भरतस्य वचः श्रुत्वा रामः परपुरंजयः । तथेति प्रतिजग्राह निषसादासने शुभे ॥
ततः शत्रुघ्नवचनान् निपुणाः श्मश्रुवर्धकाः । सुखहस्ताः सुशीघ्राश् च राघवं पर्युपासत ॥
पूर्वं तु भरते स्नाते लक्ष्मणे च महाबले । सुग्रीवे वानरेन्द्रे च राक्षसेन्द्रे विभीषणे ॥
विशोधितजटः स्नातश् चित्रमाल्यानुलेपनः । महार्हवसनोपेतस् तस्थौ तत्र श्रिया ज्वलन् ॥
प्रतिकर्म च रामस्य कारयाम् आस वीर्यवान् । लक्ष्मणस्य च लक्ष्मीवान् इक्ष्वाकुकुलवर्धनः ॥
प्रतिकर्म च सीतायाः सर्वा दशरथस्त्रियः । आत्मनैव तदा चक्रुर् मनस्विन्यो मनोहरम् ॥
ततो राघवपत्नीनां सर्वासाम् एव शोभनम् । चकार यत्नात् कौसल्या प्रहृष्टा पुत्रवत्सला ॥
ततः शत्रुघ्नवचनात् सुमन्त्रो नाम सारथिः । योजयित्वाभिचक्राम रथं सर्वाङ्गशोभनम् ॥
अर्कमण्डलसंकाशं दिव्यं दृष्ट्वा रथं स्थितम् । आरुरोह महाबाहू रामः सत्यपराक्रमः ॥
bharatasya vacaḥ śrutvā rāmaḥ parapuraṃjayaḥ | tatheti pratijagrāha niṣasādāsane śubhe ||
tataḥ śatrughnavacanān nipuṇāḥ śmaśruvardhakāḥ | sukhahastāḥ suśīghrāś ca rāghavaṃ paryupāsata ||
pūrvaṃ tu bharate snāte lakṣmaṇe ca mahābale | sugrīve vānarendre ca rākṣasendre vibhīṣaṇe ||
viśodhitajaṭaḥ snātaś citramālyānulepanaḥ | mahārhavasanopetas tasthau tatra śriyā jvalan ||
pratikarma ca rāmasya kārayām āsa vīryavān | lakṣmaṇasya ca lakṣmīvān ikṣvākukulavardhanaḥ ||
pratikarma ca sītāyāḥ sarvā daśarathastriyaḥ | ātmanaiva tadā cakrur manasvinyo manoharam ||
tato rāghavapatnīnāṃ sarvāsām eva śobhanam | cakāra yatnāt kausalyā prahṛṣṭā putravatsalā ||
tataḥ śatrughnavacanāt sumantro nāma sārathiḥ | yojayitvābhicakrāma rathaṃ sarvāṅgaśobhanam ||
arkamaṇḍalasaṃkāśaṃ divyaṃ dṛṣṭvā rathaṃ sthitam | āruroha mahābāhū rāmaḥ satyaparākramaḥ ||
Услышав слова Бхараты, Рама, победитель вражеских городов, принял их словами: «Да будет так», и сел на прекрасное сиденье. Затем по приказу Шатругхны искусные, лёгкорукие и быстрые брадобреи стали обслуживать Рагхаву. Сначала омылись Бхарата, могучий Лакшмана, Сугрива, царь обезьян, и Вибхишана, царь ракшасов. Рама, с очищенной джатой, омытый, украшенный пёстрой гирляндой и умащениями, облачённый в драгоценные одежды, стоял там, сияя красотой. Доблестный и благодатный продолжатель рода Икшваку велел сделать убранство Рамы и Лакшманы. Все благородные женщины Дашаратхи сами сделали чарующее убранство Ситы; затем радостная Каушалья, любящая сына, тщательно украсила всех жён Рагхавы. После этого, по слову Шатругхны, возничий по имени Сумантра запряг и подвёл колесницу, прекрасную во всех частях. Увидев стоящую божественную колесницу, подобную солнечному диску, могучерукий Рама истинной доблести взошёл на неё.
9bf5581a8d5d · 发布于 2026年6月22日 00:00:00 UTC
可用语言RU用方向键翻颂
Приняв просьбу Бхараты, Рама возвращается из облика изгнанника в облик царя. Омовение, снятие джаты, одежды и колесница выражают не роскошь, а восстановление законного порядка.