एतत् तु वचनं श्रुत्वा सुग्रीवो लघुविक्रमः । लक्ष्मणस्याग्रतो रामं संरब्धम् इदम् अब्रवीत् ॥
रावणस्यानुजो भ्राता विभीषण इति श्रुतः । चतुर्भिः सह रक्षोभिर् भवन्तं शरणं गतः ॥
रावणेन प्रणिहितं तम् अवेहि विभीषणम् । तस्याहं निग्रहं मन्ये क्षमं क्षमवतां वर ॥
राक्षसो जिह्मया बुद्ध्या संदिष्टो ऽयम् उपस्थितः । प्रहर्तुं मायया छन्नो विश्वस्ते त्वयि राघव ॥
बध्यताम् एष तीव्रेण दण्डेन सचिवैः सह । रावणस्य नृशंसस्य भ्राता ह्य् एष विभीषणः ॥
एवम् उक्त्वा तु तं रामं संरब्धो वाहिनीपतिः । वाक्यज्ञो वाक्यकुशलं ततो मौनम् उपागमत् ॥
सुग्रीवस्य तु तद् वाक्यं श्रुत्वा रामो महाबलः । समीपस्थान् उवाचेदं हनूमत्प्रमुखान् हरीन् ॥
यद् उक्तं कपिराजेन रावणावरजं प्रति । वाक्यं हेतुमद् अत्यर्थं भवद्भिर् अपि तच् छ्रुतम् ॥
सुहृदा ह्य् अर्थकृच्छेषु युक्तं बुद्धिमता सता । समर्थेनापि संदेष्टुं शाश्वतीं भूतिम् इच्छता ॥
इत्य् एवं परिपृष्टास् ते स्वं स्वं मतम् अतन्द्रिताः । सोपचारं तदा रामम् ऊचुर् हितचिकीर्षवः ॥
etat tu vacanaṃ śrutvā sugrīvo laghuvikramaḥ | lakṣmaṇasyāgrato rāmaṃ saṃrabdham idam abravīt ||
rāvaṇasyānujo bhrātā vibhīṣaṇa iti śrutaḥ | caturbhiḥ saha rakṣobhir bhavantaṃ śaraṇaṃ gataḥ ||
rāvaṇena praṇihitaṃ tam avehi vibhīṣaṇam | tasyāhaṃ nigrahaṃ manye kṣamaṃ kṣamavatāṃ vara ||
rākṣaso jihmayā buddhyā saṃdiṣṭo 'yam upasthitaḥ | prahartuṃ māyayā channo viśvaste tvayi rāghava ||
badhyatām eṣa tīvreṇa daṇḍena sacivaiḥ saha | rāvaṇasya nṛśaṃsasya bhrātā hy eṣa vibhīṣaṇaḥ ||
evam uktvā tu taṃ rāmaṃ saṃrabdho vāhinīpatiḥ | vākyajño vākyakuśalaṃ tato maunam upāgamat ||
sugrīvasya tu tad vākyaṃ śrutvā rāmo mahābalaḥ | samīpasthān uvācedaṃ hanūmatpramukhān harīn ||
yad uktaṃ kapirājena rāvaṇāvarajaṃ prati | vākyaṃ hetumad atyarthaṃ bhavadbhir api tac chrutam ||
suhṛdā hy arthakṛccheṣu yuktaṃ buddhimatā satā | samarthenāpi saṃdeṣṭuṃ śāśvatīṃ bhūtim icchatā ||
ity evaṃ paripṛṣṭās te svaṃ svaṃ matam atandritāḥ | sopacāraṃ tadā rāmam ūcur hitacikīrṣavaḥ ||
Услышав это слово, Сугрива быстрого подвига встревоженно сказал Раме перед Лакшманой: «Известный как Вибхишана, младший брат Раваны, пришёл к тебе за прибежищем вместе с четырьмя ракшасами. Считай этого Вибхишану подосланным Раваной. О лучший из терпеливых, я считаю подходящим задержать и наказать его. Этот ракшас с кривым разумом послан и явился сюда, чтобы, скрывшись обманом, ударить, когда ты доверишься, о Рагхава. Пусть он будет связан суровым наказанием вместе со своими советниками, ведь этот Вибхишана — брат жестокого Раваны». Сказав так Раме, встревоженный владыка войска, знающий речь, замолчал перед искусным в речи. Услышав эти слова Сугривы, великосильный Рама сказал стоящим рядом хари во главе с Хануманом: «Вы тоже слышали слово царя капи о младшем брате Раваны; оно весьма обоснованно. В трудных делах разумному, доброму и способному другу, желающему постоянного блага, подобает советовать». Так расспрошенные Рамой, внимательные и желающие блага, они тогда почтительно высказали свои мнения.
9dc798a20948 · 发布于 2026年6月22日 00:00:00 UTC
可用语言RU用方向键翻颂
Сугрива говорит как военный союзник: безопасность Рамы для него выше доверчивости. Рама не отвергает эту осторожность, но превращает её в настоящий совет, где каждый должен высказать разумное мнение.