अनादिनिधनः श्रीमान् हरिर् नारायणः प्रभुः ॥
स वै सृजति भूतानि स्थावराणि चराणि च ॥
एष सर्वेषु भूतेषु क्षरश् चाक्षर एव च ॥
एकादशविकारात्मा जगत् पिबति रश्मिभिः ॥
पादौ तस्य महीं विद्धि मूर्धानं दिवम् एव च ॥
बाहवस् तु दिशो दैत्य श्रोत्रम् आकाशम् एव च ॥
तस्य तेजोमयः सूर्यो मनश् चन्द्रमसि स्थितम् ॥
बुद्धिर् ज्ञानगता नित्यं रसस् त्व् अप्सु प्रवर्तते ॥
भ्रुवोर् अनन्तरास् तस्य ग्रहा दानवसत्तम ॥
नक्षत्रचक्रं नेत्राभ्यां पादयोर् भूश् च दानव ॥
रजस् तमश् च सत्त्वं च विद्धि नारायणात्मकम् ॥
सो ऽऽश्रमाणां मुखं तात कर्मणस् तत् फलं विदुः ॥
अकर्मणः फलं चैव स एव परम् अव्ययः ॥
छन्दांसि तस्य रोमाणि अक्षरं च सरस्वती ॥
बह्वाश्रयो बहुमुखो धर्मो हृदि समाश्रितः ॥
स ब्रह्मपरमो धर्मस् तपश् च सद् असच् च सः ॥
श्रुतिशास्त्रग्रहोपेतः षोडशर्त्विक्क्रतुश् च सः ॥
पितामहश् च विष्णुश् च सो ऽश्विनौ स पुरंदरः ॥
मित्रश् च वरुणश् चैव यमो ऽथ धनदस् तथा ॥
ते पृथग्दर्शनास् तस्य संविदन्ति तथैकताम् ॥
एकस्य विद्धि देवस्य सर्वं जगद् इदं वशे ॥
नानाभूतस्य दैत्येन्द्र तस्यैकत्वं वदत्य् अयम् ॥
जन्तुः पश्यति ज्ञानेन ततः सत्त्वं प्रकाशते ॥
anādinidhanaḥ śrīmān harir nārāyaṇaḥ prabhuḥ ||
sa vai sṛjati bhūtāni sthāvarāṇi carāṇi ca ||
eṣa sarveṣu bhūteṣu kṣaraś cākṣara eva ca ||
ekādaśavikārātmā jagat pibati raśmibhiḥ ||
pādau tasya mahīṃ viddhi mūrdhānaṃ divam eva ca ||
bāhavas tu diśo daitya śrotram ākāśam eva ca ||
tasya tejomayaḥ sūryo manaś candramasi sthitam ||
buddhir jñānagatā nityaṃ rasas tv apsu pravartate ||
bhruvor anantarās tasya grahā dānavasattama ||
nakṣatracakraṃ netrābhyāṃ pādayor bhūś ca dānava ||
rajas tamaś ca sattvaṃ ca viddhi nārāyaṇātmakam ||
so ''śramāṇāṃ mukhaṃ tāta karmaṇas tat phalaṃ viduḥ ||
akarmaṇaḥ phalaṃ caiva sa eva param avyayaḥ ||
chandāṃsi tasya romāṇi akṣaraṃ ca sarasvatī ||
bahvāśrayo bahumukho dharmo hṛdi samāśritaḥ ||
sa brahmaparamo dharmas tapaś ca sad asac ca saḥ ||
śrutiśāstragrahopetaḥ ṣoḍaśartvikkratuś ca saḥ ||
pitāmahaś ca viṣṇuś ca so 'śvinau sa puraṃdaraḥ ||
mitraś ca varuṇaś caiva yamo 'tha dhanadas tathā ||
te pṛthagdarśanās tasya saṃvidanti tathaikatām ||
ekasya viddhi devasya sarvaṃ jagad idaṃ vaśe ||
nānābhūtasya daityendra tasyaikatvaṃ vadaty ayam ||
jantuḥ paśyati jñānena tataḥ sattvaṃ prakāśate ||
Безначальный и бесконечный, славный Хари Нараяна, Господь, творит движущиеся и неподвижные существа. Он пребывает во всех существах как преходящее и непреходящее; приняв природу одиннадцати изменений, Он вбирает мир Своими лучами. Знай, что Его стопы - земля, Его голова - небо, Его руки - стороны света, а Его слух - пространство. Его сиянием является солнце, Его ум расположен в луне, Его разум всегда связан со знанием, а вкус проявляется в водах. Между Его бровями находятся планеты, в Его очах - круг созвездий, а земля - у Его стоп. Знай, что раджас, тамас и саттва имеют природу Нараяны. Он - глава жизненных укладов; Его знают как плод действия и как плод бездействия. Он один - высший и непреходящий. Ведийские размеры - Его волосы, слог и Сарасвати - Его речь. Многоопорная и многоликая дхарма укоренена в Его сердце. Он - высший брахман, дхарма, аскеза, сущее и несущее. Он - жертва, связанная со шрути, шастрой и постижением, жертва с шестнадцатью жрецами. Он - Питамаха и Вишну, Ашвины и Пурандара, Митра, Варуна, Яма и Кубера. Хотя эти божества видятся отдельно, они связаны с Его единством. Знай, что весь этот мир находится во власти одного Бога. Это учение говорит о единстве Того, кто стал многообразным, о царь дайтьев; когда живое существо видит это знанием, тогда проявляется саттва».
7893baa3edcc · published Jun 21, 2026, 8:18:54 AM UTC
Available inRUPage between verses with
Космическое тело Нараяны показывает не безличное растворение различий, а зависимость всего многообразия от единого Господа. Божества, гуны, дхарма и жертва получают смысл как Его энергии и установления.