अचिन्तयित्वा स तदा नन्दिवाक्यं निशाचरः । पर्वतं तं समासाद्य वाक्यम् एतद् उवाच ह ॥
पुष्पकस्य गतिश् छिन्ना यत्कृते मम गच्छतः । तद् एतच् छैलम् उन्मूलं करोमि तव गोपते ॥
केन प्रभावेन भवस् तत्र क्रीडति राजवत् । विज्ञातव्यं न जानीषे भयस्थानम् उपस्थितम् ॥
एवम् उक्त्वा ततो राजन् भुजान् प्रक्षिप्य पर्वते । तोलयाम् आस तं शैलं समृगव्यालपादपम् ॥
ततो राम महादेवः प्रहसन् वीक्ष्य तत्कृतम् । पादाङ्गुष्ठेन तं शैलं पीडयाम् आस लीलया ॥
ततस् ते पीडितास् तस्य शैलस्याधो गता भुजाः । विस्मिताश् चाभवंस् तत्र सचिवास् तस्य रक्षसः ॥
रक्षसा तेन रोषाच् च भुजानां पीडनात् तथा । मुक्तो विरावः सुमहांस् त्रैलोक्यं येन पूरितम् ॥
मानुषाः शब्दवित्रस्ता मेनिरे लोकसंक्षयम् । देवताश् चापि संक्षुब्धाश् चलिताः स्वेषु कर्मसु ॥
acintayitvā sa tadā nandivākyaṃ niśācaraḥ | parvataṃ taṃ samāsādya vākyam etad uvāca ha ||
puṣpakasya gatiś chinnā yatkṛte mama gacchataḥ | tad etac chailam unmūlaṃ karomi tava gopate ||
kena prabhāvena bhavas tatra krīḍati rājavat | vijñātavyaṃ na jānīṣe bhayasthānam upasthitam ||
evam uktvā tato rājan bhujān prakṣipya parvate | tolayām āsa taṃ śailaṃ samṛgavyālapādapam ||
tato rāma mahādevaḥ prahasan vīkṣya tatkṛtam | pādāṅguṣṭhena taṃ śailaṃ pīḍayām āsa līlayā ||
tatas te pīḍitās tasya śailasyādho gatā bhujāḥ | vismitāś cābhavaṃs tatra sacivās tasya rakṣasaḥ ||
rakṣasā tena roṣāc ca bhujānāṃ pīḍanāt tathā | mukto virāvaḥ sumahāṃs trailokyaṃ yena pūritam ||
mānuṣāḥ śabdavitrastā menire lokasaṃkṣayam | devatāś cāpi saṃkṣubdhāś calitāḥ sveṣu karmasu ||
Не обдумав слов Нанди, ночной странник подошёл к горе и сказал: «Из-за неё остановлен ход моей Пушпаки; поэтому, о владыка быков, я вырву эту гору с корнем. Какой силой Бхава играет здесь, словно царь? Ты не знаешь, что следует узнать: к тебе пришло место страха». Сказав так, о царь, он засунул руки под гору и стал поднимать её вместе со зверями, хищниками и деревьями. Тогда, о Рама, Махадева, увидев это действие, рассмеялся и играючи прижал гору большим пальцем ноги. Руки ракшаса, ушедшие под гору, оказались сдавлены; его советники стояли изумлённые. От гнева и от сдавливания рук этот ракшас испустил великий вопль, которым наполнились три мира. Люди, испуганные звуком, подумали, что наступает гибель мира, а божества также пришли в смятение и сбились со своих дел.
d9aaf04eeb01 · 发布于 2026年6月22日 00:00:00 UTC
可用语言RU用方向键翻颂
Равана пытается поднять Кайлас, но Шива отвечает не боем, а лёгким движением пальца. Так раскрывается несоразмерность: гордыня напрягает все руки, а божественная власть удерживает мир играючи.