तासु चैव प्रसुप्तासु सीता भर्तृहिते रता । विलप्य करुणं दीना प्रशुशोच सुदुःखिता ॥
तां चाहं तादृशीं दृष्ट्वा सीताया दारुणां दशाम् । चिन्तयाम् आस विश्रान्तो न च मे निर्वृतं मनः ॥
संभाषणार्थे च मया जानक्याश् चिन्तितो विधिः । इक्ष्वाकुकुलवंशस् तु ततो मम पुरस्कृतः ॥
श्रुत्वा तु गदितां वाचं राजर्षिगणपूजिताम् । प्रत्यभाषत मां देवी बाष्पैः पिहितलोचना ॥
कस् त्वं केन कथं चेह प्राप्तो वानरपुंगव । का च रामेण ते प्रीतिस् तन् मे शंसितुम् अर्हसि ॥
तस्यास् तद्वचनं श्रुत्वा अहम् अप्य् अब्रुवं वचः । देवि रामस्य भर्तुस् ते सहायो भीमविक्रमः । सुग्रीवो नाम विक्रान्तो वानरेन्दो महाबलः ॥
तस्य मां विद्धि भृत्यं त्वं हनूमन्तम् इहागतम् । भर्त्राहं प्रहितस् तुभ्यं रामेणाक्लिष्टकर्मणा ॥
इदं च पुरुषव्याघ्रः श्रीमान् दाशरथिः स्वयम् । अङ्गुलीयम् अभिज्ञानम् अदात् तुभ्यं यशस्विनि ॥
तद् इच्छामि त्वयाज्ञप्तं देवि किं करवाण्य् अहम् । रामलक्ष्मणयोः पार्श्वं नयामि त्वां किम् उत्तरम् ॥
एतच् छ्रुत्वा विदित्वा च सीता जनकनन्दिनी । आह रावणम् उत्साद्य राघवो मां नयत्व् इति ॥
प्रणम्य शिरसा देवीम् अहम् आर्याम् अनिन्दिताम् । राघवस्य मनोह्लादम् अभिज्ञानम् अयाचिषम् ॥
एवम् उक्ता वरारोहा मणिप्रवरम् उत्तमम् । प्रायच्छत् परमोद्विग्ना वाचा मां संदिदेश ह ॥
ततस् तस्यै प्रणम्याहं राजपुत्र्यै समाहितः । प्रदक्षिणं परिक्रामम् इहाभ्युद्गतमानसः ॥
उत्तरं पुनर् एवाह निश्चित्य मनसा तदा । हनूमन् मम वृत्तान्तं वक्तुम् अर्हसि राघवे ॥
यथा श्रुत्वैव नचिरात् ताव् उभौ रामलक्ष्मणौ । सुग्रीवसहितौ वीराव् उपेयातां तथा कुरु ॥
यद्य् अन्यथा भवेद् एतद् द्वौ मासौ जीवितं मम । न मां द्रक्ष्यति काकुत्स्थो म्रिये साहम् अनाथवत् ॥
tāsu caiva prasuptāsu sītā bhartṛhite ratā | vilapya karuṇaṃ dīnā praśuśoca suduḥkhitā ||
tāṃ cāhaṃ tādṛśīṃ dṛṣṭvā sītāyā dāruṇāṃ daśām | cintayām āsa viśrānto na ca me nirvṛtaṃ manaḥ ||
saṃbhāṣaṇārthe ca mayā jānakyāś cintito vidhiḥ | ikṣvākukulavaṃśas tu tato mama puraskṛtaḥ ||
śrutvā tu gaditāṃ vācaṃ rājarṣigaṇapūjitām | pratyabhāṣata māṃ devī bāṣpaiḥ pihitalocanā ||
kas tvaṃ kena kathaṃ ceha prāpto vānarapuṃgava | kā ca rāmeṇa te prītis tan me śaṃsitum arhasi ||
tasyās tadvacanaṃ śrutvā aham apy abruvaṃ vacaḥ | devi rāmasya bhartus te sahāyo bhīmavikramaḥ | sugrīvo nāma vikrānto vānarendo mahābalaḥ ||
tasya māṃ viddhi bhṛtyaṃ tvaṃ hanūmantam ihāgatam | bhartrāhaṃ prahitas tubhyaṃ rāmeṇākliṣṭakarmaṇā ||
idaṃ ca puruṣavyāghraḥ śrīmān dāśarathiḥ svayam | aṅgulīyam abhijñānam adāt tubhyaṃ yaśasvini ||
tad icchāmi tvayājñaptaṃ devi kiṃ karavāṇy aham | rāmalakṣmaṇayoḥ pārśvaṃ nayāmi tvāṃ kim uttaram ||
etac chrutvā viditvā ca sītā janakanandinī | āha rāvaṇam utsādya rāghavo māṃ nayatv iti ||
