ततस् तमसि संजाते राक्षसा दैवतैः सह । अयुध्यन्त बलोन्मत्ताः सूदयन्तः परस्परम् ॥
ततस् तु देवसैन्येन राक्षसानां महद् बलम् । दशांशं स्थापितं युद्धे शेषं नीतं यमक्षयम् ॥
तस्मिंस् तु तमसा नद्धे सर्वे ते देवराक्षसाः । अन्योन्यं नाभ्यजानन्त युध्यमानाः परस्परम् ॥
इन्द्रश् च रावणश् चैव रावणिश् च महाबलः । तस्मिंस् तमोजालवृते मोहम् ईयुर् न ते त्रयः ॥
स तु दृष्ट्वा बलं सर्वं निहतं रावणो रणे । क्रोधम् अभ्यागमत् तीव्रं महानादं च मुक्तवान् ॥
क्रोधात् सूतं च दुर्धर्षः स्यन्दनस्थम् उवाच ह । परसैन्यस्य मध्येन यावदन्तं नयस्व माम् ॥
अद्यैतांस् त्रिदशान् सर्वान् विक्रमैः समरे स्वयम् । नानाशस्त्रैर् महासारैर् नाशयामि नभस्तलात् ॥
अहम् इन्द्रं वधिष्यामि वरुणं धनदं यमम् । त्रिदशान् विनिहत्याशु स्वयं स्थास्याम्य् अथोपरि ॥
विषादो न च कर्तव्यः शीघ्रं वाहय मे रथम् । द्विः खलु त्वां ब्रवीम्य् अद्य यावदन्तं नयस्व माम् ॥
अयं स नन्दनोद्देशो यत्र वर्तामहे वयम् । नय माम् अद्य तत्र त्वम् उदयो यत्र पर्वतः ॥
तस्य तद्वचनं श्रुत्वा तुरगान् स मनोजवान् । आदिदेशाथ शत्रूणां मध्येनैव च सारथिः ॥
tatas tamasi saṃjāte rākṣasā daivataiḥ saha | ayudhyanta balonmattāḥ sūdayantaḥ parasparam ||
tatas tu devasainyena rākṣasānāṃ mahad balam | daśāṃśaṃ sthāpitaṃ yuddhe śeṣaṃ nītaṃ yamakṣayam ||
tasmiṃs tu tamasā naddhe sarve te devarākṣasāḥ | anyonyaṃ nābhyajānanta yudhyamānāḥ parasparam ||
indraś ca rāvaṇaś caiva rāvaṇiś ca mahābalaḥ | tasmiṃs tamojālavṛte moham īyur na te trayaḥ ||
sa tu dṛṣṭvā balaṃ sarvaṃ nihataṃ rāvaṇo raṇe | krodham abhyāgamat tīvraṃ mahānādaṃ ca muktavān ||
krodhāt sūtaṃ ca durdharṣaḥ syandanastham uvāca ha | parasainyasya madhyena yāvadantaṃ nayasva mām ||
adyaitāṃs tridaśān sarvān vikramaiḥ samare svayam | nānāśastrair mahāsārair nāśayāmi nabhastalāt ||
aham indraṃ vadhiṣyāmi varuṇaṃ dhanadaṃ yamam | tridaśān vinihatyāśu svayaṃ sthāsyāmy athopari ||
viṣādo na ca kartavyaḥ śīghraṃ vāhaya me ratham | dviḥ khalu tvāṃ bravīmy adya yāvadantaṃ nayasva mām ||
ayaṃ sa nandanoddeśo yatra vartāmahe vayam | naya mām adya tatra tvam udayo yatra parvataḥ ||
tasya tadvacanaṃ śrutvā turagān sa manojavān | ādideśātha śatrūṇāṃ madhyenaiva ca sārathiḥ ||
Когда возникла тьма, ракшасы и боги, обезумев от силы, сражались друг с другом и убивали друг друга. Тогда войско богов в бою оставило от великой силы ракшасов лишь десятую часть, а остальных отправило в обитель Ямы. Когда всё было связано тьмой, все боги и ракшасы, сражаясь друг с другом, уже не узнавали друг друга. Только трое не впали в заблуждение среди этой сети тьмы: Индра, Равана и могучий сын Раваны. Увидев, что всё его войско побито в битве, Равана впал в сильный гнев и издал великий крик. Разъярённый, трудноодолимый Равана сказал вознице, стоявшему на колеснице: «Веди меня через середину вражеского войска до самого края. Сегодня я сам своими подвигами уничтожу всех этих богов в битве с небесной поверхности крепкими разнообразными оружиями. Я убью Индру, Варуну, Дханаду и Яму; быстро уничтожив богов, сам стану наверху. Не унывай: быстро веди мою колесницу. Дважды говорю тебе сегодня: веди меня до самого края. Это та область Нанданы, где мы сейчас находимся; веди меня туда, где гора Удая». Услышав его слова, возница направил коней, быстрых как мысль, прямо через середину врагов.
e2343b94fd8a · 发布于 2026年6月22日 00:00:00 UTC
可用语言RU用方向键翻颂
Тьма скрывает всех, но не скрывает главных носителей воли в этой битве. Равана видит гибель своих сил и отвечает не трезвостью, а ещё более широким замыслом уничтожить хранителей мира.