स तु दत्त्वा दशग्रीवो वनं घोरं खरस्य तत् । भगिनीं च समाश्वास्य हृष्टः स्वस्थतरो ऽभवत् ॥
ततो निकुम्भिला नाम लङ्कायाः काननं महत् । महात्मा राक्षसेन्द्रस् तत् प्रविवेश सहानुगः ॥
तत्र यूपशताकीर्णं सौम्यचैत्योपशोभितम् । ददर्श विष्ठितं यज्ञं संप्रदीप्तम् इव श्रिया ॥
ततः कृष्णाजिनधरं कमण्डलुशिखाध्वजम् । ददर्श स्वसुतं तत्र मेघनादम् अरिंदमम् ॥
रक्षःपतिः समासाद्य समाश्लिष्य च बाहुभिः । अब्रवीत् किम् इदं वत्स वर्तते तद् ब्रवीहि मे ॥
उशना त्व् अब्रवीत् तत्र गुरुर् यज्ञसमृद्धये । रावणं राक्षसश्रेष्ठं द्विजश्रेष्ठो महातपाः ॥
अहम् आख्यामि ते राजञ् श्रूयतां सर्वम् एव च । यज्ञास् ते सप्त पुत्रेण प्राप्ताः सुबहुविस्तराः ॥
अग्निष्टोमो ऽश्वमेधश् च यज्ञो बहुसुवर्णकः । राजसूयस् तथा यज्ञो गोमेधो वैष्णवस् तथा ॥
माहेश्वरे प्रवृत्ते तु यज्ञे पुम्भिः सुदुर्लभे । वरांस् ते लब्धवान् पुत्रः साक्षात् पशुपतेर् इह ॥
कामगं स्यन्दनं दिव्यम् अन्तरिक्षचरं ध्रुवम् । मायां च तामसीं नाम यया संपद्यते तमः ॥
एतया किल संग्रामे मायया राक्षसेश्वर । प्रयुद्धस्य गतिः शक्या न हि ज्ञातुं सुरासुरैः ॥
अक्षयाव् इषुधी बाणैश् चापं चापि सुदुर्जयम् । अस्त्रं च बलवत् सौम्य शत्रुविध्वंसनं रणे ॥
एतान् सर्वान् वरांल् लब्ध्वा पुत्रस् ते ऽयं दशानन । अद्य यज्ञसमाप्तौ च त्वत्प्रतीक्षः स्थितो अहम् ॥
ततो ऽब्रवीद् दशग्रीवो न शोभनम् इदं कृतम् । पूजिताः शत्रवो यस्माद् द्रव्यैर् इन्द्रपुरोगमाः ॥
एहीदानीं कृतं यद् धि तद् अकर्तुं न शक्यते । आगच्छ सौम्य गच्छामः स्वम् एव भवनं प्रति ॥
sa tu dattvā daśagrīvo vanaṃ ghoraṃ kharasya tat | bhaginīṃ ca samāśvāsya hṛṣṭaḥ svasthataro 'bhavat ||
tato nikumbhilā nāma laṅkāyāḥ kānanaṃ mahat | mahātmā rākṣasendras tat praviveśa sahānugaḥ ||
tatra yūpaśatākīrṇaṃ saumyacaityopaśobhitam | dadarśa viṣṭhitaṃ yajñaṃ saṃpradīptam iva śriyā ||
tataḥ kṛṣṇājinadharaṃ kamaṇḍaluśikhādhvajam | dadarśa svasutaṃ tatra meghanādam ariṃdamam ||
rakṣaḥpatiḥ samāsādya samāśliṣya ca bāhubhiḥ | abravīt kim idaṃ vatsa vartate tad bravīhi me ||
uśanā tv abravīt tatra gurur yajñasamṛddhaye | rāvaṇaṃ rākṣasaśreṣṭhaṃ dvijaśreṣṭho mahātapāḥ ||
aham ākhyāmi te rājañ śrūyatāṃ sarvam eva ca | yajñās te sapta putreṇa prāptāḥ subahuvistarāḥ ||
agniṣṭomo 'śvamedhaś ca yajño bahusuvarṇakaḥ | rājasūyas tathā yajño gomedho vaiṣṇavas tathā ||
māheśvare pravṛtte tu yajñe pumbhiḥ sudurlabhe | varāṃs te labdhavān putraḥ sākṣāt paśupater iha ||
kāmagaṃ syandanaṃ divyam antarikṣacaraṃ dhruvam | māyāṃ ca tāmasīṃ nāma yayā saṃpadyate tamaḥ ||
etayā kila saṃgrāme māyayā rākṣaseśvara | prayuddhasya gatiḥ śakyā na hi jñātuṃ surāsuraiḥ ||
akṣayāv iṣudhī bāṇaiś cāpaṃ cāpi sudurjayam | astraṃ ca balavat saumya śatruvidhvaṃsanaṃ raṇe ||
etān sarvān varāṃl labdhvā putras te 'yaṃ daśānana | adya yajñasamāptau ca tvatpratīkṣaḥ sthito aham ||
tato 'bravīd daśagrīvo na śobhanam idaṃ kṛtam | pūjitāḥ śatravo yasmād dravyair indrapurogamāḥ ||
ehīdānīṃ kṛtaṃ yad dhi tad akartuṃ na śakyate | āgaccha saumya gacchāmaḥ svam eva bhavanaṃ prati ||
Отдав Кхаре тот страшный лес и утешив сестру, Десятишеий стал радостен и спокойнее. Затем великодушный владыка ракшасов со своими спутниками вошёл в великий лес Ланки по имени Никумбхила. Там он увидел установленное жертвоприношение, покрытое сотнями жертвенных столбов, украшенное приятными святилищами и словно пылающее красотой. Затем он увидел своего сына Мегханаду, укротителя врагов, носящего чёрную шкуру антилопы, с сосудом, пучком волос и знаменем. Владыка ракшасов подошёл, обнял его руками и спросил: «Что здесь происходит, дитя? Скажи мне». Тогда Ушанас, лучший из дваждырождённых, великий аскет и учитель, ради успеха жертвы сказал Раване, лучшему из ракшасов: «Я расскажу тебе, о царь; выслушай всё. Твой сын совершил семь великих и обширных жертв: Агништому, Ашвамедху, Бахусуварнаку, Раджасую, Гомедху и Вайшнаву. А когда началась Махешвара-жертва, очень трудно достижимая людьми, твой сын получил здесь дары от самого Пашупати: божественную колесницу, движущуюся по желанию и летающую в воздухе; майю по имени Тамаси, через которую возникает тьма; с помощью этой майи в битве, о владыка ракшасов, ни боги, ни асуры не смогут узнать путь сражающегося; неиссякаемые колчаны со стрелами, трудноодолимый лук и могучее оружие, уничтожающее врагов в бою. Получив все эти дары, твой сын, о Десятиликий, сегодня стоит при завершении жертвы и ждёт тебя». Тогда Десятишеий сказал: «Нехорошо это сделано, ведь дарами были почтены враги во главе с Индрой. Но идём теперь: сделанное невозможно сделать несделанным. Пойдём, благой, к нашему дому».
efaf27157cdf · 发布于 2026年6月22日 00:00:00 UTC
可用语言RU用方向键翻颂
Мегханад получает могущество через жертвенный порядок, но Равана видит в этом прежде всего политическую ошибку: враги были почтены. Так даже священное действие в доме Раваны втягивается в логику соперничества и власти.