टव्यो मेरुसावर्णिर् महर्षिः सूर्यसंनिभः । प्रणम्य शिरसा भूमौ प्रवृत्तिं मैथिलीं प्रति ॥
एतावज् जीवलोकस्य भास्करो रजनीक्षये । कृत्वा वितिमिरं सर्वम् अस्तं गच्छति पर्वतम् ॥
एतावद् वानरैः शक्यं गन्तुं वानरपुंगवाः । अभास्करम् अमर्यादं न जानीमस् ततः परम् ॥
अधिगम्य तु वैदेहीं निलयं रावणस्य च । अस्तं पर्वतम् आसाद्य पूर्णे मासे निवर्तत ॥
ऊर्ध्वं मासान् न वस्तव्यं वसन् वध्यो भवेन् मम । सहैव शूरो युष्माभिः श्वशुरो मे गमिष्यति ॥
श्रोतव्यं सर्वम् एतस्य भवद्भिर् दिष्ट कारिभिः । गुरुर् एष महाबाहुः श्वशुरो मे महाबलः ॥
भवन्तश् चापि विक्रान्ताः प्रमाणं सर्वकर्मसु । प्रमाणम् एनं संस्थाप्य पश्यध्वं पश्चिमां दिशम् ॥
दृष्टायां तु नरेन्द्रस्या पत्न्याम् अमिततेजसः । कृतकृत्या भविष्यामः कृतस्य प्रतिकर्मणा ॥
अतो ऽन्यद् अपि यत् किं चित् कार्यस्यास्य हितं भवेत् । संप्रधार्य भवद्भिश् च देशकालार्थसंहितम् ॥
ततः सुषेण प्रमुखाः प्लवंगमाः; सुग्रीववाक्यं निपुणं निशम्य । आमन्त्र्य सर्वे प्लवगाधिपं ते; जग्मुर् दिशं तां वरुणाभिगुप्ताम् ॥
yatra tiṣṭhati dharmātmā tapasā svena bhāvitaḥ | merusāvarṇir ity eva khyāto vai brahmaṇā samaḥ ||
praṣṭavyo merusāvarṇir maharṣiḥ sūryasaṃnibhaḥ | praṇamya śirasā bhūmau pravṛttiṃ maithilīṃ prati ||
etāvaj jīvalokasya bhāskaro rajanīkṣaye | kṛtvā vitimiraṃ sarvam astaṃ gacchati parvatam ||
etāvad vānaraiḥ śakyaṃ gantuṃ vānarapuṃgavāḥ | abhāskaram amaryādaṃ na jānīmas tataḥ param ||
adhigamya tu vaidehīṃ nilayaṃ rāvaṇasya ca | astaṃ parvatam āsādya pūrṇe māse nivartata ||
ūrdhvaṃ māsān na vastavyaṃ vasan vadhyo bhaven mama | sahaiva śūro yuṣmābhiḥ śvaśuro me gamiṣyati ||
śrotavyaṃ sarvam etasya bhavadbhir diṣṭa kāribhiḥ | gurur eṣa mahābāhuḥ śvaśuro me mahābalaḥ ||
bhavantaś cāpi vikrāntāḥ pramāṇaṃ sarvakarmasu | pramāṇam enaṃ saṃsthāpya paśyadhvaṃ paścimāṃ diśam ||
dṛṣṭāyāṃ tu narendrasyā patnyām amitatejasaḥ | kṛtakṛtyā bhaviṣyāmaḥ kṛtasya pratikarmaṇā ||
ato 'nyad api yat kiṃ cit kāryasyāsya hitaṃ bhavet | saṃpradhārya bhavadbhiś ca deśakālārthasaṃhitam ||
tataḥ suṣeṇa pramukhāḥ plavaṃgamāḥ; sugrīvavākyaṃ nipuṇaṃ niśamya | āmantrya sarve plavagādhipaṃ te; jagmur diśaṃ tāṃ varuṇābhiguptām ||
«Там пребывает праведнодушный Мерусаварни, очищенный своим подвигом, известный как равный Брахме. Поклонившись головой до земли, спросите великого риши Мерусаварни, подобного солнцу, о вестях относительно Майтхили. До этого места Солнце, в конце ночи сделав весь мир живых свободным от тьмы, идёт к горе заката. О лучшие ванары, до этого места ванары могут идти; дальше область без солнца и без границы, и мы её не знаем. Найдя Вайдехи и жилище Раваны, достигнув Аста-горы, возвращайтесь по завершении месяца. Сверх месяца оставаться нельзя: кто останется, для меня будет достоин смерти. Вместе с вами пойдёт мой тесть, великосильный и великорукий герой. Вы, исполняющие указание, должны слушать всё, что он скажет: он старший и мой тесть. Вы также доблестны и являетесь мерилом во всех делах; утвердив его как мерило, осматривайте западную сторону. Когда будет увидена супруга царя неизмеримого сияния, мы станем исполнившими дело, воздав за сделанное. И всё другое, что может быть полезно для этого дела, связанное со страной, временем и пользой, вы также должны обдумывать». Тогда прыгуны во главе с Сушеной, внимательно выслушав точное слово Сугривы, попрощались с владыкой прыгунов и пошли в ту сторону, охраняемую Варуной.
0aed66d4cd33 · 发布于 2026年6月22日 00:00:00 UTC
可用语言RU用方向键翻颂
Сугрива завершает западный приказ двумя принципами: сроком и авторитетом. Отряд должен действовать самостоятельно, но под руководством старшего, учитывая место, время и пользу дела Рамы.