ततः सहस्रनयनः प्रीतिरक्तः शुभाननः । कुशे शयमयीं मालां समुत्क्षिप्येदम् अब्रवीत् ॥
मत्करोत्सृष्टवज्रेण हनुर् अस्य यथा क्षतः । नाम्नैष कपिशार्दूलो भविता हनुमान् इति ॥
अहम् एवास्य दास्यामि परमं वरम् उत्तमम् । अतः प्रभृति वज्रस्य ममावध्यो भविष्यति ॥
मार्ताण्डस् त्व् अब्रवीत् तत्र भगवांस् तिमिरापहः । तेजसो ऽस्य मदीयस्य ददामि शतिकां कलाम् ॥
यदा तु शास्त्राण्य् अध्येतुं शक्तिर् अस्य भविष्यति । तदास्य शास्त्रं दास्यामि येन वाग्मी भविष्यति ॥
वरुणश् च वरं प्रादान् नास्य मृत्युर् भविष्यति । वर्षायुतशतेनापि मत्पाशाद् उदकाद् अपि ॥
यमो ऽपि दण्डावध्यत्वम् अरोगत्वं च नित्यशः । दिशते ऽस्य वरं तुष्ट अविषादं च संयुगे ॥
गदेयं मामिका नैनं संयुगेषु वधिष्यति । इत्य् एवं वरदः प्राह तदा ह्य् एकाक्षिपिङ्गलः ॥
मत्तो मदायुधानां च न वध्यो ऽयं भविष्यति । इत्य् एवं शंकरेणापि दत्तो ऽस्य परमो वरः ॥
सर्वेषां ब्रह्मदण्डानाम् अवध्यो ऽयं भविष्यति । दीर्घाअयुश् च महात्मा च इति ब्रह्माब्रवीद् वचः ॥
विश्वकर्मा तु दृष्ट्वैनं बालसूर्योपमं शिशुम् । शिल्पिना प्रवरः प्राह वरम् अस्य महामतिः ॥
विनिर्मितानि देवानाम् आयुधानीह यानि तु । तेषां संग्रामकाले तु अवध्यो ऽयं भविष्यति ॥
ततः सुराणां तु वरैर् दृष्ट्वा ह्य् एनम् अकंकृतम् । चतुर्मुखस् तुष्टमुखो वायुम् आह जगद्गुरुः ॥
अमित्राणां भयकरो मित्राणाम् अभयंकरः । अजेयो भविता ते ऽत्र पुत्रो मारुतमारुतिः ॥
रावणोत्सादनार्थानि रामप्रीतिकराणि च । रोमहर्षकराण्य् एष कर्ता कर्माणि संयुगे ॥
एवम् उक्त्वा तम् आमन्त्र्य मारुतं ते ऽमरैः सह । यथागतं ययुः सर्वे पितामहपुरोगमाः ॥
tataḥ sahasranayanaḥ prītiraktaḥ śubhānanaḥ | kuśe śayamayīṃ mālāṃ samutkṣipyedam abravīt ||
matkarotsṛṣṭavajreṇa hanur asya yathā kṣataḥ | nāmnaiṣa kapiśārdūlo bhavitā hanumān iti ||
aham evāsya dāsyāmi paramaṃ varam uttamam | ataḥ prabhṛti vajrasya mamāvadhyo bhaviṣyati ||
mārtāṇḍas tv abravīt tatra bhagavāṃs timirāpahaḥ | tejaso 'sya madīyasya dadāmi śatikāṃ kalām ||
yadā tu śāstrāṇy adhyetuṃ śaktir asya bhaviṣyati | tadāsya śāstraṃ dāsyāmi yena vāgmī bhaviṣyati ||
varuṇaś ca varaṃ prādān nāsya mṛtyur bhaviṣyati | varṣāyutaśatenāpi matpāśād udakād api ||
yamo 'pi daṇḍāvadhyatvam arogatvaṃ ca nityaśaḥ | diśate 'sya varaṃ tuṣṭa aviṣādaṃ ca saṃyuge ||
gadeyaṃ māmikā nainaṃ saṃyugeṣu vadhiṣyati | ity evaṃ varadaḥ prāha tadā hy ekākṣipiṅgalaḥ ||
matto madāyudhānāṃ ca na vadhyo 'yaṃ bhaviṣyati | ity evaṃ śaṃkareṇāpi datto 'sya paramo varaḥ ||
sarveṣāṃ brahmadaṇḍānām avadhyo 'yaṃ bhaviṣyati | dīrghāayuś ca mahātmā ca iti brahmābravīd vacaḥ ||
viśvakarmā tu dṛṣṭvainaṃ bālasūryopamaṃ śiśum | śilpinā pravaraḥ prāha varam asya mahāmatiḥ ||
vinirmitāni devānām āyudhānīha yāni tu | teṣāṃ saṃgrāmakāle tu avadhyo 'yaṃ bhaviṣyati ||
tataḥ surāṇāṃ tu varair dṛṣṭvā hy enam akaṃkṛtam | caturmukhas tuṣṭamukho vāyum āha jagadguruḥ ||
amitrāṇāṃ bhayakaro mitrāṇām abhayaṃkaraḥ | ajeyo bhavitā te 'tra putro mārutamārutiḥ ||
rāvaṇotsādanārthāni rāmaprītikarāṇi ca | romaharṣakarāṇy eṣa kartā karmāṇi saṃyuge ||
evam uktvā tam āmantrya mārutaṃ te 'maraiḥ saha | yathāgataṃ yayuḥ sarve pitāmahapurogamāḥ ||
Затем тысячеглазый, с прекрасным лицом, окрашенным радостью, поднял гирлянду, лежавшую на траве куша, и сказал: «Поскольку его челюсть была повреждена ваджрой, выпущенной из моей руки, этот тигр среди обезьян будет по имени Хануман. Я сам дам ему высший и лучший дар: отныне он будет неуязвим для моей ваджры». Тогда божественное Солнце, устраняющее тьму, сказало: «Я даю ему сотую часть моего сияния. Когда у него появится способность изучать шастры, я дам ему знание шастр, благодаря которому он станет красноречивым». Варуна дал дар: «Ему не будет смерти ни от моей петли, ни от воды даже через сто тысяч лет». Довольный Яма назначил ему дар: неуязвимость для жезла, постоянное здоровье и отсутствие уныния в битве. Одноглазый рыжеватый дарователь даров сказал: «Эта моя палица не убьёт его в битвах». Шанкара также дал ему высший дар: «Он не будет убит мной и моими оружиями». Брахма сказал: «Он будет неуязвим для всех брахма-жезлов, будет долгоживущим и великодушным». Великоумный Вишвакарман, лучший из мастеров, увидев ребёнка, подобного молодому солнцу, сказал ему дар: «Во время битвы он будет неуязвим для всех оружий богов, какие здесь созданы». Увидев, что он защищён дарами богов, Четырёхликий, учитель мира, с довольным лицом сказал Ваю: «О Марут, твой сын Марути будет непобедимым: страшным для врагов и дающим бесстрашие друзьям. В битве он совершит дела, предназначенные для уничтожения Раваны, радующие Раму и заставляющие волосы вставать дыбом». Сказав так и простившись с Марутом, все бессмертные во главе с Питамахой ушли тем же путём, каким пришли.
05347a1f04dd · 发布于 2026年6月22日 00:00:00 UTC
可用语言RU用方向键翻颂
Дары богов раскрывают предназначение Ханумана: его неуязвимость не для личной славы, а для дела Рамы. Даже имя, возникшее из раны, становится знаком будущей силы и служения.