वानराश् च स्वकां योनिम् ऋक्षाश् चैव तथा ययुः । येभ्यो विनिःसृता ये ये सुरादिभ्यः सुसंभवाः ॥
ऋषिभ्यो नागयक्षेभ्यस् तांस् तान् एव प्रपेदिरे । तथोक्तवति देवेशे गोप्रतारम् उपागताः ॥
भेजिरे सरयूं सर्वे हर्षपूर्णाश्रुविक्लवाः । अवगाह्य जलं यो यः प्राणी ह्य् आसीत् प्रहृष्टवत् ॥
मानुषं देहम् उत्सृज्य विमानं सो ऽध्यरोहत । तिर्यग्योनिगताश् चापि संप्राप्ताः सरयूजलम् ॥
दिव्या दिव्येन वपुषा देवा दीप्ता इवाभवन् । गत्वा तु सरयूतोयं स्थावराणि चराणि च ॥
प्राप्य तत् तोयविक्लेदं देवलोकम् उपागमन् । देवानां यस्य या योनिर् वानरा ऋष्क राक्षसाः ॥
ताम् एव विविशुः सर्वे देवान् निक्षिप्य चाम्भसि । तथा स्वर्गगतं सर्वं कृत्वा लोकगुरुर् दिवम् ॥
जगाम त्रिदशैः सार्धं हृष्टैर् हृष्टो महामतिः ॥
vānarāś ca svakāṃ yonim ṛkṣāś caiva tathā yayuḥ | yebhyo viniḥsṛtā ye ye surādibhyaḥ susaṃbhavāḥ ||
ṛṣibhyo nāgayakṣebhyas tāṃs tān eva prapedire | tathoktavati deveśe gopratāram upāgatāḥ ||
bhejire sarayūṃ sarve harṣapūrṇāśruviklavāḥ | avagāhya jalaṃ yo yaḥ prāṇī hy āsīt prahṛṣṭavat ||
mānuṣaṃ deham utsṛjya vimānaṃ so 'dhyarohata | tiryagyonigatāś cāpi saṃprāptāḥ sarayūjalam ||
divyā divyena vapuṣā devā dīptā ivābhavan | gatvā tu sarayūtoyaṃ sthāvarāṇi carāṇi ca ||
prāpya tat toyavikledaṃ devalokam upāgaman | devānāṃ yasya yā yonir vānarā ṛṣka rākṣasāḥ ||
tām eva viviśuḥ sarve devān nikṣipya cāmbhasi | tathā svargagataṃ sarvaṃ kṛtvā lokagurur divam ||
jagāma tridaśaiḥ sārdhaṃ hṛṣṭair hṛṣṭo mahāmatiḥ ||
Ванары и медведи достигли своей собственной природы: каждый, кто был рождён из богов и прочих, из риши, нагов и якшей, пришёл именно к своему источнику. Когда владыка богов сказал так, все, подойдя к Гопратаре, вошли в Сараю, смущённые слезами, полными радости. Каждое радостное живое существо, погрузившись в воду, оставляло человеческое тело и восходило на воздушную колесницу. Даже находившиеся в животных рождениях, достигнув воды Сараю, стали божественными, с божественным телом, словно сияющие боги. И неподвижные, и движущиеся существа, достигнув воды Сараю и получив влажность этой воды, достигли мира богов. Ванары, медведи и ракшасы вошли именно в ту природу богов, из которой каждый произошёл, погрузив свои тела в воду. Так учитель миров сделал всех достигшими неба и, радостный, вместе с радостными богами ушёл на небо.
f78e6c8c38fa · 发布于 2026年6月22日 00:00:00 UTC
可用语言RU用方向键翻颂
Последний плод лилы Рамы — освобождение и возвышение всех, кто связан с ним преданностью. Сараю становится границей между земным обликом и божественной природой, а Брахма завершает переход всех последователей.