श्रुत्वा तं घोरसंकाशं कुलक्षयम् उपस्थितम् । प्रकृतीस् तु समानीय काञ्चनं च पुरोहितम् ॥
तेषां सर्वं यथावृत्तम् आख्याय रघुनन्दनः । आत्मनश् च विपर्यासं भविष्यं भ्रातृभिः सह ॥
ततः पुत्रद्वयं वीरः सो ऽभ्यषिञ्चन् नराधिपः । सुबाहुर् मधुरां लेभे शत्रुघाती च वैदिशम् ॥
द्विधाकृत्वा तु तां सेनां माधुरीं पुत्रयोर् द्वयोः । धनधान्यसमायुक्तौ स्थापयाम् आस पार्थिवौ ॥
ततो विसृज्य राजानं वैदिशे शत्रुघातिनम् । जगाम त्वरितो ऽयोध्यां रथेनैकेन राघवः ॥
स ददर्श महात्मानं ज्वलन्तम् इव पावकम् । क्षौमसूक्ष्माम्बरधरं मुनिभिः सार्धम् अक्षयैः ॥
सो ऽभिवाद्य ततो रामं प्राञ्जलिः प्रयतेन्द्रियः । उवाच वाक्यं धर्मज्ञो धर्मम् एवानुचिन्तयन् ॥
कृत्वाभिषेकं सुतयोर् युक्तं राघवयोर् धनैः । तवानुगमने राजन् विद्धि मां कृतनिश्चयम् ॥
न चान्यद् अत्र वक्तव्यं दुस्तरं तव शासनम् । त्यक्तुं नार्हसि मां वीर भक्तिमन्तं विशेषतः ॥
तस्य तां बुद्धिम् अक्लीबां विज्ञाय रघुनन्दनः । बाढम् इत्य् एव शत्रुघ्नं रामो वचनम् अब्रवीत् ॥
śrutvā taṃ ghorasaṃkāśaṃ kulakṣayam upasthitam | prakṛtīs tu samānīya kāñcanaṃ ca purohitam ||
teṣāṃ sarvaṃ yathāvṛttam ākhyāya raghunandanaḥ | ātmanaś ca viparyāsaṃ bhaviṣyaṃ bhrātṛbhiḥ saha ||
tataḥ putradvayaṃ vīraḥ so 'bhyaṣiñcan narādhipaḥ | subāhur madhurāṃ lebhe śatrughātī ca vaidiśam ||
dvidhākṛtvā tu tāṃ senāṃ mādhurīṃ putrayor dvayoḥ | dhanadhānyasamāyuktau sthāpayām āsa pārthivau ||
tato visṛjya rājānaṃ vaidiśe śatrughātinam | jagāma tvarito 'yodhyāṃ rathenaikena rāghavaḥ ||
sa dadarśa mahātmānaṃ jvalantam iva pāvakam | kṣaumasūkṣmāmbaradharaṃ munibhiḥ sārdham akṣayaiḥ ||
so 'bhivādya tato rāmaṃ prāñjaliḥ prayatendriyaḥ | uvāca vākyaṃ dharmajño dharmam evānucintayan ||
kṛtvābhiṣekaṃ sutayor yuktaṃ rāghavayor dhanaiḥ | tavānugamane rājan viddhi māṃ kṛtaniścayam ||
na cānyad atra vaktavyaṃ dustaraṃ tava śāsanam | tyaktuṃ nārhasi māṃ vīra bhaktimantaṃ viśeṣataḥ ||
tasya tāṃ buddhim aklībāṃ vijñāya raghunandanaḥ | bāḍham ity eva śatrughnaṃ rāmo vacanam abravīt ||
Услышав об этом ужасном наступившем конце рода, радость рода Рагху Шатругхна собрал подданных и домашнего жреца Канчану. Рассказав им всё, как произошло, и о своём будущем изменении вместе с братьями, этот герой, владыка людей, затем посвятил двух сыновей: Субаху получил Мадхуру, а Шатругхати — Вайдишу. Разделив мадхурское войско надвое для двух сыновей, он утвердил двух царей, наделённых богатством и зерном. Затем, оставив царя Шатругхати в Вайдише, Рагхава быстро поехал в Айодхью на одной колеснице. Там он увидел великодушного Раму, пылающего словно огонь, в тонких льняных одеждах, вместе с неистощимыми муни. Поклонившись Раме, знаток дхармы Шатругхна, со сложенными ладонями и обузданными чувствами, размышляя именно о дхарме, сказал: «О царь, знай, что, совершив посвящение двух сыновей Рагху и снабдив их богатствами, я твёрдо решил следовать за тобой. Здесь нечего больше говорить; твоё повеление труднопреодолимо. О герой, ты не должен оставлять меня, особенно такого преданного». Узнав эту не робкую мысль Шатругхны, Рама, радость рода Рагху, сказал ему: «Да будет так».
673709cd007b · 发布于 2026年6月22日 00:00:00 UTC
可用语言RU用方向键翻颂
Шатругхна действует так же, как Рама: прежде упорядочивает царство, затем просит идти за братом. Его решимость названа не слабой: следование за Рамой для него не бегство, а завершение долга.