ततः क्रोधाद् दशग्रीवः शरान् संधाय वीर्यवान् । मुमोच ध्वजम् उद्दिश्य राघवस्य रथे स्थितम् ॥
ते शरास् तम् अनासाद्य पुरंदररथध्वजम् । रक्तशक्तिं परामृश्य निपेतुर् धरणीतले ॥
ततो रामो ऽभिसंक्रुद्धश् चापम् आयम्य वीर्यवान् । कृतप्रतिकृतं कर्तुं मनसा संप्रचक्रमे ॥
रावणध्वजम् उद्दिश्य मुमोच निशितं शरम् । महासर्पम् इवासह्यं ज्वलन्तं स्वेन तेजसा ॥
जगाम स महीं भित्त्वा दशग्रीवध्वजं शरः । स निकृत्तो ऽपतद् भूमौ रावणस्य रथध्वजः ॥
ध्वजस्योन्मथनं दृष्ट्वा रावणः सुमहाबलः । क्रोधजेनाग्निना संख्ये प्रदीप्त इव चाभवत् ॥
स रोषवशम् आपन्नः शरवर्षं महद् वमन् । रामस्य तुरगान् दिव्याञ् शरैर् विव्याध रावणः ॥
ते विद्धा हरयस् तस्य नास्खलन् नापि बभ्रमुः । बभूवुः स्वस्थहृदयाः पद्मनालैर् इवाहताः ॥
तेषाम् असंभ्रमं दृष्ट्वा वाजिनां रावणस् तदा । भूय एव सुसंक्रुद्धः शरवर्षं मुमोच ह ॥
tataḥ krodhād daśagrīvaḥ śarān saṃdhāya vīryavān | mumoca dhvajam uddiśya rāghavasya rathe sthitam ||
te śarās tam anāsādya puraṃdararathadhvajam | raktaśaktiṃ parāmṛśya nipetur dharaṇītale ||
tato rāmo 'bhisaṃkruddhaś cāpam āyamya vīryavān | kṛtapratikṛtaṃ kartuṃ manasā saṃpracakrame ||
rāvaṇadhvajam uddiśya mumoca niśitaṃ śaram | mahāsarpam ivāsahyaṃ jvalantaṃ svena tejasā ||
jagāma sa mahīṃ bhittvā daśagrīvadhvajaṃ śaraḥ | sa nikṛtto 'patad bhūmau rāvaṇasya rathadhvajaḥ ||
dhvajasyonmathanaṃ dṛṣṭvā rāvaṇaḥ sumahābalaḥ | krodhajenāgninā saṃkhye pradīpta iva cābhavat ||
sa roṣavaśam āpannaḥ śaravarṣaṃ mahad vaman | rāmasya turagān divyāñ śarair vivyādha rāvaṇaḥ ||
te viddhā harayas tasya nāskhalan nāpi babhramuḥ | babhūvuḥ svasthahṛdayāḥ padmanālair ivāhatāḥ ||
teṣām asaṃbhramaṃ dṛṣṭvā vājināṃ rāvaṇas tadā | bhūya eva susaṃkruddhaḥ śaravarṣaṃ mumoca ha ||
Затем доблестный Десятишеий от гнева наложил стрелы и выпустил их, целясь в знамя, стоявшее на колеснице Рагхавы. Но эти стрелы не достигли знамени колесницы Пурандары: коснувшись красной шакти, они упали на землю. Тогда доблестный Рама, сильно разгневанный, натянул лук и мысленно решил ответить на сделанное тем же. Целясь в знамя Раваны, он выпустил острую стрелу, невыносимую как великая змея и пылающую собственным блеском. Эта стрела пробила землю и достигла знамени Десятишеего; колесничное знамя Раваны, отсечённое, упало на землю. Увидев уничтожение знамени, очень сильный Равана в битве словно запылал огнём, рождённым гневом. Попав во власть ярости, Равана, изрыгая великий дождь стрел, пронзил божественных коней Рамы. Но эти рыжие кони, хотя и были пронзены, не споткнулись и не дрогнули; они оставались спокойными, словно их ударили стеблями лотоса. Увидев невозмутимость коней, Равана снова сильно разгневался и выпустил дождь стрел.
6d6613e0cd8f · 发布于 2026年6月22日 00:00:00 UTC
可用语言RU用方向键翻颂
Удар по знамени становится ударом по гордыне. Даже кони Рамы отвечают на ярость Раваны спокойствием: его стрелы уже не производят того внутреннего сотрясения, на которое он рассчитывает.