एवं प्रज्ञावता बुद्ध्या दुर्बलेन महाबलाः ॥
एकेन बहवो ऽमित्राः पलितेनाभिसंधिताः ॥
अरिणापि समर्थेन संधिं कुर्वीत पण्डितः ॥
मूषकश् च बिडालश् च मुक्ताव् अन्योन्यसंश्रयात् ॥
इत्य् एष क्षत्रधर्मस्य मया मार्गो ऽनुदर्शितः ॥
विस्तरेण महीपाल संक्षेपेण पुनः शृणु ॥
अन्योन्यकृतवैरौ तु चक्रतुः प्रीतिम् उत्तमाम् ॥
अन्योन्यम् अभिसंधातुम् अभूच् चैव तयोर् मतिः ॥
तत्र प्राज्ञो ऽभिसंधत्ते सम्यग् बुद्धिबलाश्रयात् ॥
अभिसंधीयते प्राज्ञः प्रमादाद् अपि चाबुधैः ॥
तस्माद् अभीतवद् भीतो विश्वस्तवद् अविश्वसन् ॥
न ह्य् अप्रमत्तश् चलति चलितो वा विनश्यति ॥
कालेन रिपुणा संधिः काले मित्रेण विग्रहः ॥
कार्य इत्य् एव तत्त्वज्ञाः प्राहुर् नित्यं युधिष्ठिर ॥
एवं मत्वा महाराज शास्त्रार्थम् अभिगम्य च ॥
अभियुक्तो ऽप्रमत्तश् च प्राग् भयाद् भीतवच् चरेत् ॥
भीतवत् संविधिः कार्यः प्रतिसंधिस् तथैव च ॥
भयाद् उत्पद्यते बुद्धिर् अप्रमत्ताभियोगजा ॥
न भयं विद्यते राजन् भीतस्यानागते भये ॥
अभीतस्य तु विस्रम्भात् सुमहज् जायते भयम् ॥
न भीरुर् इति चात्यन्तं मन्त्रो ऽदेयः कथं चन ॥
अविज्ञानाद् धि विज्ञाते गच्छेद् आस्पददर्शिषु ॥
तस्माद् अभीतवद् भीतो विश्वस्तवद् अविश्वसन् ॥
कार्याणां गुरुतां बुद्ध्वा नानृतं किं चिद् आचरेत् ॥
एवम् एतन् मया प्रोक्तम् इतिहासं युधिष्ठिर ॥
श्रुत्वा त्वं सुहृदां मध्ये यथावत् समुपाचर ॥
उपलभ्य मतिं चाग्र्याम् अरिमित्रान्तरं तथा ॥
संधिविग्रहकालं च मोक्षोपायं तथापदि ॥
शत्रुसाधारणे कृत्ये कृत्वा संधिं बलीयसा ॥
समागमं चरेद् युक्त्या कृतार्थो न च विश्वसेत् ॥
अविरुद्धां त्रिवर्गेण नीतिम् एतां युधिष्ठिर ॥
अभ्युत्तिष्ठ श्रुताद् अस्माद् भूयस् त्वं रञ्जयन् प्रजाः ॥
ब्राह्मणैश् चापि ते सार्धं यात्रा भवतु पाण्डव ॥
ब्राह्मणा हि परं श्रेयो दिवि चेह च भारत ॥
एते धर्मस्य वेत्तारः कृतज्ञाः सततं प्रभो ॥
पूजिताः शुभकर्माणः पूर्वजित्या नराधिप ॥
राज्यं श्रेयः परं राजन् यशः कीर्तिं च लप्स्यसे ॥
कुलस्य संततिं चैव यथान्यायं यथाक्रमम् ॥
द्वयोर् इमं भारत संधिविग्रहं; सुभाषितं बुद्धिविशेषकारितम् ॥
तथान्ववेक्ष्य क्षितिपेन सर्वदा; निषेवितव्यं नृप शत्रुमण्डले ॥
evaṃ prajñāvatā buddhyā durbalena mahābalāḥ ||
ekena bahavo 'mitrāḥ palitenābhisaṃdhitāḥ ||
ariṇāpi samarthena saṃdhiṃ kurvīta paṇḍitaḥ ||
mūṣakaś ca biḍālaś ca muktāv anyonyasaṃśrayāt ||
ity eṣa kṣatradharmasya mayā mārgo 'nudarśitaḥ ||
vistareṇa mahīpāla saṃkṣepeṇa punaḥ śṛṇu ||
anyonyakṛtavairau tu cakratuḥ prītim uttamām ||
anyonyam abhisaṃdhātum abhūc caiva tayor matiḥ ||
tatra prājño 'bhisaṃdhatte samyag buddhibalāśrayāt ||
abhisaṃdhīyate prājñaḥ pramādād api cābudhaiḥ ||
tasmād abhītavad bhīto viśvastavad aviśvasan ||
na hy apramattaś calati calito vā vinaśyati ||
kālena ripuṇā saṃdhiḥ kāle mitreṇa vigrahaḥ ||
kārya ity eva tattvajñāḥ prāhur nityaṃ yudhiṣṭhira ||
evaṃ matvā mahārāja śāstrārtham abhigamya ca ||
abhiyukto 'pramattaś ca prāg bhayād bhītavac caret ||
bhītavat saṃvidhiḥ kāryaḥ pratisaṃdhis tathaiva ca ||
bhayād utpadyate buddhir apramattābhiyogajā ||
na bhayaṃ vidyate rājan bhītasyānāgate bhaye ||
abhītasya tu visrambhāt sumahaj jāyate bhayam ||
na bhīrur iti cātyantaṃ mantro 'deyaḥ kathaṃ cana ||
avijñānād dhi vijñāte gacched āspadadarśiṣu ||
tasmād abhītavad bhīto viśvastavad aviśvasan ||
kāryāṇāṃ gurutāṃ buddhvā nānṛtaṃ kiṃ cid ācaret ||
