शकुनिर् उवाच
किं बालिषां मतिं राजन्न् आस्थितो ऽसि विशां पते ॥
गतास् ते समयं कृत्वा नैतद् एवं भविष्यति ॥
सत्यवाक्ये स्थिताः सर्वे पाण्डवा भरतर्षभ ॥
पितुस् ते वचनं तात न ग्रहीष्यन्ति कर्हि चित् ॥
अथ वा ते ग्रहीष्यन्ति पुनर् एष्यन्ति वा पुरम् ॥
निरस्य समयं भूयः पणो ऽस्माकं भविष्यति ॥
सर्वे भवामो मध्यस्था राज्ञश् छन्दानुवर्तिनः ॥
छिद्रं बहु प्रपश्यन्तः पाण्डवानां सुसंवृताः ॥
दुःशासन उवाच
एवम् एतन् महाप्राज्ञ यथा वदसि मातुल ॥
नित्यं हि मे कथयतस् तव बुद्धिर् हि रोचते ॥
कर्ण उवाच
कामम् ईक्षामहे सर्वे दुर्योधन तवेप्सितम् ॥
ऐकमत्यं हि नो राजन् सर्वेषाम् एव लक्ष्यते ॥
वैशंपायन उवाच
एवम् उक्तस् तु कर्णेन राजा दुर्योधनस् तदा ॥
नातिहृष्टमनाः क्षिप्रम् अभवत् स पराङ्मुखः ॥
śakunir uvāca
kiṃ bāliṣāṃ matiṃ rājann āsthito 'si viśāṃ pate ||
gatās te samayaṃ kṛtvā naitad evaṃ bhaviṣyati ||
satyavākye sthitāḥ sarve pāṇḍavā bharatarṣabha ||
pitus te vacanaṃ tāta na grahīṣyanti karhi cit ||
atha vā te grahīṣyanti punar eṣyanti vā puram ||
nirasya samayaṃ bhūyaḥ paṇo 'smākaṃ bhaviṣyati ||
sarve bhavāmo madhyasthā rājñaś chandānuvartinaḥ ||
chidraṃ bahu prapaśyantaḥ pāṇḍavānāṃ susaṃvṛtāḥ ||
duḥśāsana uvāca
evam etan mahāprājña yathā vadasi mātula ||
nityaṃ hi me kathayatas tava buddhir hi rocate ||
karṇa uvāca
kāmam īkṣāmahe sarve duryodhana tavepsitam ||
aikamatyaṃ hi no rājan sarveṣām eva lakṣyate ||
vaiśaṃpāyana uvāca
evam uktas tu karṇena rājā duryodhanas tadā ||
nātihṛṣṭamanāḥ kṣipram abhavat sa parāṅmukhaḥ ||
Shakuni said: "O king, what childish notion have you adopted? They departed having made an agreement; it will not turn out this way. All the Pandavas hold fast to truthful speech, O best of the Bharatas, and will never accept your father's word. But if they do accept it and come again to the city, breaking the agreement, the game will once more be staked for us. We shall all remain neutral, following the will of the king, and, well concealed, shall see many vulnerable points in the Pandavas." Duhshasana said: "It is exactly so, O most wise one, as you say, uncle. Your thinking always pleases me." Karna said: "Duryodhana, we all desire what you desire; the unanimity of all of us is plain to see." But hearing Karna's words, king Duryodhana was not overly pleased and turned away.
2c7becbe8635 · published Jul 16, 2026, 4:33:28 PM UTC
Available inRUENPage between verses with
Duryodhana's counselors differ in tone but agree on one thing: none of them offers the truth. Where a circle of company is built on envy, even caution becomes merely another form of malicious intent.