praṇamya śirasā devīm aham āryām aninditām | rāghavasya manohlādam abhijñānam ayāciṣam ||
evam uktā varārohā maṇipravaram uttamam | prāyacchat paramodvignā vācā māṃ saṃdideśa ha ||
tatas tasyai praṇamyāhaṃ rājaputryai samāhitaḥ | pradakṣiṇaṃ parikrāmam ihābhyudgatamānasaḥ ||
uttaraṃ punar evāha niścitya manasā tadā | hanūman mama vṛttāntaṃ vaktum arhasi rāghave ||
yathā śrutvaiva nacirāt tāv ubhau rāmalakṣmaṇau | sugrīvasahitau vīrāv upeyātāṃ tathā kuru ||
yady anyathā bhaved etad dvau māsau jīvitaṃ mama | na māṃ drakṣyati kākutstho mriye sāham anāthavat ||
«Когда ракшаси уснули, Сита, преданная благу мужа, несчастная и очень страдающая, горестно оплакивала свою судьбу. Увидев её в таком страшном состоянии, я, затаившись, стал размышлять, и сердце моё не было спокойно. Ради разговора с Джанаки я обдумал способ и сначала поставил впереди речь о роде Икшваку. Услышав речь, почитаемую сонмами царственных риши, богиня ответила мне со слезами, закрывшими глаза: “Кто ты? Кем и как ты пришёл сюда, о лучший ванара? Какая у тебя связь с Рамой? Ты должен рассказать мне это”. Услышав её слова, я сказал: “О богиня, у Рамы, твоего мужа, есть союзник страшной доблести — доблестный и великосильный царь ванаров по имени Сугрива. Знай меня как его слугу Ханумана, пришедшего сюда. Я послан к тебе твоим мужем, неутомимым Рамой. А это кольцо как знак узнавания сам славный сын Дашаратхи, тигр среди людей, дал тебе, о славная. Поэтому я желаю исполнить твой приказ: что мне сделать, о богиня? Отвести ли тебя к Раме и Лакшмане? Что ещё?” Услышав и поняв это, Сита, радость Джанаки, сказала: “Пусть Рагхава уничтожит Равану и сам уведёт меня”. Поклонившись головой благородной безупречной богине, я попросил знак узнавания, который обрадует сердце Рагхавы. Прекраснобёдрая, крайне встревоженная, дала мне лучший драгоценный камень и поручила мне словами. Затем я поклонился царской дочери, сосредоточенно обошёл её справа и с поднятым духом приготовился уходить. Тогда она, решив умом, снова сказала: “О Хануман, ты должен рассказать Рагхаве о моём положении. Сделай так, чтобы, только услышав, оба героя, Рама и Лакшмана, вместе с Сугривой пришли без промедления. Если будет иначе, моя жизнь — только два месяца; Какутстха меня не увидит, я умру как беззащитная”».
fcae2ee94038 · 发布于 2026年6月22日 00:00:00 UTC
可用语言RU用方向键翻颂
Разговор Ханумана с Ситой строится на доверии: род Икшваку, имя Рамы, союз с Сугривой, кольцо и ответный знак. Сита снова направляет всё к Раме: не тайный побег, а победа Господа над Раваной должна вернуть её.