भीष्म उवाच
नित्योद्युक्तेन वै राज्ञा भवितव्यं युधिष्ठिर ॥
प्रशाम्यते च राजा हि नारीवोद्यमवर्जितः ॥
भगवान् उशना चाह श्लोकम् अत्र विशां पते ॥
तम् इहैकमना राजन् गदतस् त्वं निबोध मे ॥
द्वाव् एतौ ग्रसते भूमिः सर्पो बिलशयान् इव ॥
राजानं चाविरोद्धारं ब्राह्मणं चाप्रवासिनम् ॥
तद् एतन् नरशार्दूल हृदि त्वं कर्तुम् अर्हसि ॥
संधेयान् अपि संधत्स्व विरोध्यांश् च विरोधय ॥
सप्ताङ्गे यश् च ते राज्ये वैपरीत्यं समाचरेत् ॥
गुरुर् वा यदि वा मित्रं प्रतिहन्तव्य एव सः ॥
मरुत्तेन हि राज्ञायं गीतः श्लोकः पुरातनः ॥
राज्याधिकारे राजेन्द्र बृहस्पतिमतः पुरा ॥
गुरोर् अप्य् अवलिप्तस्य कार्याकार्यम् अजानतः ॥
उत्पथप्रतिपन्नस्य परित्यागो विधीयते ॥
बाहोः पुत्रेण राज्ञा च सगरेणेह धीमता ॥
असमञ्जाः सुतो ज्येष्ठस् त्यक्तः पौरहितैषिणा ॥
असमञ्जाः सरय्वां प्राक् पौराणां बालकान् नृप ॥
न्यमज्जयद् अतः पित्रा निर्भर्त्स्य स विवासितः ॥
ऋषिणोद्दालकेनापि श्वेतकेतुर् महातपाः ॥
मिथ्या विप्रान् उपचरन् संत्यक्तो दयितः सुतः ॥
bhīṣma uvāca
nityodyuktena vai rājñā bhavitavyaṃ yudhiṣṭhira ||
praśāmyate ca rājā hi nārīvodyamavarjitaḥ ||
bhagavān uśanā cāha ślokam atra viśāṃ pate ||
tam ihaikamanā rājan gadatas tvaṃ nibodha me ||
dvāv etau grasate bhūmiḥ sarpo bilaśayān iva ||
rājānaṃ cāviroddhāraṃ brāhmaṇaṃ cāpravāsinam ||
tad etan naraśārdūla hṛdi tvaṃ kartum arhasi ||
saṃdheyān api saṃdhatsva virodhyāṃś ca virodhaya ||
saptāṅge yaś ca te rājye vaiparītyaṃ samācaret ||
gurur vā yadi vā mitraṃ pratihantavya eva saḥ ||
maruttena hi rājñāyaṃ gītaḥ ślokaḥ purātanaḥ ||
rājyādhikāre rājendra bṛhaspatimataḥ purā ||
guror apy avaliptasya kāryākāryam ajānataḥ ||
utpathapratipannasya parityāgo vidhīyate ||
bāhoḥ putreṇa rājñā ca sagareṇeha dhīmatā ||
asamañjāḥ suto jyeṣṭhas tyaktaḥ paurahitaiṣiṇā ||
asamañjāḥ sarayvāṃ prāk paurāṇāṃ bālakān nṛpa ||
nyamajjayad ataḥ pitrā nirbhartsya sa vivāsitaḥ ||
ṛṣiṇoddālakenāpi śvetaketur mahātapāḥ ||
mithyā viprān upacaran saṃtyakto dayitaḥ sutaḥ ||
Бхишма сказал: «Юдхиштхира, царь должен быть всегда готов к действию; правитель, лишённый усилия, угасает, словно враг без сопротивления. Благословенный Ушанас сказал об этом строфу, господин людей; выслушай её от меня сосредоточенно, царь. Земля поглощает этих двух, как змей норных: царя, который не противится, и брахмана, который не странствует. Поэтому, тигр среди людей, держи это в сердце: с теми, с кем следует заключать союз, заключай союз, а тем, кому следует противиться, противься. И кто бы в твоём семичленном царстве ни действовал разрушительно, будь то учитель или друг, он должен быть остановлен. В древности царь Марутта, следуя мнению Брихаспати, сказал древнюю строфу о царской власти: даже от учителя, который возгордился, не различает должного и недолжного и встал на ложный путь, предписано отстраниться. Мудрый царь Сагара, сын Баху, ради блага горожан отверг своего старшего сына Асаманджаса: тот прежде топил в Сараю детей горожан, и отец, обличив его, изгнал. И риши Уддалака отверг любимого сына Шветакету, великого подвижника, когда тот неверно обращался с брахманами».
3f029b4ca4c6 · published Jun 20, 2026, 5:52:52 PM UTC
Available inRUPage between verses with
Бхишма продолжает тему решимости: царю нельзя превращать родство, дружбу или почтение к старшим в оправдание разрушения порядка. Дхарма правителя требует союза там, где нужен союз, и противодействия там, где начинается вред.