तांस् तु ते ऽहं प्रवक्ष्यामि प्रेक्षमाणस्य यूथपान् । राघवार्थे पराक्रान्ता ये न रक्षन्ति जीवितम् ॥
स्निग्धा यस्य बहुश्यामा बाला लाङ्गूलम् आश्रिताः । ताम्राः पीताः सिताः श्वेताः प्रकीर्णा घोरकर्मणः ॥
प्रगृहीताः प्रकाशन्ते सूर्यस्येव मरीचयः । पृथिव्यां चानुकृष्यन्ते हरो नामैष यूथपः ॥
यं पृष्ठतो ऽनुगच्छन्ति शतशो ऽथ सहस्रशः । द्रुमान् उद्यम्य सहिता लङ्कारोहणतत्पराः ॥
एष कोटीसहस्रेण वानराणां महौजसाम् । आकाङ्क्षते त्वां संग्रामे जेतुं परपुरंजय ॥
नीलान् इव महामेघांस् तिष्ठतो यांस् तु पश्यसि । असिताञ् जनसंकाशान् युद्धे सत्यपराक्रमान् ॥
नखदंष्ट्रायुधान् वीरांस् तीक्ष्णकोपान् भयावहान् । असंख्येयान् अनिर्देश्यान् परं पारम् इवोदधेः ॥
पर्वतेषु च ये के चिद् विषमेषु नदीषु च । एते त्वाम् अभिवर्तन्ते राजन्न् ऋष्काः सुदारुणाः ॥
एषां मध्ये स्थितो राजन् भीमाक्षो भीमदर्शनः । पर्जन्य इव जीमूतैः समन्तात् परिवारितः ॥
ऋक्षवन्तं गिरिश्रेष्ठम् अध्यास्ते नर्मदां पिबन् । सर्वर्क्षाणाम् अधिपतिर् धूम्रो नामैष यूथपः ॥
tāṃs tu te 'haṃ pravakṣyāmi prekṣamāṇasya yūthapān | rāghavārthe parākrāntā ye na rakṣanti jīvitam ||
snigdhā yasya bahuśyāmā bālā lāṅgūlam āśritāḥ | tāmrāḥ pītāḥ sitāḥ śvetāḥ prakīrṇā ghorakarmaṇaḥ ||
pragṛhītāḥ prakāśante sūryasyeva marīcayaḥ | pṛthivyāṃ cānukṛṣyante haro nāmaiṣa yūthapaḥ ||
yaṃ pṛṣṭhato 'nugacchanti śataśo 'tha sahasraśaḥ | drumān udyamya sahitā laṅkārohaṇatatparāḥ ||
eṣa koṭīsahasreṇa vānarāṇāṃ mahaujasām | ākāṅkṣate tvāṃ saṃgrāme jetuṃ parapuraṃjaya ||
nīlān iva mahāmeghāṃs tiṣṭhato yāṃs tu paśyasi | asitāñ janasaṃkāśān yuddhe satyaparākramān ||
nakhadaṃṣṭrāyudhān vīrāṃs tīkṣṇakopān bhayāvahān | asaṃkhyeyān anirdeśyān paraṃ pāram ivodadheḥ ||
parvateṣu ca ye ke cid viṣameṣu nadīṣu ca | ete tvām abhivartante rājann ṛṣkāḥ sudāruṇāḥ ||
eṣāṃ madhye sthito rājan bhīmākṣo bhīmadarśanaḥ | parjanya iva jīmūtaiḥ samantāt parivāritaḥ ||
ṛkṣavantaṃ giriśreṣṭham adhyāste narmadāṃ piban | sarvarkṣāṇām adhipatir dhūmro nāmaiṣa yūthapaḥ ||
«Я назову тебе, пока ты смотришь, тех предводителей отрядов, которые доблестно выступили ради дела Рагхавы и не берегут своей жизни. У этого страшного в делах предводителя волосы на хвосте гладкие, многие тёмные, но также медные, жёлтые, светлые и белые; поднятые, они сияют как лучи солнца и волочатся по земле. Это предводитель отряда по имени Хара. За ним сзади сотнями и тысячами следуют ванары, вместе подняв деревья и стремясь взойти на Ланку. О покоритель вражеских городов, он с тысячей коти великомощных ванар желает победить тебя в битве. А тех, кого ты видишь стоящими словно тёмные великие тучи, чёрных, огромных, истинно доблестных в битве, героев с когтями и клыками как оружием, с острым гневом, несущих страх, несчётных и неописуемых, словно дальний берег океана, — это очень страшные медведи. Какие бы ни жили в горах, трудных местах и у рек, все они наступают на тебя, о царь. Среди них, о царь, стоит повелитель всех медведей, предводитель по имени Дхумра: со страшными глазами, страшный видом, окружённый со всех сторон словно грозовая туча облаками. Он обитает на лучшей горе Рикшавант и пьёт воды Нармады».
33948cfef20e · 发布于 2026年6月22日 00:00:00 UTC
可用语言RU用方向键翻颂
Сарана показывает Раване не только ванар, но и медведей, собранных ради Рамы. Силы леса, гор и рек становятся частью одного правого движения.