evam etan mayā proktam itihāsaṃ yudhiṣṭhira ||
śrutvā tvaṃ suhṛdāṃ madhye yathāvat samupācara ||
upalabhya matiṃ cāgryām arimitrāntaraṃ tathā ||
saṃdhivigrahakālaṃ ca mokṣopāyaṃ tathāpadi ||
śatrusādhāraṇe kṛtye kṛtvā saṃdhiṃ balīyasā ||
samāgamaṃ cared yuktyā kṛtārtho na ca viśvaset ||
aviruddhāṃ trivargeṇa nītim etāṃ yudhiṣṭhira ||
abhyuttiṣṭha śrutād asmād bhūyas tvaṃ rañjayan prajāḥ ||
brāhmaṇaiś cāpi te sārdhaṃ yātrā bhavatu pāṇḍava ||
brāhmaṇā hi paraṃ śreyo divi ceha ca bhārata ||
ete dharmasya vettāraḥ kṛtajñāḥ satataṃ prabho ||
pūjitāḥ śubhakarmāṇaḥ pūrvajityā narādhipa ||
rājyaṃ śreyaḥ paraṃ rājan yaśaḥ kīrtiṃ ca lapsyase ||
kulasya saṃtatiṃ caiva yathānyāyaṃ yathākramam ||
dvayor imaṃ bhārata saṃdhivigrahaṃ; subhāṣitaṃ buddhiviśeṣakāritam ||
tathānvavekṣya kṣitipena sarvadā; niṣevitavyaṃ nṛpa śatrumaṇḍale ||
Бхишма сказал: «Так слабый Палита мудрым разумом перехитрил многих сильных врагов. Мудрый должен заключать союз даже со способным врагом: мышь и кот освободились благодаря взаимной опоре. Я подробно показал тебе путь кшатрийской дхармы, теперь слушай кратко. Те двое, прежде враждовавшие, создали высшую приязнь, но у обоих была мысль перехитрить друг друга. Мудрый побеждает замысел, опираясь на силу разума, но из-за небрежности даже мудрый может быть обманут глупыми. Поэтому надо быть боящимся как небоящийся и не доверять как доверившийся: внимательный не падает, а поколебавшийся гибнет. Знатоки истины говорят, что в своё время следует заключать союз с врагом, а в своё время вступать в разрыв с другом. Поняв это и смысл шастры, царь должен быть собран и внимателен, ещё до опасности действуя как тот, кто опасность видит. Из страха рождается разум, если он соединён с внимательным усилием. Для того, кто заранее боится будущей опасности, страха нет; для беспечного же от доверчивости рождается великий страх. Нельзя отвергать совет только потому, что он кажется робким. Поэтому, понимая тяжесть дел, действуй осторожно и не совершай лжи. Услышав эту историю, поступай как следует среди друзей и врагов, распознавая различие между ними, время союза и разрыва и средство спасения в беде. В общем с врагом деле, заключив союз с сильнейшим, сближайся разумно, а достигнув цели — не доверяй. Следуй этой нити, не противоречащей триварге, и радуй подданных. Пусть твой путь будет вместе с брахманами, ибо они — высшее благо здесь и на небе; почитая их, ты получишь царство, славу и продолжение рода по справедливости и порядку. Рассмотрев этот хорошо сказанный пример союза и разрыва между двумя, созданный особой мудростью, царь всегда должен применять его в круге врагов».
7b2f2519a297 · published Jun 21, 2026, 10:43:41 AM UTC
Available inRUPage between verses with
Бхишма не учит паранойе ради самой паранойи. Он учит ответственности: страх будущей опасности рождает внимательность, а внимательность сохраняет дхарму, жизнь и царство. Союз с врагом допустим, но только пока он служит ясной цели и не превращается в слепое доверие.